"ፊንላንድ ለስምንት ተከታታይ ዓመት የዓለማችን ደስተኛ ሀገር ሆና ተመረጠች፤ ኢትዮጵያስ?" BBC

-

 

 "ፊንላንድ ለስምንት ተከታታይ ዓመት የዓለማችን ደስተኛ ሀገር ሆና ተመረጠች፤ ኢትዮጵያስ?" BBC

https://www.bbc.com/amharic/articles/cdxq7yvxeq4o

 እየሳቁ ያሉ ሰዎች

 

"ፊንላንድ ለስምንት ተከታታይ ዓመት በዓለም ደስተኛ ሀገር ሆና ተመርጣለች።"

"የተፈጥሮ መዳረሻ ከመሆን እና ጠንካራ የማሕህበራዊ ዋስትና ስርዓትን መዘርጋቷ ደስተኛ አገር ሆና ለመመረጧ ምክንያት እንደሆነ ባለሙያዎች ተናግረዋል።

የተባበሩት መንግስታት ድርጅት ድጋፍ ባደረገለት የዚህ የዓለም የደስታ ሪፖርት ፊንላንድ ከሌሎች ሦስት የኖርዲክ አገራት ቀድማ መቀመጥ የቻለች ሲሆን የላቲን አሜሪካዋ ኮስታሪካ እና ሜክሲኮ ለመጀመሪያ ጊዜ እስከ 10ኛ ባለው ደረጃ ውስጥ ገብተዋል።

በሪፖርቱ መሠረት ኢትዮጵያ 132ኛ ደረጃ ላይ ተቀምጣለች። ጎረቤት አገር ኬንያ 115ኛ ስትይዝ ግብጽ ደግሞ 135 ደረጃን ይዛለች።

አፍጋኒስታን በሪፖርቱ ደረጃ ግርጌ ላይ በመቀመጥ 147 ደረጃን ይዛ አጠናቃለች።

ዩናይትድ ኪንግደም እና አሜሪካ በዝርዝሩ ላይ ደረጃቸው ወርዶ 23ኛ እና 24ኛ ደረጃ ላይ ተቀምጠዋል። ይህም ሁለቱ አገራት ያስመዘገቡት ዝቅተኛው ደረጃ ሆኗል።

ጥናቱ እንግዳ ሰዎች ወይም የማይተዋወቁ ሰዎች ከሚጠበቀው በእጥፍ የበለጥ ደግ ሆነው መገኘታቸውን ጥናቱ አረጋግጧል።

ሆን ተብሎ የኪስ ቦርሳ በመጣል ምን ያህል እንግዳ ሰዎች እንደመለሱ በማየት እና ሰዎች ይመልሳሉ ብለው ከሚጠብቁት ጋር በማነጻጸር ተለክቷል።

የተመለሱት የኪስ ቦርሳዎች መጠን ሰዎች ከገመቱት በእጥፍ የሚበልጥ ሆኗል።

ከዓለም ዙሪያ የተገኙ መረጃዎችን ባሰባሰበው ጥናት መሠረት የሌሎች ደግነት ቀደም ሲል ከታሰበው በላይ ከደስታ ጋር የተሳሰረ መሆኑን አስታውቋል።

የኪስ ቦርሳ ጥናቱ መረጃ እንደሚያሳየው "ሰዎች እርስ በርስ እንደሚተሳሰቡ በሚያስቡበት ቦታ መኖራቸው በጣም ደስተኛ ያደርጋቸዋል" ሲሉ በብሪቲሽ ኮሎምቢያ ዩኒቨርሲቲ ኢኮኖሚስት እና የሪፖርቱ መሪ አርታኢ የሆኑት ጆን ኤፍ ሄሊዌል ተናግረዋል።

የተባበሩት መንግስታት ድርጅት የዓለም አቀፍ የደስታ ቀንን ምክንያት በማድረግ ይፋ የሆነው 13ኛው የዓለም የደስታ ሪፖርት ሰዎች ህይወታቸውን እንዲገመግሙ በመጠየቅ እጅግ ደስተኛ የሆኑት የዓለም ሀገራትን በደረጃ አስቀምጧል።

 

ፊንላንድ ከ10 ነጥብ ውስጥ በአማካይ 7.736 ነጥብ በማስመዝገብ ቀዳሚ ስትሆን ዴንማርክ ሁለተኛ ደረጃን ይዛለች።

ለኮስታሪካ እና ሜክሲኮ የደረጃዎች መጨመር የቤተሰብ ትስስር ምክንያት እንደሆነ ባለሙያዎች ተናግረዋል።

በኦክስፎርድ ዩኒቨርስቲ ዌሊንግ የምርምር ማዕከል የታተመው ጥናቱ፤ ሰዎች የራሳቸውን ህይወት ከዜሮ እስከ 10 እንዲመዘኑ ጠይቋል። ዜሮ የከፋ ህይወት ሲሆን 10 ምርጥ ህይወት ተደርጎ ቀርቧል።

የአገራት ደረጃ በእነዚህ ውጤቶች ሦስት ዓመት አማካይ ላይ የተመሰረቱ ናቸው።

ቀዳሚዎቹ አስር አገራት የሚከተሉት ናቸው።

  • ፊንላንድ
  • ዴንማርክ
  • አይስላንድ
  • ስዊድን
  • ኔዘርላንድስ
  • ኮስታሪካ
  • ኖርዌይ
  • እስራኤል
  • ሉክሰምበርግ
  • ሜክሲኮ

የ2025 የዓለም ደስታ ሪፖርት ሌሎች ግኝቶችንም ይፋ አድርጓል።

  • በዩናይትድ ስቴትስ እና በአንዳንድ የአውሮፓ ክፍሎች ላይ ያለው የደስታ እና የማህበራዊ እምነት ማሽቆልቆል የፓለቲካ ጽንፈኝነት እንዲሁም ልዩነት መስፋትን ያስረዳል።
  • ምግብን ከሌሎች ጋር መጋራት በዓለም ዙሪያ ካለው ደህንነት ጋር በጥብቅ የተቆራኘ ነው።
  • የቤተሰብ ብዛት ከደስታ ጋር በጥብቅ የተቆራኘ ሲሆን ከአራት እስከ አምስት ሰዎች አብረው የሚኖሩባቸው ሜክሲኮ እና አውሮፓ ከፍተኛውን የደስታ ደረጃ አግኝተዋል።

የተባበሩት መንግስታት የዘላቂ ልማት ኔትዎርክ ፕሬዝዳንት ጄፍሪ ዲ ሳክስ በበኩላቸው ግኝቶቹ "ደስታ በመተማመን፣ በደግነትና በማህበራዊ ትስስር ላይ የተመሰረተ ነው" መሆኑን በድጋሚ አረጋግጧል ብለዋል።

"ይህን ጠቃሚ እውነት ወደ አዎንታዊ ተግባር መተርጎም፣ በዚህም ሰላምን፣ ጨዋነትን እና ደህንነትን በዓለም ዙሪያ ማፍራት የእኛ ፈንታ ነው" ሲሉ ገልጸዋል።

"በዚህ በማህበራዊ መገለል እና በፖለቲካዊ ልዩነት ዘመን ሰዎችን ወደ ጠረጴዛ ዙሪያ በድጋሚ ለማምጣት መንገዶችን መፈለግ አለብን። ይህንን ማድረጉ ለግል እና ለጋራ ደህንነት ወሳኝ ነው" ሲሉ የኦክስፎርድ ዌልቢንግ ምርምር ማዕከል ዳይሬክተር ጃን-ኢማኑኤል ደ ኔቭ ተናግረዋል።"

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

የእኔ እማ ልዕልቴ እንዴት ነሽ?

-
ምስል
  እንኳን ወደ ቀንበጥ ብሎግ በሰላም መጣችሁልኝ። „አምላኬ አምላኬ ለምን ተውኽኝ? እኔን ከማዳን ከጩኽቴ ቃል ሩቅ ነህ። አምላኬ በቀን ወደ አንተ እጣራለሁ አልመለስህልኝም፤ በሌሊት እንኳን እረፍት የለኝም።“ (መዝሙረ ዳዊት ምዕራፍ 21 ከቁጥር 1 እስከ 3) ሥርጉተ©ሥላሴ Sergute©Selassie 03.02.2021 · የ እኔ እማ ልዕልቴ እንዴት ነሽ?   አላዛሯ ኢትዮጵያ እና ልጆቿ እንዴት እዬሆኑ ይሆን አዋዋሉ አስተዳደሩ?? እንደምን እዬሆንሽ ነው እማ! የእኔ ልዕልተይ! እናንተስ ማህበረ ንጹኃና ቅኖቹ የብራናዬ ታዳሜዎች እንዴት ናችሁ? ስለጤንነታችሁ፤ ስለሰላማችሁ አስባለሁኝ። እናንተ ለእኔ የህሊናዬ ቤተ - መቅደሶች ናችሁ እና። ይህን ስላችሁ ከንቱ ውዳሴ ይመስላችሁ ይሆናል። እመኑኝ ብዬ አልሞግትም። ጥሞና ላለው ሰብዕና እኔን እኔ አድርገው የሚመሩኝ የህይወት መርሆቼን አቤቱ ጉግል፤ ፊታውራሪ ዩቱብ ቢጠዬቅ ይመልስዋል። ዛሬ መስካሪ አለን። ትናንት ምን ዛሬ ምን እንደሆን። በልጅነት የሚያውቁኝም በዛው ልክ ስለመሆኔ ያውቃሉ። እራሴን አታልዬ ለመኖር አልተፈጠርኩበትም። እምጽፈው እራሴ የሆንኩትን ነው። እኔ እኔን መሆን ከተሳነው እኔ ለእኔ በተሰጠው የነፃነት ልክ መቆም ካልቻለ እኔ እኔን ማሰናበት ይኖርበታል። ይህ ደግሞ አይፈቀድለትም። ይህ መርሄ ነው። ·       ው ሃማ ባለቀለሙ ሃሳብ? ሃሳብ ሰላም ይሻል። ሃሳብ ፍቅር ይሻል። ሃሳብ አትኩሮት ይሻል። ሃሳብ እንክብካቤ ይሻል። ሃሳብ ሰው ይሻል። ሙሉሰው። ምራቁን የዋጠ። ስለዚህም ጊዜ መስጠት - ማድመጥ - አክብሮ ማወያዬት - ማሰከን ያስፈልጋል። ማንን? የንጉሶች ንጉሥን አጤ ሃሳብን። ሃሳብ አ...
ተጨማሪ ያንብቡ