ከቢቢሲ BBC አሁን ያገኜሁት መረጃ ነው። ረሃብን ማሰር?

-

 

ከቢቢሲ አሁን ያገኜሁት መረጃ ነው። ረሃብን ማሰር?
 
• ከቢቢሲ አሁን ያገኜሁት መረጃ ነው።
 
 
 
«አንድ ሱዳናዊ ሐኪምን ጨምሮ ከ80 በላይ የጤና ባለሙያዎች በቁጥጥር ስር መዋላቸው ተነገረ»
«ከሰሞነኛው የጤና ባለሙያዎች ከፊል የሥራ ማቆም አድማ ጋር በተያያዘ በመላው አገሪቱ ከ80 በላይ የጤና ባለሙያዎች መታሰራቸውን የንቅናቄው አስተባባሪዎች አመለከቱ።
 
የመንግሥት የፀጥታ ኃይሎች በተለይም በትላልቅ ከተሞች በሚገኙ ሆስፒታሎች የሚያገለግሉ በርካታ የጤና ባለሙያዎችን እያሰሩ እና እያወከቡ መሆኑን አንድ የንቅናቄው አስተባባሪ ለቢቢሲ ተናግረዋል።
 
ከጎንደር ዩኒቨርስቲ በፀጥታ ኃይሎች ተይዘው ከተወሰዱት የሕክምና ባለሙያዎች መካከል አንድ ሱዳናዊ ሐኪም መኖሩን ባልደረቦቹ ለቢቢሲ ገልጸዋል። 
 
"ሐኪሞች፣ ነርሶች፣ ላብራቶሪ ባለሙያዎችን" ጨምሮ በርካታ የጤና ባለሙያዎች ለወከባ፣ ለድብደባ እና ለእስራት እንደተዳረጉ ገልፀዋል።
የንቅናቄው አስተባባሪዎች ባሰባሰቡት መረጃ መሠረት በቁጥጥር ስር ከዋሉት ባለሙያዎች መካከል ዘጠኙ ሴት የጤና ባለሙያዎች ናቸው።
'የኢትዮጵያ የጤና ባለሙያዎች ንቅናቄ' በሚል ስያሜ የደሞዝ እና ጥቅማ ጥቅም ጥያቄን ጨምሮ የጤና ሥርዓቱን ያስተካክላሉ ያሏቸው 12 ጥያቄዎችን ያነሱ ባለሙያዎች፤ ከግንቦት 5/2017 ዓ.ም. ጀምሮ የከፊል የሥራ ማቆም አድማ መምታታቸውን ገልፀዋል።
 
ከዚሁ አድማ ጋር በተያያዘ አዲስ አበባ የሚገኙትን ጥቁር አንበሳ እና ቅዱስ ጳውሎስ ሆስፒታሎችን ጨምሮ በተለያዩ የአገሪቱ ክልሎች በርካታ የጤና ባለሙያዎች ከሆስፒታል እና ከቤታቸው በፀጥታ ኃይሎች እየተወሰዱ በቁጥጥር ስር መዋላቸው ተነግሯል።
 
ከእነዚህም ውስጥ ለስፔሻላይዜሽን ትምህርት ወደ ዩኒቨርስቲው የመጣ ዶ/ር አብርሃም አፖኬ የተባለ ሱዳናዊ የማህፀን እና ፅንስ ሬዝደንት ሐኪም እንደሚገኝበትም ተናግረዋል።
 
"[ሆስፒታሉ] ግቢ ውስጥ በቅርብ አገልግሎት እንዲሰጡ በተሠሩ መኖሪያ ቤቶች የሚኖሩ ሐኪሞችን ነው ጠራርገው ያሰሯቸው" ብለዋል ከእስር የተረፉ የሕክምና ባለሙያዎች።
 
አንድ የጎንደር ሆስፒታል ዶክተር ለቢቢሲ እንደተናገሩት የፀጥታ ኃይሎቹ በምሽት ወደ ሐኪሞች መኖሪያ በመግባት በኃይል እና በማንገላታት ባልደረቦቻቸውን በተሽከርካሪ ጭነው መውሰዳቸውን ለቢቢሲ ተናግረዋል።
 
እስሮች የባለሙያዎችን 'ክብር እና ሰብዓዊነት' በሚነካ መልኩ መፈፀሙን የተናገሩት አስተባባሪው፤ የጤና ባለሙያዎችን "ለማሸማቀቅ" ሆስፒታሎች በፀጥታ ኃይሎች ተከበዋል ብለዋል።
 
በሆስፒታሎች ድንገተኛ ሕክምና አገልግሎት ሲሰጡ የነበሩ የጤና ባለሙያዎችም መታሰራቸውን የጠቆሙት አስተባባሪው፤ አገልግሎቶች መቋረጣቸውን በመጠቆም "ከዚህ በኋላ ሊመጣ የሚችለው ቀውስ ግልፅ ነው" በማለት አስጠንቅቀዋል።
 
"በዚህ ሁኔታ ችግሮች ይባባሰሉ" ሲሉ የመንግሥትን እርምጃ የተቹት የንቅናቄው አስተባባሪ፤ ከመንግሥት የተሰጣቸውን ምላሽ "የንቀት" እና "መንግሥት ነኝ ከሚል የማይጠበቅ" ሲሉ ገልፀውታል።
 
"በይፋ እየደበደበ፣ ክብራቸውን የሚነኩ ንግግሮችን እየተናገረ ከፍተኛ ዛቻ እና ኃይልተከለበት ማስፈራሪያ እየፈጸመ ያለው መንግሥት ነው" ብለዋል።
 
ቢቢሲ የተመለከተው እና በተለያዩ የአገሪቱ ክፍሎች ውስጥ በሚገኙ የሕክምና ተቋማት ውስጥ የሚሠሩ በፀጥታ ኃይሎች ቁጥጥር ስር የዋሉ የጤና ባለሙያዎች ስም ዝርዝር አስከ አርብ ከሰዓት በኋላ ድረስ 81 መድረሱን ያመለክታል።
 
ዝርዝሩ የታሰሩ የሕክምና ባለሙያዎችን ሙሉ ስም፣ የሚሠሩባቸውን የጤና ተቋማት፣ የሙያ ዘርፋቸውን፣ የተያዙበትን ዕለት እንዲሁም ያሉበትን ክልል ይዟል።
 
ከፊል የሥራ ማቆም አድማው ከተጀመተበት ከማክሰኞ ግንቦት 5/2017 ዓ.ም. ጀምሮ የጤና ባለሙያዎች በቁጥጥር ስር እየዋሉ ቢሆንም ከመንግሥት በኩል ይህንን በተመለከተ የተባለ ነገር የለም። 
 
ትናንት ሐሙስ ምሽት መግለጫ ያወጣው ጤና ሚኒስቴር የከፊል ሥራ ማቆም አድማውን "ተቀባይነት የሌለው" ብሎታል።
ሚኒስቴሩ እንቅስቃሴውን "በሆደ ሰፊነት" ሲያየው መቆየቱን በመጠቆም፤ በሥራ ገበታቸው ላይ በማይገኙ እና "ሁከት እና ብጥብጥ በሚፈጥሩት" የጤና ባለሙያዎች ላይ ሕጋዊ እርምጃ እወስዳለሁ ብሏል።
 
ይህን ሚኒስቴሩን መግለጫ የንቅናቄው አስተባባሪዎች "ያልጠበቅነው" እና "ፖለቲካዊ መልክ የያዘ" ብለውታል።
ባፉት ቀናት በርካታ ሆስፒታሎች በሥራ ላይ የማይገኙ ባለሙያዎች ላይ "አስተዳዳራዊ እርምጃ" እንደሚወስዱ ማስጠንቀቂያዎችን ያወጡ ሲሆን፤ ሬዝደንት ሐኪሞች ደግሞ የሕክምና ኮሌጆች ከሚያቀርቡት "መኖሪያ ቤት" ለቀው እንዲወጡ አሳውቃል።
 
'የኢትዮጵያ የጤና ባለሙያዎች ንቅናቄ' አስተባባሪዎች ከመንግሥት አዎንታዊ ምላሽ ባለማግኘታቸው ሙሉ ለሙሉ የሥራ ማቆም አድማ ከሰኞ ጀምሮ ለመምታት የያዙትን አቅድ እንደሚገፉበት ለቢቢሲ ተናግረዋል።»
 
«ባለፉት ቀናት 15 የሚሆኑ የጤና ባለሙያዎች መታሰራቸውን የንቅናቄው አስተባባሪዎች ተናገሩ»
 
«ከጤና ባለሙያዎች የከፊል የሥራ ማቆም አድማ መምታት ጋር በተያያዘ 15 የሚሆኑ ባለሙያዎች በተለያዩ የአገሪቱ አካባቢዎች በቁጥጥር ስር መዋላቸውን የንቅናቄው አስተባባሪዎች ለቢቢሲ ተናገሩ።
 
የደሞዝ እና የጥቅማ ጥቅምን ጨምሮ የጤና ሥርዓቱ እንዲስተካከል ጥያቄ ያቀረቡት የጤና ባለሙያዎች፤ የንቅናቄው "መሪዎች" ናችሁ የተባሉ በርካታ ባለሙያዎች "በመላው አገሪቱ" እየታሰሩ እና ከፍተኛ ጫና እየደረሰባቸው እንደሆነ ስማቸው እንዳይጠቀስ የጠየቁ አስተባባሪዎች ገልፀዋል።
 
ባለፈው ሳምንት የኢትዮጵያ ጤና ባለሙያዎች ማኅበር ፕሬዝዳንትን ጨምሮ በርካታ ባለሙያዎች በቁጥጥር ስር የዋሉ ሲሆን፤ መንግሥት የጤና ባለሙያዎችን "የዳቦ ጥያቄ" ከመመለስ ይልቅ "አፈና እና ወከባ" እያደረገ ነው ብለዋል።
 
እየታሰሩ ያሉት ባለሙያዎች በአዲስ አበባ እና በተለያዩ ክልሎች ድንገተኛ ክፍልን ጨምሮ አገልግሎት እየሰጡ የነበሩ "ጋዎን የለበሱ" ባለሙያዎች መሆናቸውን አንድ አስተባባሪ ተናግረዋል።
 
የጥቁር አንበሳ እና ቅዱስ ጳውሎስ ሆስፒታል ባለሙያዎችን ጨምሮ፣ የፈለገ ሕይወት፣ የሐዋሳ ዩኒቨርስቲ ሆስፒታል፣ የለኩ ሆስፒታል (ሲዳማ ክልል)፣ የጎንደር ዩኒቨርስቲ፣ አዲስ ዓለም፣ ነፋስ መውጫ ሆስፒታሎች ባለሙያዎች መታሰራቸውን ገልፀዋል።»

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

የእኔ እማ ልዕልቴ እንዴት ነሽ?

-
ምስል
  እንኳን ወደ ቀንበጥ ብሎግ በሰላም መጣችሁልኝ። „አምላኬ አምላኬ ለምን ተውኽኝ? እኔን ከማዳን ከጩኽቴ ቃል ሩቅ ነህ። አምላኬ በቀን ወደ አንተ እጣራለሁ አልመለስህልኝም፤ በሌሊት እንኳን እረፍት የለኝም።“ (መዝሙረ ዳዊት ምዕራፍ 21 ከቁጥር 1 እስከ 3) ሥርጉተ©ሥላሴ Sergute©Selassie 03.02.2021 · የ እኔ እማ ልዕልቴ እንዴት ነሽ?   አላዛሯ ኢትዮጵያ እና ልጆቿ እንዴት እዬሆኑ ይሆን አዋዋሉ አስተዳደሩ?? እንደምን እዬሆንሽ ነው እማ! የእኔ ልዕልተይ! እናንተስ ማህበረ ንጹኃና ቅኖቹ የብራናዬ ታዳሜዎች እንዴት ናችሁ? ስለጤንነታችሁ፤ ስለሰላማችሁ አስባለሁኝ። እናንተ ለእኔ የህሊናዬ ቤተ - መቅደሶች ናችሁ እና። ይህን ስላችሁ ከንቱ ውዳሴ ይመስላችሁ ይሆናል። እመኑኝ ብዬ አልሞግትም። ጥሞና ላለው ሰብዕና እኔን እኔ አድርገው የሚመሩኝ የህይወት መርሆቼን አቤቱ ጉግል፤ ፊታውራሪ ዩቱብ ቢጠዬቅ ይመልስዋል። ዛሬ መስካሪ አለን። ትናንት ምን ዛሬ ምን እንደሆን። በልጅነት የሚያውቁኝም በዛው ልክ ስለመሆኔ ያውቃሉ። እራሴን አታልዬ ለመኖር አልተፈጠርኩበትም። እምጽፈው እራሴ የሆንኩትን ነው። እኔ እኔን መሆን ከተሳነው እኔ ለእኔ በተሰጠው የነፃነት ልክ መቆም ካልቻለ እኔ እኔን ማሰናበት ይኖርበታል። ይህ ደግሞ አይፈቀድለትም። ይህ መርሄ ነው። ·       ው ሃማ ባለቀለሙ ሃሳብ? ሃሳብ ሰላም ይሻል። ሃሳብ ፍቅር ይሻል። ሃሳብ አትኩሮት ይሻል። ሃሳብ እንክብካቤ ይሻል። ሃሳብ ሰው ይሻል። ሙሉሰው። ምራቁን የዋጠ። ስለዚህም ጊዜ መስጠት - ማድመጥ - አክብሮ ማወያዬት - ማሰከን ያስፈልጋል። ማንን? የንጉሶች ንጉሥን አጤ ሃሳብን። ሃሳብ አ...
ተጨማሪ ያንብቡ