"በመንግሥት የፀጥታ ኃይሎች የሚፈጸም የንፁኃን ግድያ መባባሱን ኢሰመኮ አስታወቀ" ሪፖርተር።
https://www.ethiopianreporter.com/137742/ በመንግሥት የፀጥታ ኃይሎች የሚፈጸም የንፁኃን ግድያ መባባሱን ኢሰመኮ አስታወቀ ዮናስ አማረ ቀን: January 26, 2025 Share "የኢትዮጵያ ሰብዓዊ መብቶች ኮሚሽን (ኢሰመኮ) ባወጣው የሩብ ዓመት ሪፖርት፣ በኢትዮጵያ በግጭት ዓውድ ውስጥ የሚፈጸሙ የሰብዓዊ መብት ጥሰቶች፣ በአሳሳቢ ሁኔታ መጨመራቸውን ይፋ አደረገ፡፡ ከእነዚህ አሳሳቢ የሰብዓዊ መብት ጥሰቶች ውስጥም ከሕግ ውጪ የሚፈጸሙ ግድያዎች (Extra Judicial Killing) እንደሚገኙበት የገለጸው ኢሰመኮ፣ በመንግሥት የፀጥታ ኃይሎች የሚደርሰው የሲቪሎች ሞት በአሳሳቢ ሁኔታ መባባሱን አስታውቋል፡፡ ሲቪሎችን ለሞትና ለአካል ጉዳት ከሚያጋልጡ ዕርምጃዎች በተጨማሪ፣ የዘፈቀደ ጅምላና የተራዘመ እስራት፣ የተፋጠነ የፍትሕ ዕጦት በኢትዮጵያ መበራከታቸውን ሪፖርቱ ይገልጻል፡፡ አስገድዶ መሰወር፣ ዕገታና ያሉበት ቦታ ሳይታወቅ ሰዎችን አስሮ ማቆየትም በእጅጉ መስፋፋቱን ሪፖርቱ ይጠቁማል፡፡ የአገር ውስጥ መፈናቀል አለመቆሙን የሚገልጸው ሪፖርቱ፣ በዜጎች የመዘዋወር ነፃነት ላይ የተጣሉ ሕገወጥ ገደቦች በአንዳንድ ክልሎች አሉ ሲል አማራ ክልልን ጠቅሶታል፡፡ የዳኝነት ነፃነት መሸርሸሩን ጨምሮ በአማራና በኦሮሚያ ክልሎች ከቀጠሉ የትጥቅ ግጭቶች ጨምሮ በአፋርና በሶማሌ ክልሎች መካከል በየጊዜው እስከሚያገረሹ ደም አፋሳሽ ግጭቶች ድረስ፣ በሩብ ዓመቱ ተከሰቱ ያላቸውን የሰብዓዊ መብት ጥሰቶች ዘርዝሯል፡፡...
