የጠራ የትግል መስመር የድል መባቻ ነው!
የአማራን ተጋድሎ መደገፍ ሰውን ማዕከል ማድረግን ብቻ ይጠይቃል። የአማራን ተጋድሎ ማጣጣል ሰብዕዊነትን መርገጥ ይሆናል - ለእኔ ። „ራህብን የሚያውቀው የተራበው ብቻ ነው„ - አሁንም - ለእኔ። „በምድር ላይ የሰው ህይወት ብርቱ ሰልፍ አይደለምን?“ መጽሐፈ እዮብ ፯ ቁጥር ፩ v ይድረስ ለተከበሩ ፕሮፌስር ዓለምአንተ ገ/ሥላሴ እና v እንዲሁም ለዶር. ደመቀ ገሰሰ። ከሥርጉተ© ሥላሴ 09.11.2016 (ሲዊዘርላንድ - ዙሪክ) · መ ቅድም። ውዶቼ ይህም ጹሁፍ በዘመነ አማራ ተጋድሎ 09.11.2016 ላይ የተጸፋ ነው። ሦስት እርዕሰ ጉዳይን በአንድ ጥምረት የሠራሁት ነበር። አማራ መከራህን ዋጥ አድርገህ በሰጠንህ ልክ ታገል በተባለበት ዘመን፤ ተጋድሎው ፊት በተነሳበት ወቅት የተጣፈ ነው። የጎንደር ህብረት እና የጎጃም ህብረት ግንባር ቀደምቶቹ ነበሩ። እነሱን ሞግቼ የጻፍኩት ነው። እንዲያውም የወሎ፤ የሽዋ፤ የባሌ፤ የአርሲ እያለ እንደሚቀጥል በልበ ሙሉነት ይናገሩ ነበር፤ ለዛም ተግተዋል፤ ብቻ የውርንጫ ድካም ሆኖ ቀረላቸው እንጂ። ጹሑፉ የተጋድሎው ሁነኛ ደጋፊዎቹ ጥቂት በነበሩበት ወቅት የተሠራ ነው። ቀንበጥ ታሪኩን በታሪኩ ከርስ ውስጥ ባለርስት ማድረግ ስላለባት እንሆ ሳተናው/ ኢትዮ ሪጅሰተር በዛን ጊዜ ፖስት ያደረገውን ለውጥ ስለሚባለው መሰረታዊ ትንፋሽ አማራ ስለፈከፈለው መስዋዕትነት እና ስለነበረበት ወጀብ ታሪኩ ስለሆነ በድጋሚ ቀርቧል። ያላነበባችሁት እንድታነቡት፤ ያነባባችሁት ደግሞ ያን ጊዜ እኔ የጻፍኩት የጭብጥ መሰረት እና ዛሬን ማገናዘብ መዳኘት ስለሚያስቸላችሁ ደግማችሁ ብታነቡት ቢጠቅም እንጂ የሚጎዳ አይኖረውም። የፊደል ግድፈትን
