KEBEBUSH Lesanework (ከበቡሽ ልሳነወርቅ)

  • "የቤትህ ቅናት በላኝ።"   የሚገርመው ከቃለ ምልልሱ ዜናው። «መንግስት የጤና ባለሙያወችን ዘላቂ ተጠቃሚነት ለማረጋገጥ #በትኩረት እየሠራ መሆኑን የጤና ሚኒስተሯ ዶር. መቅደስ ዳባ ከ EBCጋር በነበራቸው ቆይታ ገለጹ።» "መልከ ጥፋን በሥም ይደግፋ" ዓይነት ዜና። የትኛውም የማህበረሰብ ንቅናቄ የፋክት መልስ ነው የሚሻው። የት ላይ ይሆን በትጋት እዬተሠራበት መሆኑ የተገለጸው? ፍዝዝ ያለ ቃለምልልስ ነው ያዳመጥኩት። ፈጽሞ የጤና ባለሙያወች ሰላማዊ ንቅናቄ የዶር መቅደስ ዳባ፤ የእራሳቸው በኽረ ጉዳይ ስለመሆኑ ሚኒስትሯ አልገለፁም።   #አላስጠጉትም ። ጠያቄዋም በዚህ ዙሪያ ያለችው የለም። ይህ የጤና ባለሙያወች ከራህብ ጋር፤ ከመኖር ዋስትና ጋር፤ ከዘላቂ ተስፋ ጋር የቀረበን #ብሄራዊ #ሰላማዊ ንቅናቄ በዚህ ውሽልሽል ሁነት የሚገኝ የፖለቲካዊ ትርፍ የለም። የጤና ባለሙያወች ፋክት ገብ ጥያቄ በፍጹም #ፕሮፖጋንዳም አያስፈልገውም የዳቦ ጥያቄ ነውና።    ምን አልባት እኔ እምጠረጥረው፤ ንቅናቄው ቆይቶ ሲጠነክር እንደ ተለመደው ጠቅላይ ሚኒስተር አብይ አህመድ #መፍትሄ እና መንገድ እኔው ነኝ ብለው ሊወጡ ይችሉ ይሆናል። እሱን ልጠብቅ እንጂ ቀጥታ ኃላፊነት ያለው የሚኒስተር መ/ ቤቱ ግን ጉዳዬ አላለውም። ወይንም እንደ ተለመደው የስሻሊዝም ቅኝት ከፖለቲካ ጉዳዮች ጋር አጋብቶ አዲስ ትረካም እጠረጥራለሁኝ።    የሆነ ሆኖ አጭርም ስለሆነ ደግሜ አዳምጫለሁኝ። ምንም #የረባ ፍሬ ነገር የለውም ቃለምልልሱ። 445 ላይክ አለው። የማይገባ ኩነትም ገባኝ የሚል ማህበረሰብ ማግኜቱ ሌላው ግራሞቴ ነው። ጥያቄ ጊዜን፤ ሁኔታን፤ ቦታን አስተውሎ በጊዜ መልስ ካልተሰጠው ሲሞላ ይፈሳል፤ ሲከር ይበጠሳል ይሆናል። ለ...

  መረጃ ከመዋለ ንዋይ በላይ ልዩ #አቅም ነው። መረጃ ተቋምም ነው ብቁ መሪ ከሰጠው። ማሸነፍ አህዱ የሚለው ከመረጃ አቅምም #ንጥርነትም ነው። ስለሆነም ይህን ቃለ ምልልስ አቃሎ ማየት አዲስ ገብነትን ያመለክታል።   "እግዚአብሄር በአንድም በሌላም ይናገራል ሰው ግን አያስተውለውም።"   https://www.youtube.com/watch?v=6VsVFjZeDvU «በወቅታዊ ጉዳይ ላይ ከአቶ ጌታቸው ረዳ ጋር የተደረገ ቆይታ -ክፍል 2»   እንዴት አደርን ማህበረ - ቅንነት?   ክፍል ሁለት ትናንት ማምሻ ላይ ነበር የተለቀቀው። እኔ ያዳመጥኩት ዛሬ ነው። በነገራችን ላይ ይህ የመጀመሪያ ውይይት የተካሄደበት ስቴዲዮ ቀለሙ የዩቱብ ቻናሌ #ቋሚ ቀለም ነው። እኔ ቀለም ስለምውድ ዩቱብ ቻናሌን ሳዥጎረጉረው ባጅቼ አንድ ቀን ግን ወሰንኩኝ። የቤት ውስጥ ቀለሜም ወደ ዩቱብ ቻናሌ ቀለም ይጠጋል። ይህ ቀለም ወደ 15 ዓመት ይሆነዋል ምርጫዬ ውስጥ ከታደመ እንደማለት። ዩቱብ ቻናሌን #እንድወደው ፤ ተግቼ እንድሰራበት ነው የቢጫ እና የአረንጓዴ ውህድ ቀለምን የወሰንኩት። #ትርጉሙም ይመቸኛል።    ቀለሙም ግጥሜ ነው። የተጠጋጋ ወደ ዓመት ለሚሆን ጊዜ ለቴስት፤ #ውሳኔየ ወደ 8 ወር አስቆጥሯል ለዩቱብ ቻናሌ ቋሚ ቀለም ሲሆን። ትናንት Eurovision Song Contest የ2025 በሲዊዝ ባዝል ከተማ ላይ ሥርዓቱ ሲከፈት ከነበሩት ሞደሬተሮች፤ አንዷ ሞደሬተርም የክብር ልብስ ምርጫዋ ይህ ቀለም ነበር። ቀለሜን ስላገኜሁም ይመስለኛል ጓጉቼ ያደመጥኩት ልበል ይሆን? ክፍል ሁለትንም ሁለት ጊዜ አዳመጥኩት።   ይህ ቃለ ምልልስ ከህወሃት እጮኝነት ተስፋ ጋር እንዳይቆራረጡ ጭራሽ አጀንዳቸው ያልሆነ ሚዲያወች አይቻለሁኝ። ...