ስለምን ወጣቶች ቅንነትን ይፈሩታል?
ወጣቶች ቅንነትን መፍራት የለባቸውም። የፃድቅ አፍ ጥበብን ያስተምራል። አንደበቱም ፍርድ ይናገራል። መዝሙረ ዳዊት ፴፮ ቁጥር፮ ከሥርጉተ© ሥላሴ(Sergute©Selassie) ከገዳማዊቷ ሲዊዘርላንድ። · ስለምን ወጣቶች ቅንነትን ይፈሩታል? እንዴት ናችሁ የጸሑፌ መደበኛ ታዳማዎች አክባሪዎቼ? ደህና ናችሁ ወይ? ወጣቶች ስለምን ቅንነትን እንደሚፈሩት አይገባኝም። ምክንያቱ ወጣቶች ተስፋቸውን፤ ራዕያቸውን፤ ትልማቸውን፤ ግባቸውን ማግኘት የሚችሉ ቅን ከሆኑ ብቻ ነው። ምክንያቱም ልዑል እግዚአብሄር / አላህ ከቅኖች መንፈስ ጋር ስለማይለይ አቅም እና ሃይል ይለግሳቸዋል እና። ብዙ ሰዎች በመማር ውስጥ፤ በዲታነት ውስጥ፤ በውበት ማሪኪነት ልክ ስኬት ይገኛል ብለው ያስባሉ። ቅንነት ከሌላ ላላቸው ሃብት ሁሉ ተጠቃሚ የመሆን አቅም ያንሳቸዋል። ስለምን? ቅንነት በጎደለ ቁጥር ራስን ከተፈጥሮ ስለሚቀንስ። ቅነንት ድርቅ በመታው ቁጥር ራስን ከተፈጥሮ ስለሚያጓድል የውስጥ ሰላም ይራቆታል። ቅንነት የሌለው ሰው የህሊና ሰላም የለውም። ኑሮው ሁሉ ያደባ እና አሉታዊነትን የተጎናጸፈ ነው የሚሆነው። አሉታ ደግሞ ግራ ነው። ግራ ደግሞ ራስነትን ያሳጣል። ኪሳራ። ቅንነት ከሁሉ በላይ ተጠቃሚ የሚያደርገው የሰውን አንጎል ነው። የሰው አንጎል ቅንነት ካላው ሃሳብ ለማፍለቅ፤ ለመፍጠር፤ ለመመራመር፤ አርቆ ለማሰብ፤ ምናባዊ የሆኑ ትልሞችን ለመተንበይ ይቻለዋል። ለቅኖች ነገ ብሩካቸው ነው። ቅኖች ነገሮችን በቅንነት ስለሚዩት ለነርባቸው ሃኪሞች ናቸው። ለጨጓራቸው ዳሳሾች ናቸው...
