ሽብር በአዋሳ እና የመንግሥት ዝምታ (አቶ ዳሞ ጎታሞ እንደጻፉት // ጸሐፊ አቶ መስፍን እንደ ተረጎሙት።)
እንኳን ደህና መጡልኝ ሽብር በአዋሳ እና የመንግሥት ዝምታ „ ሳቅን እብድ ነህ፤ ደስታንም፤ --- ምን ታደርጋለህ ? አልኩት። “ መጽሐፈ መክብብ ፪ ቁጥር ፪ ፀሀፊ፤ ዳሞ ጎታሞ (Damo Gotamo) ትርጉም፤ መስፍን ማሞ ተሰማ ህም!ድንቋ ፍልቅልቋ አዋሳ ምን ታጭቶልሽ ይሆን? እም! የሲዳማ ፅንፈኞች የአዋሳን ህዝብ ማሸበር ከጀመሩ እነሆ ዓመት ሆናቸው። ጠቅላይ ሚኒስትር አብይ ወደ ሥልጣን ከመምጣታቸው አንድ ዓመት በፊት መንግሥታዊ ሥልጣናቸውን ተጠቅመው ሲዳማ ያልሆነውን ህዝብ ያስፈራሩና ያዋክቡት ነበር፤ አሁን ደግሞ በግላጭ የከተማዋን ህዝብ ማሸበርና አካላዊ ጥቃት ወደ መፈፀም ተሸጋግረዋል። ዘግናኝ ወንጀሎችን እየፈፀሙ የሚጠይቃቸውም በሌለበት የሥልጣን ከለላ ውስጥ ይኖራሉ። ባለፈው ዓመት በፍቼ ጨምበለላ በዓል ወቅት የሲዳማ ፅንፈኞች ሰዎችን ከነነፍሳቸው አቃጥለዋል፤ በሺዎች የሚቆጠሩትን የከተማዋን ነዋሪዎች አፈናቅለዋል። የወላይታዎችን መኖሪያ ቤቶች አውድመው ንብረቶቻቸውንም ዘርፈዋል። ይህንን ወንጀል የፈፀሙ ሽብርተኞች አሁንም በህብረተሰቡ ውስጥ የተናኙ ሲሆን ተጨማሪ ወንጀሎችንም እየፈፀሙ ናቸው። ከጥቂት ወራት በፊት አሸባሪዎቹ ሲዳማ ያልሆኑ የህብረተሰቡ አባላት ንብረት የሆኑትን መደብሮች አንድደዋቸዋል። አነስተኛ የሸቀጥ መደብሮችን ለማቆም እድሜያቸውን ሙሉ የደከሙ በአንድ ጀንባር ድካማቸው ሁሉ ወደ አመድነት ተለውጧል። ብዙዎች ወደ ጎዳና ተዳዳሪነትና ለማኝነት ተለውጠዋል። ይህ ሁሉ ሆኖም እስካሁን ለፍርድ የቀረበ አንድም የለም። ባለፉት ጥቂት ወራት የሲዳማ አሸባሪዎች በተደጋጋሚ የመንግሥት መስሪያ ቤቶች፤ ትምህርት
