የአማራ ተጋድሎና የኦሮሞ ንቅናቄ።
ህም።
ከሥርጉተ ሥላሴ
22.05.2015 (ከጭምቷ ሲዊዘርላንድ)
„እናንተ ሴቶች ሆይ የእግዚአብሄርን ቃል ስሙ፤
ጆራችሁም የአፉን ቃል ትቀበል።“
(ትንቢተ ኤርምያስ
ምዕራፍ ፱ ቁጥር ፳)
- · ጠብታ።
„ራዕይ የሌለው መሪ ነጂ
መሆን እንጂ መሪ መሆን አይችልም። (ከባለቅኔው ጠ/ ሚር አብይ አህመድ የተወሰደ)“ ተመስገን ብላለች ሥርጉትሻ። ቃሏ „ነጂ“ እራሷ
አቤት ቅቤ ስታጠጣ። ተመስገን።
ባለ
ቅኔው ጠ/ ሚር አብይ አህመድ ሰንበት ላይ ከውጪ ጉዟቸው ተመልስው እረፈት አላስፈለጋቸውም። ቀጥታ የሄዱት የውስጥን ቆሻሻ ጠረግ
ለማድረግ በጋራ ከዶር ምህረት ደበበ ጋር ወደ አዘጋጁት ዓውደ የንጥህና ማስጠበቂያ ማዕከል ነበር 19.05.2018 እ.አ.አ። በቅድሚያ
ግን ዶር ምህረት ደበበ እንኳን ደስ አለዎት። ምን ያህል ልቦናዎት ቅን ቢሆን ነው በጥረት ውስጥ ድል ዲል ያለለዎት። ለእርሰዎ
የቀናችው ቀንም ትመጣልኝ ዘንድ እስቲ እባክዎትን ለአማኑኤል ይንገሩልኝ። „ኢትዮጵያ የአንተም የአንችም የእኔም ናት“ ተመስገን።
„የኢትዮጵያን የቀደመ ክብሯ ይመለሳል!“ ተመስገን! ሌላም አንድ ተጨማሪ ተመስገን ላንሳ የዛሬ ሁለት ዓመት በአማራ የማንነት የህልውና
አብዮት ላይ በተከታታይ እጽፍ ነበር። መቼም ለእኔ ቀላሉ ሥራ መጻፍ ነው። እንደ ቧንቧ ውሃ ስፈልግ መክፈት ሲያሻኝም መዝጋት እምችለው።
እና
ያን ጊዜ የፖለቲካ ድርጅቶችን ለመሆኑ ማንፌስቷችሁ ስለ ህጻናት ምን
ይላል? ብዬ ሞግቻችሁ ነበር። ከዛ በፊትም ተዳብዬ እሰራበት ከነበረው የራዲዮ ዝግጅት በ2005 ለመጀመሪያ ጊዜ የልጆች ፕሮግራም
ጀመርኩኝ “አገር ማለት ምን ማለት ነው“ የሚል ነበር። አላስቀጠሉኝም። በጸጋዬ ድህረ ገጼ የቦርድ አባል የ7 ዓመት ልጅ በማድረግ
በቀጣይነት „የሎሬት ተስፋ „ የሚል መምሪያ አደራጅቼም „አገር ማለት ምን ማለት ነው“ የሚለውን ለማስቀጠል ተጀመረ እሱም በጋራ
ስለነበር በተለመደው የቅንነት ስብራት መቀጠል አልተቻለም። በመጨረሻ በግል ደግሞ ቢሻል ብዬ በጸጋዬ ራዲዮ ላይም „ፍቅራዊነት“
የሚል የልጆች ዝግጅት ጀመርኩኝ እሱንም የውጪ ሐገር ሰው በገንዘብ ገዝተው አልተቻለም እሱም ቀረ። ሌላም ነበር ለሌላ ቀን እሱ
ይቀጠር …
ይህ
ሁሉ አልሆን እያለ ሲያስቸግረኝ ከ2012 እስከ 2015 ድረስ ልጆች ተኮር የሆነ መጸሐፍ አንድ የግጥም „ፊደል“ የሚባል፤ ሌላ የክርክር ልጆች እዬተዝናኑ እያሰቡ የሚማሩበት
„እንካ ሥላንትያ“ የሚባል ሌላም ወላጆች ልጆቻቸውን እንዴት
ያሳድጋሉ፤ የወደፊት ተስፋቸውንም እንዴት መንገዱን ቀድመው ይጠርጋሉ የሚል በንድፍም ጭምር የተሰራ ሲሆን „ጽናት እና ትዕግስት
የሰራሁበትን መንገድ በ4 ኪሎው ገለጻቸው በባለቅኔው ጠ/ ሚር በስላይድ ሲያብራሩ አዬሁ፤ መጸሐፉ ላይ እኔ እንደዛ ነው የሰራሁት
„የተስፋ በር“ የሚባለውን ለወላጆች / ለአሳዳጊ ድርጅቶች
/ ለአሳዳጊ ግለሰቦችም። ከዚህም ባለፈ እኔ ወላጆቼ በመለያዬታቸው ምክንያት እኔን እራሴን የሞገተኝን የኑሮ ፈታና መነሻ በማድረግ፤
እንዲሁም ወላጆች ቤት ውስጥ በክፍትነት የሚተዋቸውን መስኮችም በማከል ሌላም የልጆች ነገር ጭንቄ ስለሆነ ትዳሩ በቅጡ ካልተያዘ
ማግስት ይፈርሳል፤ ከፍርሰት በኋዋላ ደግሞ ልጆችን በተሟላ ሰብዕና ማሳደግ ስለማይቻል „ርግብ በር“ የተሳካ ትዳርን እንዴት? የሚል
ተጣፈ ሁሎችም ታግደው መጋዝን ያሞቃሉ። ገና ሲወጠን መልካም ነገር አዬር ላይ በሾታላዮች ታምሶ የትቢያ መደበር ያደርጉታል። አሁን
የህፃናት ጉዳይ ባለቤት አገኘ ለዛውም በመንግሥት ደረጃ። ትንሳኤ የምለው እኔ ይሄን የሃሳብ ልቅና ነው። ኢትዮጵያዊነት ታስቦ ወራሽ
ልጅ ተዘሎ አይሆንም። እንዲህ ለረጅም ጊዜ ስታገልበት የቆዬሁበት ጉዳይ ባለቤት ሲያገኝል፤ የእኔ ባይ ሲያገኝልኝ ተስፋው ሐሤት
ነው።
እርግጥ
ነው አሁን ሽግግር ላይ ስላለን አውሬው መንፈስ 100 ሚሊዮን ህዝብ ገድሎ ሳይጨርስ ስለሆነ ይሄ የምህረት አደባባይ ቀን የወጣለት
እዬተጣደፈ ነው በቀጣይነት ለማጨድ፤ ስንት ዓመት ይቀጥልበት ይሆን? ብቻ ዛሬ ላይ ሆኜ እጽፋቸው የነበሩትን፤ መጨረሻ ላይ አሳርጋቸው
የነበረባቸውን ስንኞች ምልሰት ሳደርግባቸው አቤቱታዬን መዳህኒዓለም ሰምቷል ማለት እችላሁ „ትእግስት ሲያልቅ ፍቅር ይሰደዳል“ ባለኩት
ጹሑፌ ላይ አንድ መፈክር ነበር „እኔስ – የበቀልና የባይታዋርነት ዘመን የሚያከትምበት ጊዜ ናፈቀኝ! ብዬ ነበር።
ዛሬ ባለቤት የሌላቸው ማህበረሰቦች፤ አቅሞች ሁሉ ዕውቅና እያገኙ ነው። እኔም ኢትዮጵያዊ ዜጋ መሆኔን እያዳመጥኩኝ ነው። ታማሚውም፤
የአካል ጉዳተኛውም፤ እንግዲህ ተዚህ የነፃነት አውራ ፓርቲዎች ያልሰጡኝን ተዛ ተባድማዬ መንፈሱ እዬተናኘ ነው። ግን በእርግጥ ለሥርጉትሻ
ኢትዮጵያዊ ዜግነት ይሰጣታልን? እሷ እኮ አንድም አይቀራት ከሊቅ አስከ ደቂቅ የወጠነው የሃሳብ ተዋረድ አልተመቸኝም ስትል፤ የሚሄድበትን
አካሄድ ትክክል አይደለም ብላ ስታምን የሚሰማትን በብዕሯ በግንባር ሥጋነት እከሌ ይከፋዋል፤ እክሌ ደስ ይለዋል ሳትል ስትወቃው
ነው የኖረችው። ግን ይቻላልን ለእኔ ዜግነት መስጠት? አይመስለኝም?
- · ዘንድሮ!
- · ምልስት ወደ „ማቋጠሪያው“ …
ተዛ
„ለጥሩ ነጭ ለባሹ“ ግን ማነው ባለተራ ተብሎ ሲጠራ አይዋ ማንቆርቆሪያ አቤት ወዴት ይላል። በቀኛዝማች ብርሌ // ብርሌው ባለሹሩባ
ሊሆን ይችላል ይንቆረቆራል፤ በግራዝማች ብርጭቆ ወይ ደግሞ በሊጋባው ዋንጫ ለድል፤ እንዲያም ሲል ከቅል በተሰራው አገርኛ በአሳላፊው
አንኮላም ሊሆን ይችላል ወደ ቤተ ድምጽ ፈሰሱ ከትከት እያለ እዬተፍለቀለቀ ይምችህ የሚባለው። የጉሮሮ ማርጠቢያ ቆረር ይደረግለታል።
ታዲያ ግን ተዚህች ላይ ካለበዛ እርካታ ከበዛ ደግሞ መንዘላዘል ያመጣል። ሲከር ይበጣሳል ሲሞላም ይፈሳል እንዲሉ …
አብሶ
ጥሩ ጠላ የጎንደሬዎች ወይንም የጎጃሜዎች ከዓራት አይናማ ሴት አረቂዎች ከሆነ እስከ መንፈቅም ይዘልቃል። በቅቅል ዶሮቄት የተዘጋጀ
ከሆነ የጌሾው አልኮላዊ ጣሙ እዬጠፋ መልኩም ጣዝማ፤ ጣሙም ጣዝማ ሆኖ ቁጭ። እንዴት ነው የኔዎቹ ሽው አላችሁን? ከገዳማዊቷ ብቅ
ብትሉ … አይጠፋም ነበር … ተራራቅን … ምን ይሁን? ጠላውም ለእኛ ያው ፓለቲካ እና የሚያጣለ ስለሆነ። ተዚህች ላይ ብቃት ያለው
ጥሩ ነው እያመረበት የሚሄደው እንጂ አተላው የአሰርውሃ ዕጣ ፈንታማ አምላካችሁ አለ ጆሮ ቁርጥ ከማድረጉ ራሱ ለዓይንም ቀፋፊ ነው።
ኮምጣጤ። ሽግት ነው የሚለው። ሲያልቅ አያምር እንዲሉ። ጊዜም ሁኔታም የሚሰጠው ክብር ልዕልና በወጉ ካልተያዘ እንደዚሁ መሆኑ ሳይታለም
የተፈታ ነው።
- · ዘሃ ብቻውን ሸማ አይሆንም።
በዛ ሰሞን አይዋ ለውጣዊ መንፈስ ተጊዜው
ይባላል ሥሙ ቄሮን፤ አማራ ተጋድሎን አዲስ አበባን አንድ በማድረግ አንድ የተጋድሎ አዲስ ምዕራፍ የመጀመር እሳቤ እንዳለው
አዳመጥኩት። ብቻ ይህን ራዕይ በሁለቱ አንጋፋ የተጋድሎ ጉልበታም ልብ በኦሮሞ እና በአማራ በተቀጥላ እሳቤ ሊሰራ ስለማይችል
እንዲያው በዕድሜ ታናሼ በቁም ነገር የኔታዬ አይዋ የለውጥ የመንፈስ ሃሳብ አፍላቂ ተጊዜው መንፈሱን ባያባክነው መልካም ነው
ባይ ነኝ። ማያያዝ አይቻልም። አሁንም መሰሉ ጉዳይ በአንድም በሌላም ይሄንኑ አዳምጣለሁኝ። ያው ሥር ነቀል ለውጥ ፍላጎትም
መነሻው ይኸው ይመስላል። ሥር ነቀል ለውጥ እና ጥገናዊ ለውጥ አቅምን በማመጣጠን ባለማባከን እና በውርርስ አቅሙ ያለውን ጥቅም
እና ጉዳት ራሱን ያቻለ አምክንዮ ነው። በሌላ በኩል በተለያዬ ጊዜም እንዳሳሰብኩት ወቅት ራሱ የሚሰጠው ዕድል አድማጭ ካገኘ
እና ከባከነ ጥቅምና ጉዳቱንም ተዚህ በፊት ጥፌበታለሁኝ። የአሁኑ ወቅት ደግሞ ከኖርንበት ዘመን ይለያል። እንደ ቀደመው
የተቃጠለ ካርቦን አይደለም።
·
የተጋድሎ
ማያያዝ ተስፋ ሙት መሬትነት።
ስለምን
ነው የማይሰራው? በመጀመሪያ ከቀደመው „ከድምፃችን ይሰማ“ ልነሳ። ያ ተጋድሎ ታምረኛ ነበር። ስልቱ ወጥ ነበር። ይህን ተጋድሎ
ወደ ህዝባዊ ሁነት ለመለወጥ በግንቦት 7 በኩል ሰፊ ሽፋን፤ ሙሉ ዕውቅና፤ ሙሉ ቀረቤታ የተቸረው ነበር። ግን አልተሳካም። ንቅናቄው
የራሱን እስረኛ ሙሉውን እንኳን ማስፈታት አልቻለም። ስለምን? ከተነሳበት ዓላማ ውጪ ሌላ ተጨማሪ ግዳጅ የመወጣት፤ ሆነ የመሸከም
አቅም በባህሪው ሊኖረው ስላላስቻለው። ምኞት ከልካይ አልነበረውም፤ ኮፒ ራይቱን ሳይንፍጉ ተጨማሪ ተልዕኮ መስጠትም ክፋት አልነበረውም።
ግን ምኞትን የሚያሳከው የፖለቲካ ፍልስፍናው ከተነሳው ህዝባዊ ባህሪ አቅም መነሳት ሲችል ብቻ ነው። ማገዝ ቢገባም ወያኔን ሥርዓት
ይለውጣል ተብሎ አቅም አላቅሙ እና አላቅጣጫው ማፈሰስ ግን የፖለቲካ ፍልስፍና ግጠት ነው። በተጠማኝ ተጋድሎ የሌላ ድርጅት የማንፌስቶ
ዓላማ ሆነ ተደራቢ ራዕይ አይሳካም። ሎጅክ።
የእሱ ደግሞ ለዬት ያለ ነበር። „የፈራ ይመለስ“ የሚለውን ይዘው አቶ ሞላ አስገዶም ትጥቃዊ ተጋድሎውን ትተው
ከኤርትራ ወደ ኢትዮጵያ ሲመለሱ 500 ወጣቶች በራሳቸው ወጪ ቲሸርት አሰርተው ፊት ለፊት በአደባባይ ወጥተው የወያኔ ሃርነት ትግራይን
የሞገተው የመይሳው ትንፋሽ ነበር። ከዚህ በኋዋላ ነው የግንጪው ንቅናቄ የመጣው።
ይሄ እዬተዘለለ ነው ግንጪ ላይ የሚኬደው እንጂ የቀደመው የተጋድሎ ጎኽ አነቃቂ - ጉልበታም - ቀስቃሽ - ልበ ሙሉ አቅጣጫ አማላካች
የማይሳው ልጆች „የፈራ ይመለስ“ ድማሜ ነው። እኔ እንደማስበው እነኛ ሳተናዎች ነፍሳቸው ያለ አይመስለኝም። ልቅምቅም ተደርገው
የታሠሩት ታስረው፤ የተገደሉት ተገድለው፤ የተሰደዱት ተሰደው፤ የታፈኑት ታፍነው፤ መድረሻቸው ሳይታወቅ የቀረ፤ የቀሩትም ከሥራ ተፈናቅለዋል።
እኔም እዚህ የኢሳት የገንዘብ ማሰባሰብ ዝግጅት ላይ በ2015 ጥቅምት ላይ የተገኘሁበት ምክንያት የአንበሶቼን ሥም ስለማስታወስ
ነበር። እግረ መንገዴንም ጎንደሬነቴን አስረግጬ በመናገር ያ ስብሰባ የመጨረሻዬ መሆኑን ለማተም ነበር። ካለ ቦታ አያምርም።
- · ከቤተ ሳኦሎች ጋር የተካሄደ ህዝባዊ ተጋድሎ!
የ500
የዘለቀን ጀግንነት እንደ እርሾነት፤ ግንጪውንም ከእርሾነት ከፍ ባለ እንደ ማናሻ ማዬት ይቻላል። ከዚህ ቀጥሎ ያለው የጎንደር ጎጃም
የአማራ የማንነት አብዮት ሥርነቀል ለወጥንም የጠዬቀ ስለነበር ከእሱ የቀደመ በምክንያታዊነት የሚነሳ አመክንዮዊ አብዬት በ25 ዓመት
ውስጥ አልተነሳም። አልነበረም። ቀድሞ ነገር ብሄራዊ ሰንደቁን በድፍረትና በልበ ሙሉነት በመሬቱ ያወጣውም ያ ገድለኛ አብዬት ነው።
መሬቱ ላይ ሻብያ በአደባባይ ብሄራዊ ስንደቁን ረጋግጦ ተጋድሎው የእኔ ማለቱ ጮርቃነቱን ብቻ ነው የሚያሳዬው። እሱን ራሱን ሻብያን
አውግዞ የተነሳ ህዝባዊ አብዬትም ነው፤ በጠላቱ ተከሳሽ ሆኖ በወያኔ ሃርነት ትግራይ የታረደው። ታሪክ ይዳኘው። አዲሱ የዶር አብይ
ካቢኔም ካሳውን፤ ፖለቲካዊ ወሳኔውን በምን ሊከውነው እንደሚችል በተደሞ ይጠበቃል። ሜድሮክስን በአንድ ቃል ጸጥ ያደረገ የጠ/ ሚር ቢሮ አማራ በግንቦት 7 ሥም የመከሰሱን፤ የመታረዱን እንቆቅልሽም
መግቻውን ሥርጉተ ሥላሴ እዬጠበቀች ነው። 
የአማራ
የተጋድሎ አብዮት መሰረታዊ የሥርዓት ለውጥ የጠዬቀ ደረጃውን የጠበቀ፤ በውል የተደራጀ፤ በተሟላ ቅደመ መሰናዶ የታሰበበት፤ ራዕይ
የነበረው፤ የመንፈስ ውህደት በመላው ዓለም የፈጠረ መሬት አንቀጥቅጥ የሰማይ ትንግርት መንፈስ ነበር።
ዓለምአቀፍ
የሆኑ ግፎችን፤ መደፍጠጦችን፤ መጨፍለቆችን በሥርዓት ፈትሾ በህብራዊነት እና በህላዊነት ያዋደደ ለዘለዓለምም በአዕምሮ ውስጥ ቤተኛ
ቢሆን የማይጎረበጥ መሬት አንቀጥቅጥ የጀግኖች ውሎ ነበር። መፈክሮቹ አሰራራቸው፤ ጥራታቸው፤ ኪናዊ ውበታቸው፤ ሊያስተላልፉ ያሰቡት
ምህረታዊ መልዕከቶቻቸው፤ የተሳታፊዎች የህሊና ብቃት ሥርዬት ናፍቆት እና የህዝብ ሙሉ ድጋፍ እና እርካታ ወደርም አቻም፤ ብዕርም
ብራናም አይችለውም። ህዝብ ነው ይሄን ያዘጋጀው። ሙሉ ሃላፊነቱን
ወስዶ በቅኔ አቅልሞ። ስለሆነም በዬትኛውም የፖለቲካ ድርጅት ተለጣፊ ወረቀት ሊጠቀለል ከቶውንም አይችልም። ጥያቄዎችም እንደ ተፈጥሯዊ
ባህሪያቸው እስካልተመለሱ ድረስ ተጋድሎዎቹ ቀጣይ ይሆናሉ። ዝምታም አብዮት ነውና። ጸሎትም አብዮት ነውና።
ያ ገድላዊ የሰማይ ሽልማት ለዛሬ የፍቅርዊነት
አብሮነት ድል ያበቃ የመንፈስ ጥሪት በገፍ ያተረፈ እጅግ ስኬታማ፤ ውጤታማ ሁልአቅፍ ዕሴታዊ ተጋድሎ ነበር። „የቡርቃን ዝምታን ሰይጣናዊ የ666 ግንብ“ አፈር ድሜ አስግጦ
እንጦርጦስ የላከ ገድለኛ ነበር። ከዚህ በኋዋላ ቀጣዩ የሬቻው ዕልቂት እና የሥርዓት ለውጥ ጥያቄ „በቃ!“ ያነሳው፤ የሃዘን፤ የጥቁር
ልብስ የራሄል ዕንባ የወል ነበር። የተቃውሞ ገድልን በምክንያታዊነት አቅሙ በጉልበታማነቱ
ማዬት ይቻላል። በዚህ ውስጥ የእያንዳንዱ ኢትዮጵያዊ ርህርህናው የተፈተሸበት ፍጹም በሆነ መልኩ ሰው የመሆንን አቅም የፈተነ ሁኔታ
ነበር የተፈጠረው። ይህ በሃዘን - በለቅሶ በመከፋት ውስጥ ያለፈ ዘመንን አንባቢ ህዝባዊ ተጋድሎ የነፃነት ህግ የረቀቀበት ነበር
ማለት እችላለሁኝ። „ሰከን“ በል የታላቁ አርቲሰት የይሁኔ በላይም
ተግባር አንቱ ነበር። በዚህም ሥርጉትሻ የተገባትን ስለከወነችበት ሰዋዊ ስብዕናዋ ለመንፈሷ ስንቁ የዕድሜ ልክ ጥሪቷ ይሆንላታል።
የተባበሩት መንግስታት የቀደሙት ጸሐፊ ያውቁታል ሁለታችን ተመሳጥረንበታል።
እሳቸው እና ሥርጉተ የመንፈስ ትርጉመኞች ነን። በዚህ
ተጋድሎ ውስጥ የሰከነ ጥበብን ያፈለቀ ምሳሊያዊ የልብ መሰባሰብ፤ ልዩ የውስጥነት ድምጽ፤ ገናና የነፃነት አርበኛው፤ የሰብዕዊ መብት
ተሟጋቹ፤ የሎሬቱ ታቦት ቤተኛው የአትሌት ሊሊሳ ፈይሳ ዘመን ተሻጋሪ ዓለም አቀፍ የተጋድሎ ጥበብ አያያዥ ነበር። ቅኔዋ ከጎንደር
ተነስቶ ጎጃምን ይዞ ስሜን አሜሪካ አድርጎ አንቦ! ይሄ የሶላዳሪት እጅን ወደ ላይ አድርጎ መጣመር እዛው በጎንደሩ አብዮት ላይ
የታዬ ነበር። ደግነቱ ይሄን ዓለም አቀፍ ማድረግ ውርስ አንቦ ተረክቦ ብርሃን አደረገው። ከሁሉም የተጋድሎ ድምጽ እጅግ ረቂቁ ገድል
ሃዲድም የነበረው፤ የሰማይ ቃል ኪዳን ደግሞ የጎጃም የደም ግብር
ነበር። ጎጃም ታሪክን በደሙ የጻፈ የታሪክ የኔታ ነው - ለሥርጉተ ሥላሴ። ለደቂቃ እኔ መንፈሴ ከጎጃም ናፍቆት ወጥቶ አያውቅም።
ሂደቱን እኔ ስመለከተው ዛሬ ካለንበት ጋር ልክ በትንሽ እንስራ የማቋጠሪያ ጥንስስ የነበረው የ500 የመይሳው ልጆች „የፈራ ይመለስ“ ብለው የጀመሩት ተጋድሎ ሲሆን መበራከቻ የሆነው የግንጪው ንቅናቄ ነው። የሁሉም መንፈስ ስኬትን ለመፍጠር የነበረው ልፋት የውህደት ዕድምታ ደግሞ የጎንደሩ የአማራ የህልውና ተጋድሎ ነው ብዬ አስባለሁኝ። ከዚያ ዓዋጁ „የበቃን!“ የጸደቀው በሬቻ የዕንባ ጥቁር ልብስ ቀን ነው። በዚህ ሁሉ ሂደት የወያኔ ሃርነት ትግራይ የሰላ ሰይፉን፤ መሳሪያውን፤ ባሩዱን፤ የቂሙን ጥሪት ሁሉ በነዚህ ሞገደኛ ህዝባዊ ሞገዶች ላይ አፍሶ የቁርሾ መርዙን በአሻው ሁኔታ አወራርዶበታል። ዛሬም ቀጥሏል። መቼ ሊቆም እንደሚችል አይታወቅም። በወቅቱ ይህን ህዝባዊ ሞገድ ሊመራ የሚችል የተፎካካሪ ፓርቲ ሊሂቅ አልተገኘም። የህዝቡ ንቃተ ህሊና ከመሪዎቹ በላይ ነበር።
- · ህዝብ የመራው ታሪካዊ አብዮት።
በዛ ላይ በተፎካካሪ ፓርቲዎች ከተያዙ አጀንዳዎች
ውጪ ሌላ ለአፍሪካ ሰላማዊ ትግል ማለት ምን ማለት እንደሆነ በጥበብ ያሰተማረው ለረጅም ጊዜ የዘለቀው „የድምጻችን ይሰማ“ ተጋድሎና
የተከፈለው መስዋዕትነት የጎንደሩ የአማራ አብዮት ለዚህ የሃይማኖታዊ መብት መከበር ተጋድሎ የሰጠው ይፋዊ ዕውቅና እና ክብር ሌልኛው ህብራችን በውላችን፤ ድላችን ለመንበራችን
በመሆናችን ስለመሆኑ መሬት የረገጠ ከፖለቲካ ድርጅቶ አቅም በላይ በሆነ ሁኔታ „ድምፃችን ይሰማን!“ መሪ መርሁ አድርጎት ነበር
ተጋድሎው፤ ያ ዘመን ጠገብ ድርጁ እና ቆራጥ ተጋድሎ ህዝብ እማራለሁ ከሚለው ሙርቅርቅ የወያኔ ሃርነት ትግራይ የፖለቲካ ፍልስፍና
አቅም ጋርማ በፍጹም ሁኔታ የማይመጣጠን ልዩ ፍጹም ልዩ የድንቅ ነሽ ድንቅ የልብ መሠረት ነበር። ስልቱ፤ ጥበቡ፤ አቅሙ፤ ጉልህነቱ
የፖለቲካ ልቅናን ለማዋህድ የተሄደበት መንገድ ሁሉ የጎንደሩን የአማራ የማንነት አብዮት በተመሰጠረ ቅኔ ሲኬድ የጥቁር አፍሪካን
የመጀመሪያም የመጨረሻም ታሪክ ነጋሪውን የፋሲል አግናባት ቀደምት ራዕይ ደረጃ ያስጠበቀ፤ ሥልጣኔውን ያበቃለ፤ የነዋሪዎችን የሥነ
- ልቦና አቅም ሙሉ ለሙሉ ያስከበረ፤ የኢትዮጵያን የመንግሥት አመራር ብቃት ትውፊትን የተረጎመ፤ ጎንደር ማለትን ያነበበ፤ እና
ያመሳጠረ የጉልላት ህብረ ነባቢት ነው። የመንግሥት ቅርጽ እና ይዘት ብቃት በህዝብ አቅም ህሊና ውስጥ ስለመሆኑ ተጋድሎው አመሳጥሯል
ዓውጇልም።
- · ነፋሻ ዝንቅንቅ አዬር።
በመሃል
በኪናዊ አቅሙ የቅኔው ዕንቡጥ የቴወድሮስ ካሳሁን „ኢትዮጵያ“ መርህ ጸድቅ ዕንቁ ኪናዊ መለከተም ትሩፋቱን አስከብሯል። በዚህ ውስጥ
ነው አዲስ የለወጥ ራዕይ መንፈስ በራሱ በገዢው ፓርቲ የባርነት ቀንበር በቃን የሚል ጭምጭምታ መደመጥ የተጀመረው። መነሻውም መድረሻውም
የአማራ የህልውና ተጋድሎና የኦሮሞ ንቅናቄ ነው። በተፎካካሪ ሃይሎች ዕውቅና የተሰጠው ግን ለኦሮሞ ፕሮቴስት ብቻ ነበር። ከፖለቲካ
ሊሂቃን ወገን አንድ ዕጣ ነፍስ ብቻ ነበሩ። እሳቸውም የመካከለኛው አፍሪካ ለእኔ ብቸኛ የምላቸው ጸሐፊ ፖለቲከኛ የዴፕሎማሲ ሊቅ
አቶ የሱፍ ያሲን ብቻ ነበሩ። ለአማራ ተጋድሎ ሥያሜውን ህዝቡ አውጥቶለታል ሳለ። ህዝቡ „አማራነት ይከበር“ ብሎ ወጥቶ ሳለ። ህዝቡ
„ወልቃይት አንችን ብረሳሽ ቀኜን ትርሳኝ“ ብሎ ወጥቶ ሳለ „የነጻነት
ሃይል“ አደናገሪ ሞቶ ዘመን በማይሽረው የታሪክ ዝርፍያ እና ሌብነት በወሳኙ የህልውና ጥያቄ እንዲዋጥ እና ተትበስቦ እንዲቀር
ሰፊ ዘመቻ እና ሰፊ የተጋድሎው የጸርነት ተግባር ተከውኖበታል። እንደ ብሄራዊ ሚዲያ ኢሳት እንደ ድርጅት በግንቦት 7። እንደ ጎረቤት
አገር ኤርትራ። በአጋፋሪነት እና በጀሌነት ደግሞ ራስን ገዳዩ የጎንደሩ ማህበር። በማጣጣል መላ የትግራይ የፖለቲካ ሊሂቃን ከቅዱሱ
አቶ ገ/ መድህን አርያ በስተቀር ሁሉም በክፉ ዓይን ነበር ያዩት። በወል እንዲከስም በነበር እንዲቀር የሙት በቃ የተፈረደበት ተጋድሎ ህዝባዊ አብዮት ቢኖር የጎንደርና የጎጃም የአማራ
የህልውና ተጋድሎ ነበር።
ለወያኔ
ሃርነት ትግራይም የአማራ ልጅ እንዲታረድ ምቹ ይለፍ የተሰጠውም በዚህ ምክንያት ነው። የሆነ ሆኖ ህዝባዊ እንቅስቃሴው መሠረቱ ይሄው
ነው። ወያኔ ሃርነት የታላቋ ትግራይ የሥነ - ልቦና መሽሞንሞኛ መላበሻ የነበረው ቤተ - ሲኦል ሥነ ልቦናዊ ተራራ የተደረመሰው
በእነኝህ ሁለት ተግባር ጠገብ የተጋድሎ ገድሎች ነው። በትግራይ የፖለቲካ ሊሂቃኑ „እንደ ገበያ ጫጫታ፤ እንደ ተራ የሰፈር ብጥብጥ፤
እንደ አልፈላ ቡብኝ ወይንም እንደ ጤፍ ጠላ“ ሲቃለል የነበረው የጎንደሩ የአማራ ተጋድሎ የህልውና አብዮት በወያኔ ሃርነት ትግራይ
ሥርዕዎ መንግሥት ሚዲያ የትሜና የተወረወረው ተጋድሎ ብቻ እና ብቻ ነው ለዛሬ የሚሊዮኖች የመተንፈሻ ቧንቧ፤ የክፉ ቀን እጂ አውጪ፤
የጀርባ አጥንት የሆነው። ተጋድሎው በግራ ቀኝ የታጠረበትን ግርዶሽ ጥሶ ታሪኩን መንበር ላይ ስለአዋለ ነው። ከዛ በፊትም ከዛ በኋዋላም
የተካሄዱ ታጋድሎች ነበሩ፤ ግን ዛሬን ለመውለድ ወልዶም ለመራመድ አላስቻላቸውም። የመንፈስ ጋብቻ በሁለቱም ማህበረሰቦች ብቻ ሳይሆን
ቅን በሆኑ ኢትዮጵውያን እውነቱን ያነጠሩበት ምስክር ነበር የአማራ
ተጋድሎ። „ጋንቤላውም የእኔ፤ ኦሮሞውም፤ የእኔ፤ ድምጻችን ይሰማም የእኔ፤ እስረኛው ነፃነትም የእኔ“ ነበር ያለው። በነበሩ
የተጋድሎ ሂደቶች አክተሮቹ ራሳቸውን ሲያተርፉ ህዝቡ ግን ያው መከራውን ተሸክሞ ራሱን በተስፋ ማጣት ሲገብር ነበር የኖረው ካለ
አንድ አሰባሳቢ እና አለሁልህ ባይ። ይህ አብዮት ብቻ ነው ሁሉንም በመንፈስ ያጋባው ሞቶ በደሙ፤ ሞቶን ድል አድርጎ በአጥንቱ ፍላጭ
ዛሬን በፍቅር በምህረት አምጦ ወለደ። መቱ ላይ እኮ 10 ሺህ ነዋሪዎች ወጥተው „ለማን አብይን አማራን እንዳትነኩ፤ በትነኩ ዋ!“
ነበር ያሉት። ይህ በምንም የፍልስፍና ቀመር እና ልቅና የማይለካ የማይሰፈር ንጡህ መንፈስ ቅዱስ ነው። - · የምሥራች በጤና ጥበቃ ስልት።
ማንኛውም ህዝባዊ እንቅስቃሴ መሪ ከሌለው አንድ
ቋት መግፋት አይቻለውም። እነዚህ ሁለት ተደጋጋፊ አብዮቶች አድማጭ አገኙ። በራሱ በወያኔ ሃርነት ትግራይ ግርዶሼ ብሎ በለሰነው
ማህበር ውስጥ የነፃነት ትግሉን ለማፈን በወሰደው እርምጃ ውስጥ በግርዶሽ የበላይነቴን አስቀጥዬ ተደላድዬ 100 ዓመት እገዛለሁ፤
ከዛ ዘረ ኢትዮጵያ ሥያሜውም „በህዳሴ ትግራዊነት“ ይተካል ሲል አዲስ ቀንበጥ ባለራዕዮች ጉዳያችን፤ አጀንዳችን ብለው ህዝባዊውን
ተጋድሎ ማዳመጥ ጀመሩ። እንደ የራሳቸው ባህሪ አድማጭ የማግኘታቸውን ያህል ሁለቱ አድማጮች በጎንዮሽም መስመርም አዲስ ስልት ነድፈው
መደማመጥ ጀመሩ። ልቅና ማለት ይሄ ነው። አዕምሮ ይሰራል የሚባለው ተረግጠህ ወይንም ጨፍልቀህ ወይንም ውጠህ ሳይሆን የተገባውን
ዕውቅና ዕኩል በማድመጥ አክብረህ ነው። ኮፒ ራይቱን ለባለቤቱ ሰጥተህ።
ስለሆነም አዲስ የጤና ጥበቃ መስመር ባህርዳር የደካ አዳማ፤
አዳማ የደካ ባህርዳር ተዘረጋ። ይህ የጤና መስመር ጊዜም ወቅትንም አላበከነም። ብልሃትን ሰንቆ ዳታ ሳያበዛ በፍጥነትን በልቅና
መፍትሄን ቆጣጠረ። ይህ እንግዲህ እጅግ የበሰለ፣ የተራመደ፣ የሰለጠነ፣ የአቅም ብቃት መለኪያ ነው። ብልህነቱ ኑሮውን ለመምራት
ከመነሳት ጀምሮ ብሄራዊ - አህጉራዊና ዓለም አቀፋዊ ችግሮችን በተማከለ ሁኔታ ለመፍታት በሚያስችል ቁመና እና ወርድ እጅግ በራቀ
በረቀቀም ራዕይ፣ በሙሉ መሰናዱ፣ በውል በተዳረጀ ህሊና ጠላት እና ወዳጅን በለዬ ምልከታ፤ ጥቃትን ለመከላከል በሚያስችል በተከደነ መንገድ፤ በከፍተኛ ጥበብ የተመራ ዕጹብ ድንቅ የሚያስብል
የ21ኛው ምዕተ ዓመት የኢትዮጵያ የፓን አፍሪካዊነት የአመራር የብቃት ኪናዋ ጥበብ የታዬበት፤ እጅግ ዘመናዊ ሥልጡን የሆነ የትግል
ታክቲክ እና ስትራቴጅ ነው። ይህ ብቃት ዛሬ አይታይም፤ ለወግ የሚያበቃው በእጬጌው ሂደት ነው። ግድፈቶችን በመለቃቀም በጠላትነት
ፈርጆ መታገለም፤ ግድፈቶችን በፍቅራዊነት ዕይታ ተስፋን ሰንቆ ነቅሶ አውጥቶ መሞገትም ሁለቱም መብት ነው።
የብቃቱን ልክ በሚገርም ፍጥነት እና በተለዋዋጭ ስልቱ ሲያንቀላፋ የነበረውን ተስፋ አነቃቅቶ የጅም ደንምበኛ አደረገው። ኢጎይስቱ እና አውሬው ታወኩ፤ ቅናተኛው እና አራሙቻው ታመሱ፤ ደራጎናውያን የሚይዙትን
የሚጨብጡትን አጡ። አውሬው መላ ጠፍቶት ሲወድቅ ሲነሳ ማጣፊያ ሲያጥረው አንዱ ሴራ ሲከሽፍ ሌላ፤ ሌላው ሲከሽፍ በሌላ እያከታተለ
ቁርጭምጭሚትን ለመስበር ተጋ። ግን ፈጣሪ ያገዘው መልካምነት ወደ ፊት ገሰገሰ። መስዋዕትነትን ለውጤት በማብቃት እረገድ በታሪክ
የኦሮሞ እና የአማራ ተጋድሎ ያደመጠው መንፈስ ነው። ዋጋም ዕውቅናም የማይሰጠው ምክንያት ትርፋማነቱ ልቁ በልጦ ስለወጣ ነው። የነበረውን
አቅም አለኝ የሚለውን ሁሉ ፈተና ላይ አስቀመጠው። ከብርት ዳኛ ብርቱካን ሜዴቅሳ እኮ በፖለቲካው ዓለም አንድ ዓመት ወይም ሁለት
ዓመት መርታ አልታዬችም። ቢሮዋ እስር ቤት ነው የነበረው። ግን መንፈሷ ነው ክብር ያጎናጸፋት። ለወቅቱ። ይሄቺ ፖለቲከኛ በመንፈሳችን
ጸድቃለች ለዘላቂ። ከእሷ የበለጡ ሙሉ ዕድሜያቸውን የባተሉ ሴቶች አሉ ግን ትቢያ ለብሰው የቀሩ። ወቅት የሚሸልመው የራሱ የሆነ
ወርቅ አለው። መስዋዕትነት መክፈልና ስኬታማ መሆን የተለያዩ ናቸው። ያልገባን ይሄ ነው። ለዚህም ነው ይህን መሰል ጹሑፍ እስከ
ቪዲዮ ላዘጋጅ የተገደድኩበት። ዕወቅና መንፈግ ዕዳም ነው።
የፈጣሪ ቃልም ጥሰት። ካለ እርሱ ፈቃድ የሆነ የሰናፍጭ ነገር ስሌለ።
ይህ
ሂደት በግርድፍ እና በሽርክት የተለሰነ ሳይሆን ወቅት ሰጥቶታል፤ አውቆታለም። ብቃቱ ስላለ። አበቃቀሉ ከውስጥ በመሆኖ፤ በታቀደ፤
አቅጣጫውን ባወቀ የእውነት ንድፍ ስለሆነ፤ በእውቀት ላይ በተመሠረተ ትጋት ስለሆነ፤ ዙሪያ ገብ እሾኽ ሆኖ የተነሳበትን የኢጎ ጃርታዊ
አርበኛ ሁሉ እዬጣጣሰ ዛሬን ሰጠን። ሌላው ቀርቶ አቅጣጫውን የሚያስቱ ቀውሶችን ማምረት የማይሳነው ማህበረ ደራጎን ያጠመደው ወጥመድን
እዬዘለሉ በፍጹም የአመራር ብቃትን እና በትዕግስት ወደፊት ገሰሰጉ ብልሆቹ። በዬተገኘችው ደቂቃ ሌት ተቀን ባተሉ። እርምጃውን ጠንቅቆ
የሚያውቅ፤ አቅጣጫውን በሚገባው የተረዳው መሬቱን የሙጥኝ ያለ የለውጥ መሪ ሃይል የተዛነፍ ሆነ የጣልቃ ገብ እንኮሮዎችን እዬጣሰ
በሰከነ ሁኔታ አዕምሮን ሳያባከን ሂደቱን እዬመራ ይገኛል። እነዛ ድንቅ 108 የራህብ መዳህኒቶች የሰጡት ዕወቅና ከተገባው ቦታ
ላይ ስለሆነ እለቱ ፍርያማ፤ ፍሬውም የትውልድ እነጻ ስለመሆኑ የቆዬ ሰው የሚያው ይሆናል። እኔ እኮ ተናግሬያለሁ ብሄራዊ ቀን ሊያስወስን የሚያስችል አቅም ብዬ አብይ ኬኛ ክፍል ስድስትን
ማዬት ይቻላል „ቀንበጥ Kenebete“ ላይ። እግዚአብሄርም የፈቀደው አለ። ቅብዕ ለበጎም ለጥፋትም ይሆናል፤ ልዑል እግዚአብሄር
የፈቀደልን ግን የፍቅር ቅብዕ ነው። ይልቅ አቮ ጸሎት ይከሉበት።
ሃሳቡ፤
ከሌላ ድውይ እና ክልፍፍል የሥልጣን ጥመኛ፤ ወይንም የፋይናንስ እገዛ ለመያዢነት ሞፈር ዘመትኛ ላደረገው ማንፌስቶ፤ ሃሳቡ ከሌላ
መጥቶ ደጋፊ ከሆነ ባለ ቻፕትር/ ደጋፊ በሚል ተቀጥላ የማይጫንበት ስለሆነ በአቅሙ ልክ በተለካ፤ ልቅም ብሎ በታሰበበት፤ በጥራት
በተነደፈ የቅደም ተከተል የተግባር ንድፍ ርህርህናን፤ ትህትናን፤ አክብሮትን አክሎ ረጅሙን ጉዞ ተያይዞታል „ኢትዮጵያዊነት ሱስ
ነው።“ መሪ ማለት ምን ማለት እንደሆነ፤ የመሪ ብቃት እስከ ምን ድረስ ሊከነዳ እንደሚችል፤ የመሪ ሰብዕዊነት፤ ስብዕና ምን እንደሆነ
ጠረኑ በሰውኛ ፍልስፍናዊ ክህነት በራሱ ውስጥ በበቀለው ክህሎት፤ በራሱ ህሊና በጸደቀው አዲስ መንፈስ ነፍስን መልሶ፤ ነፍስን ሰጥቶ፤
ነፍስ ሆኖ ተስፋን አለሁልህ አይዞኽ ብሎታል። ተመስገን!
- · ማድመጥና ስጦታው።
የሚቻለው
አሁን በተቻለው መንገድ እዛው እቅርብ ያሉት የለማ አብይ ገዱ መንፈስ ከራሳቸው ማህበር ጋር በገጠሙት የጦር ቀጠና ውስጥ ጥሰው
ማለፍ እንዲችሉ አቅም ማዋጣት፤ ወይንም ጎራን ለይቶ በወያኔ ትግራይ ማንፌሰቶ ሽብልል ግርዶሽ ተጠቅልሎ ማሸለብ። ቀጥሎም አብሮ
መስመጥ ብቻ ነው። „ኢትዮጵያዊነት ሱስ ነው“ መሪ አለው። አሁን ባለቅኔው ጠ/ ሚር እያደረጉት ያለውም ይሄው ነው የ108ቱ ድምጽ
አሸናፊ ሆኖ ይወጣ ዘንድ ነው ትጋቱ። ይህ ድምጽ አሸናፊ ሆኖ ሲወጣ ነው አዲስ ሥርዓት ሊዘረጋ የሚችለው። ሙሉ ለሙሉ ድሉም ያን
ጊዜ ነው። አሁን ጮራ ብቻ ነው … ጨረር ነገር … ባይረሱ ያለበትን አካባቢ ፊት ለፊት በመግጠም ሳይሆን በጥበብ ፈውሳኛ ማድረግ።
ይህ ደግሞ ለሁሉም አዳኝ መንገድ ነው።
- · ሥር ነቀል ለውጥ እንዴት?
አሁን አቤቱ ሰማያዊ ፓርቲ እንደ ጀመረው መሬት ላይ ማነው ጸሐፊ፤ ማነው ተጽዕኖ ፈጣሪ እያልክ ሰው እዬለቀምክ
የሚሆን ሥር - ነቀል ለውጥ አይታሰብም። „ከሦስቱ አንዱ ይሻላል“ ይሻላል ካለከው የበለጠ አቅም አምጠህ ወልደህ መሆን አለበት
ሥር ነቀል ለወጥን መተንበይ። አዲሱ ሰማያዊም መጥቻለሁ እያለ ነው። አማራ ሥም በተለወጠ ቁጥር ደም አይገበርም። ይልቅ ለሁሉም
የሚጠቅም የአብይ የአስተዳደር፤ የአማራር፤ የቁጥጥር፤ የግምገማ ት/
ቤት 4 ኪሎ ላይ ስለተከፈተ ያችን ከፈት እያደረጉ ገልብጦ ማንበብ የሚሻል ይሆናል። ኮፒ ራይት ባለቅኔው ጠ/ ሚር የሚጠይቁ አይመስለኝም።
ትግል ሞናትነስ ሲሆን ነፃነት ይሞታል። ይህ ዶግማ ነው። አሁን እህቶቼ አሜሪካን አገር የሚኖሩት የዶር አብይ አህመድን ንግግር
በሥርዓት ያዳምጣሉ። እኔ ሳስበው ወደ አዲስ መንፈስ ገብተዋል ማለት ነው። ከቃለ ወንጌል፤ ከመዝሙር፤ ከሀገር በቀል የሥነ ጥበብ
ቤተሰብነት በመሪነት የያዙት የመሪያቸውን ንግግር ማድመጥ ነው። ቀድመው እንደ ጀመሩም ነግረውኛል። የሌላ መሪ ንግግር አዳምጠው
አያውቁም። አማራነትን ወደውታል፤ ጎጃምን ጌጣችን ብለዋል። ለውጣቸው አስገርሞኛል። ወቅት እንዲህ ህሊናን ይገዛል።
- አዬህ እናቱ የእኔ አንበሳ ኢትዮጵያዊው ለውጥ ፈላጊው መንፈስ ሆይ!
- · የቀን እንጥሽታ፤
አማራ
የጀግኖች ማርከሻ መሪ አለው። አንበሳ፤ ደልዳላ፤ ምራቁን የዋጠ፤ ብቁ የረጋ፤ ስክነት የረበበት፤ እንኳንም የእኔ ሆንክ የሚባልለት፤
የማይክለፈለፍ አንበሳው ኮ/ ደመቀ ዘውዱ የሚባል። ባለ ግርማ ባለ ሞገስ። ስኩን - ብጡል! ሌላውንም የታሰሩ የተንገላቱ፤ ቤተሰቡን
የገበረ፤ ትዳሩን ያጣ ከ30 ሺህ በላይ መሪዎች አሉት። የሌላ ወርቅና ጨርቅ አድማቂ ከእንግዲህ አይሆንም። መስፈርቱ ይሄው ነው
አማራ መሬት ላይ መሪ ለመሆን። ሌላው ማለገጥ ነው።
በተለይ
የአማራ ልጅ ሲከሰስበት የኖረውን መሰረታዊ ጉዳይ እንውቃለን፤ አሁን ቢሆን ክሱ እሳቱ እዬነደደ ነው። ነገር ግን ለስለስ ያለው
„ኢትዮጵያዊነት ሱስ ነው“ ያን ሁሉ መከራ ተሸክሞ ተረጋጉ እያለ ነው። ከማንም በተሻለ፤ ከዬትኛውም ሊሂቅ በበለጠ ለጉዳዩ ቅርበት
ከተባለ ከአሁን ጊዜ የተሻለ ለአማራ ሁነኛ ባሊህ ባይ ጠበቃ ጊዜ የለውም። ስለአማራ ከአብይ መንፈስ የተሻለ መሪ በዘመኑ አያገኝም።
ከሁሉም በላይ ለአማራ አዲስ ቀኑ ነው። እሱ ነዋ ዋናው የሁለገብ የጥቃት ተዋናይ ሆኖ በስውርም በግልጥ እስተዚህች ደቂቃ ድረስ
ያለው። ሁሉም መስጥሮ ከምንጠራ አልተቆጠበም፤ ለአማራ ህሊናም በግለት ሽበር ከመልቀቅ አልታቀበም። የአሁኑ መታመስም ምንጩ ይሄው
ነው። „ፋርጣ“ እንዴት አዲስ አበባን ይማራል ሲባል ቤተ መንግሥት ሲገባ ነደደ። ይሄው ነው ሚስጥሩ።
ይህን
ቀረብን ብለው ከሚታመሱት ጋር አብረን ቆራጣ የሰው ያህል ክብር ሳንሰጥ ስናብጠለጥል፤ ስናጣጣል ለበለጠ መከራ እና ማጎዶነት ህዝባችን
መንፈሱን ስንከፋፍል እንገኛለን እኛው እራሳችን።
እልቂቱ
አሁንም አለ። ባለፈው ሰሞን እኮ ወያኔ ሃርነት ትግራይ ከኢትዮጵያ ሱማሌ ወጥቶ ወላይታዎችን በአሰተዳደራቸው ቦታው አዳማ ይመስለኛል
ተከፍተናል፣ ተሳደናል ብለው አስነስተውባቸው ነበር። ያን ጊዜ የዕጩ ጠ/ ሚር ውድድሩን ለማጨናገፍ፤ የሙያሌም ዕልቂት የዛኑ ሰሞን
ነበር። አቦ ለማ መግርሳ እኮ ጥቁር ቲሸርት ለብሰው ነበር ስበሰባ ሲሳተፉ የነበሩት። ዶር አብይ አህመድም ድብ ያለ ገጽ ነበራቸው።
ግን ዋጥ አደርጉት እና በዋናው ግባቸው ላይ አተኮሩ፤ ያን ቢስቱ የባሰ እንደሚቀጥል ያውቁታል። ያን ለመግታት ባይችሉ እንኳን ማመጣጠን
እንዲቻል ቁልፋቸው ላይ ብቻ ተጉ። ይህ ማለት ግን ትጉሃን መከራውን አዳፍኑት ማለት አይደለም። ማጋለጥ ይገባል። እኔ እራሴ የዕዬለቱን
እዬመዘግብኩኝ እይዛለሁኝ … ቀጥዬ ስለምሠራበት … አንኳንስ የሰው ልጅ ኢትዮጵያ ያለው አዬር እረፍት ያስፈልገዋል። ወፍራም ሙግቶች ሁሉ አሉኝ የጠ/ ሚር ቢሮ ጋር እምተጋበት ግን በአክብሮት ነው።
እኔም ዜጋ ነሽ መባሌን ስለሰማሁኝ ትናንትና መደመጥ አለብኝ። እኔን ebc ያደመጠኝ አግባብ ነበር።
- · መፍትሄ።
ኦህዴድ
ከ700 ሺህ በላይ ህዝብ ሲፈናቀል የሚይዘውን፣ የሚጨብጠውን አጥቶ ተርበትብቶ ቢሆን ኖሮ፤ የመከራውን ውቅያኖስ የምታሻግረው መርከብ
ሰምጣ ትቀር ነበር። ነገር ግን ዕለታዊውን ሳይሆን በዛ መልክ ቢቀጥል ሊመጣ የሚችለውን የከፋውን መራር ቀን አስልቶ፤ መግቻውን
ርካብ ላይ አትኩሮቱን አድርጎ፤ ችግሩን በመቻል ችሎት አድርጎ ሊታመን በማይችል የግል እና የጋራ ሃላፊነት ውህደት የኖኽ መርከብ
ወጀቡን ተሻግራ ብርሃና አበራች - ለሁላችንም ለሞኝ ቅኖች። የተረፈው ለዘር ነገን ይሠራል። ነገም ቢሆን አውሬው የተፈጠረው ለጥፋት
ስለሆነ የእፉኝት ተግባሩን ባለሰብነው፣ ባላቀድነው ሁኔታ ይቀጥላል፤ በመኪና ግጭት፤ በምግብ ብክለተ ወዘተ … እሱ በነደፈው ልክ
እንቅፋት በፈጠረ ቁጥር እዬተደናቀፉ መሃል መንገድ ላይ መቅረት ሳይሆን ያን የዴያቢሎሳዊ ሥራውን ለእሱ የቤት ሥራ እዬሰጡ፤ ዘላቂና
አስተማማኝ የህዝብ አንድነት መገንባት ከተቻለ አረም አረም ነው በራሱ ጊዜ ይከስማል። ሙጃም ሙጃ ነው በራሱ ጊዜ ጠውልጎ ይሞታል።
ጥላቻም በረከት የለውም … ከትውልድ እና ከዘር ይነቅላል „ልጅ አይውጣልህ“ እኮ ከባድ እርግማን ነው። ሚሊዮኖች በዬእለት ኑራቸው
ይሄን ማለታቸው አይቀሬ ነው። ህ!
ቁጭ
ብሎ ሂደቱን ላጠናው እኮ አፍሪካ ላይ ለዛውም ቁጥር ስፍር በሌለው ችግር ከሰመጠች ሐገር ውስጥ የተከወነ ብልህነት አይመስልም።
እኔ የመቀሌውን፤ የጎንደሩን፤ የጅጅጋውን፤ የአሶሳውን፤ የአዋሳውን ስብሰባ በተደጋጋሚ ሳዳምጠው፤ የሚነሱ አንከሊስ ሃሳቦችን ሳስተውል፤
የሚገናኝ የሃሳብ ተፋሰስ እንኳን የለም። ኢትዮጵያ ያላት የብሄር ብሄረሰባት ብዛት 80 ሳይሆኑ፤ ኢትዮጵያ ያላት የብሄር ብሄረሰብ
ቁጥር 100 ሚሊዮን ነው ከማለት ደርሻለሁኝ። ሁላችንም እያንዳዱ ዜጋ የራሱ የእኔ የሚለው በአሻራው ልክ የኢጎ ብሄረሰብ አለው። የውጥንቅጥም ዓይነት አለው፤ የዝንቅንቅም
ዓይነት አለው፤ የድብልቅልቅም ዓይነት አለው፤ የመቀዬጥም ዓይነት አለው የሃሳባችን - የፍላጎታችን - የተፈጥሯችን፤ የራዕያችን
ምኑ ቅጡ ዥንጉርጉር ነው። አገራችን ደሃ አገር መሆኗን ሁለ ረስተነዋል። ከሰው አቅም በላይ። ይህን ዕድል አሹልከን በእንጥሽታ
አስም ካሰኘን መቼውንም አናገኛውም። ለዛውም እኮ እንተዋወቃለን። ህም! ይልቅ ጋንቤላ ላይ በሆስፒታሉ ጉዳይ የተነሳው ደስ ብሎኛል
እኔም ጽፌበት ነበር። ሌላው የቀብር ቦታ የተገባ ጥያቄ ነበር። ሰው በመሬቱ መቀበሪያ የለህም እዬተባለ መኖር፤ „ወላጆች ልጆቻችን
ለማን ጥለን እንሂድ“ የሚልም ተነስቷል ይሄ እንደ ዜጋ ሊሞግተን ይገባል። እያለ መኖር ያልተፈቀደለት ህዝብ „የብሄር ብሄረሶበች
ቀን መከበር?!!!! የአፍሪካ ነብርነት¡“ ገድሎ እንግዚአብሄር ይማርህ። ይህ ሲታሰብ አንዴት ተዘለቀ 27 ዓመት? እም!
- · ምን?
ከቶ
ምን አለን? የህሊና አቅም፤ የመተንበይ አቅም፤ ወቅት የማድመጥ የመተርጎም ችሎታ? ወቅትን የመቀዬስ ተስጥኦ? ወቅትን የማብራራት
ክህሎት? የማደራጀት ክህሎት? ረዥም ጊዜ ተቀምጦ ጉዳዮችን አጥንቶ የመፍትሄ መንገዶችን የመተለም ጸጋ? ማደራጀት ቂጥ ይፈልጋል። ለቁንጥንጥ ሰብዕና ማደራጀት ክፈሉ አይደለም።
ለስልቹዎችም ማደራጀት ክፍላቸው አይደለም።ማደራጀት ጆሮ ይፈልጋል። ማደራጀት መክሊትም ይፈልጋል። ማደራጀት ሙያ ነው።
ማደራጀት በግብር ይውጣ፤ በለብለብ፤ በግርግር በሁካታ የሚደፈር አይደለም። ለመሆኑ ዘላቂና ጊዚያዊ ፍላጎታችን አበጥረን አንተርትረን
እናውቀዋለን? ምን አለን? ምርጫ ሲመጣ በሥም ተዥጎርጉረን ፓርቲና ውህደት? እንቅስቃሴ ሲመጣ ፓርቲና ጥምረት? አዲስ ሃሳብ ሲመጣ
ተቦድኖ ማብጠልጠል፤ በቃ ይሄው ነው ያለን? ህዝቡ እኮ መትረዬስ እዬረገጠ የተቀቀለው እኮ ብስል መሪ አጥቶ ነው። ጥበበኛ መሪ አጥቶ ነው።
አሻግሮ አመላካች መሪ አጥቶ ነው።
50 ሺህ የአማራ እና የኦሮሞ ወጣት ወር ባለሞላ ጊዜ እኮ ነው ለካቴና ነው የተዳረገው። ሥንት
ትዳር ነው የፈረሰው? ያን ጊዜ ከሥራ የተፈናቀሉት ብቃት ያላቸው ማናጀር የነበሩ ሁሉ ከሥራ እንደ ወጡ ነው የቀሩት። ለበለጠ መከራ
ህዝብ እንዲዳረግ ማሰብ ማለት አቅም ሳይኖር ዘመናይነት ማለት ነው። ያን ሥር ነቀል ለወጥ ይመጣል ብሎ የሚያስበው መንፈስን መጠበቅ
ጉምን መዘገን ነው። ይህም ከታሰበ እንደ ቀደምቶቹ በራስ ጫካና ዱር
ተሞክሮ እንዬው። ይህን መሰለ አጋጣሚ ከዚህ በኋዋላ በ100 ዓመትም አይመጣም። ስለምን? ለመለወጥ ራሱ አቅም ስሌለን፤ ለማድመጥ
ራሱ ልምዱ ስሌለን። መበለጥን ለመቀበል ችሎቱ ስለሌን? „ከአውር ቤት አንድ ዓይና ብርቁ ነው“ ሆኖ ለነገሩ እራስን ከእኔ በላይ
ማን አለ ያለ „አቶ ሀ፣ለ“ አሁን ጨርቁን ጥሎ ቢያብድ በፍጹም አይደንቅም። አልሰማህም አይል ሙሉ ቀን አዲስ ሃሳብ፤ ሙሉ ቀን
አዲስ ራዕይ፤ 45 ቀናት በሙሉ አዲስ ተስፋ ነው የሚደመጠው። ሚዲያው ሁሉ ምስሉ ዜናው እሱው ነው አዲስ ነገር። ለጠሉትም መቼም
ከበሽታ ላይ የሚጥል ነው ወይንም የሥነ - ልቦና በሽተኝነትን የሚሸለም። ህም!
- · ህም!
የሆነ
ሆኖ ኦፌኮ ዕድልን እንዲህ ነው የሚሾልከው። በማንኛው ጊዜ አዲስ ቡቃያ ሃሳብ ይዘው የሚመጡ ሰዎች የሉም ማለት የጸሐይን ሙቀት
ተፈጥሯዊነት መካድ ማለት ነው። ለእኔ ከዬትኛውም ፖለቲካ ድርጅት በላይ አቅም እንዳለ ዛሬ ሳይሆን ቀደም ባሉተ ጹሁፎቼ ሁሉ ተግቸበታለሁኝ።
ኢትዮጵያ ላይ አሁን የሚበልጥ ብቁ ብጡል መሪ ነው ያለው። ገናና ሥም ገናና መሪነት ማለት አይደለም። ገናና መሪነት ሃሳብ አፍላቂነት
ለዛውም ከቻለ ብቻ ሳይሆን ያፈለቀውን ሃሳብ ማዝለቅ ማለት ነው። የቀደመው ሃሳብ ሥራ ላይ አውሎ በጣምራ ሌላ አዲስ ተከታታይ ሃሳብ
ማፍለቅንም ሂደት እራሱ ያስገድዳል። አዲሱ ወቅት ሽሁራር የበላውን የታቆረ ሃሳብ ሙት መሬት ላይ ታጣፊ አልጋ ገዝቶለታል። ስለዚህ
ያልተቋረጥ አዲስ ሃሳብ ማፍለቅ እና መንቀሳቀስ ይጠይቃል ትግል የሚሉት ሞገደኛ ከልሞገተ የማያስተኛ።
- · አዬ!
መቼም ኦሮምያ ላይ የማይታሰብ
ነው። ኦሮምያን የሚደፍር የለም። ስለሆነም ኤክስፖርት በሚደረግ ራዕይና ግብ አማራን መምራት ከእንግዲህ የውድቀት ዋዜማ ነው። አንደበትም
የለውም። የትኛውም ፓርቲ ካለ ማንፌስቶው መንቀሳቀስ አይችልም። አማራን ለምምራት አማራ ነኝ ማለትን ይጠይቃል። አማራንም አጀንዳ ማድረግን ይጠይቃል። በአዲሶቹ ዳርዳር አይቀሬ ነው። መሽሎክ
ነው። ህዝቡ ተፈልጎ ግን አማራዊ መንፈሱ ተጠቅጥቆ ድምጹ የሚሆን አይደለም። አማራ አምርሯል። ይገባዋልም።
43 ዓመት ሙሉ መሬቱን እያቃጠለ፤ ትውልዱን በቀየው አስመንጥሮ የሰው ሥም በመውድሰ ታሪክ ሲገነባ ነውና የኖረው። የሌላው ቤተሰባዊ ዓውድ አልባብ ባልባብ ሆኖ ባቡርና ኢንደስትሪ ፓርክ ሲጠይቅ ልጆቹ የሚማሩበት ት/ቤት እንኳን የላቸውም። ለመኖር ያልተፈቀደለት ነው። ለመሆኑ አማራ አገሩ የት ነው? አዲስ አባባ እራሱ በዝምታ ውስጥ የኖረው አማራ እንደ እሳተ ጎመራ ታምቆ የኖረውን ቁስሉን እያፈነዳው ነው። ብዙ ቁጥርም እንዳለ ይገመታል። ወቅቱና ፍላጎቶ፤ ወቅቱ እና ምኞቱ በፍጹም አልተገናኙም። አቅም ሲሳሳ ታዛ ለታዛ የተለመደ ነው። አሁን መንግሥት አለ በአግባቡ በግል ደረጃ ጥያቄዎች ይቀርቡለታል። እንሞግተዋለን።
43 ዓመት ሙሉ መሬቱን እያቃጠለ፤ ትውልዱን በቀየው አስመንጥሮ የሰው ሥም በመውድሰ ታሪክ ሲገነባ ነውና የኖረው። የሌላው ቤተሰባዊ ዓውድ አልባብ ባልባብ ሆኖ ባቡርና ኢንደስትሪ ፓርክ ሲጠይቅ ልጆቹ የሚማሩበት ት/ቤት እንኳን የላቸውም። ለመኖር ያልተፈቀደለት ነው። ለመሆኑ አማራ አገሩ የት ነው? አዲስ አባባ እራሱ በዝምታ ውስጥ የኖረው አማራ እንደ እሳተ ጎመራ ታምቆ የኖረውን ቁስሉን እያፈነዳው ነው። ብዙ ቁጥርም እንዳለ ይገመታል። ወቅቱና ፍላጎቶ፤ ወቅቱ እና ምኞቱ በፍጹም አልተገናኙም። አቅም ሲሳሳ ታዛ ለታዛ የተለመደ ነው። አሁን መንግሥት አለ በአግባቡ በግል ደረጃ ጥያቄዎች ይቀርቡለታል። እንሞግተዋለን።
- · ዐጤው ጎጃም!
- · አማራነት ደም ነው።
የአማራ
ልጆች በከረፋው የወያኔ ሃርነት በደል ተበድላችሁም „በማንነቴ“ ከማለት ይልቅ ድፈሩት እና „ በአማራነቴ“ በሉት። በስተቀር የትውልዱን
የመኖር ርካብ እያሰመጣችሁት ስለመሆኑም ልታስተውሉት ይገባል። ተበዳዮቹ ምስክር መሆን ካልቻላችሁ በዳዩማ ጮቤ ነው የሚረግጠው።
በዛ ላይ ለአማራ ቀና የሚያስብ አንብዛም ነው። ተኖረበት ተረጀበት እኮ … ነገም ዛሬም ዘመንም እንዳይበደል „አማራ ነኝ“ ማለት
ቢከብድም „አማራ“ ተብዬ ተበደለኩ፤ በአዳባባይ በዳኝነቴ የተደበደብኩት
በአማራነቴ ነው ማለት ዓለም አቀፍ ዕውቅናው ካጎላው እሲክ ከአርበኛ ሊሊሳ ፈይሳ ተማሩ። ይሄ እኮ ፈጣሪ አምላክ ወርዶ የሰራው
ታምር ነበር። ግን ሾለከ። „ጥፍሬ ወለቀ፤ አካሌ ጎደለ፤ ዓይኔ ወጣ“ ይባል እና „በማንነቴ“ ማለት ይገባልን? በኢትዮጵያዊነት
እንዳልሆነ ይታወቃል። ይህን መድፈር ሰውን ማትረፍ ሰብዕዊነትም ነው። አማራ ስለሆንክ አማራ ስላልሆንክ አይደለም። በዛ ላይ አማራም
ኢትዮጵያዊ ነው። ይህ የፍትህ ዋቢ መሆን ህግ አዋቂነትም ነው። ይህ የሰብዕዊ መብት ተሟጋችነትም ነው። ይህ የፖለቲካ ሊሂቅነትም
ነው። ራስን ስቶ የምንም ዓይነት ነገር ተጠሪ ውክል አካል ለመሆን ከባድ ነው። መነሻ ቤት አለው ሁሉም። ካለዘር የሚፈጠር ሰብል
አለን? ለቤቱ ባለቤቱ ደግሞ ባለቤቱ ነው። መቼስ ቤት ሳይጸዳ በረንዳ አይጀመር ነገር …
ፊፋን ያህል ዓለምአቀፈፍ ባለአቅም ድርጅት በአደባባይ
የተደበደበት አምክንዮ „አማራነት“ ነው። ይህን ገመና ማጋለጥ የአማራን ቀጣይ የስፖርት ተስፋ ጠባቂ ጠበቃ ማቆም ሆኖ ሳላ እንደዛ
ማሽሞንሙኑ ግን ከ35 አስከ 40 ሺህ የሚገመተውን የአማራ ማህበረሰብን መግደል ነው። በተጨማሪም አፍሪካዊው የእግር ኳስ ቀንዲል
ክቡር የይድነቃቸው ተሰማን የተጋድሎ ታሪክ በእሳት ማንደድ ነው። እሳቸው ለዚህ አልነበረም የታገሉት። የደከሙት። ዓመቱን ሙሉ አማራ
በእግር ኳስ ምክንያት ተደበደበ፤ ሽንት በኮዳ ተደፋበት፤ በኤልኮፈትር በተደገፈ ጭፍጨፋ ተካሄደበት፤ ሃይማኖቱ ተደፈረ፤ የዩንቨርስቲ
ተማሪ ልጆቹ በፎቅ ተወረውሩ፤ ይህ ሁሉ ከፊፋ ህግ ጋር በመጣሱ ምክንያት ነበር። ያ ድንቅ አርበኛ ሊሊሳ ፈይሳ እኮ ቀልብ የሳበው
ወቅትን፤ ጊዜን፤ ሁኔታን፤ ቦታን በወጉ ስላደመጠ እንጂ ከእሱ በፊት መሰሉን የፈጸመ አትሌት ሁሉ ነበር። ብቻ ልብ ይስጠን! አላወቅንበት
ስናሾልክ ስንሾልክ ግን እስከ መቼ? ሳይነኩ እነ ቤቮሻ እስከ አጃቢዎቻቸው ኡኡታ አሰምተው አስቸኳይ ጊዜ አዋጅ ሲያሳውጁ እኛ በአደባባይ ተዋርድን፤ ዘር አልባ ፍሬ አልባ ሆነን ማፈር¡ ማለጋጥ። ምህረትም መፍትሄም ሥርዬትም ንሰሃም በዚህ ግልብጥ መንገድ አይገኛም።
- · ቪዲዮ የኦሮሞ እና የአማራ ተጋድሎ በምልሰት።
ቅኖቹ
… የፎቶወቹን ቪዲዮ በፖስተር መልክ ሰርቻቸዋለሁኝ ይቀጥላልም። የተጋድሎ ታሪክ ስለሆነ ብታዩት አይከፋም፤ እንደ እኔ „ሞኞቹን“
እጋብዛለሁኝ በትሁት መንፈስ።
Freedom!
ነፃነት! 05.22.2018
በማህበረ
ሳጥንኤል በተስፋዬ ከይሲ፤ የቡርቃ ዝምታ፤ በኦንጋውያን፤ በሻብያ እና በወያኔ ፍርሻ የቁቤ ትውልድ እናቱን ላቆዩት አያት ቅድመ
አያቶቹ ዕውቅና ሳይሰጥ አዬር ላይ የተፈጠረ አደርጎ እራሱን ተቀበለ። ታሪኩን የራሱን ፈራው። በተመሳሳይ ሁኔታ ታሪክ ራሱን ይደግማል
እንዲሉ አዲሱ የአማራ ትውልድ የአብይ መንፈስ ከጎረበጠው ደም የገበረበትን የራሱን ታሪክ አሳልፎ ለጮሌዎቹ መሸለሙን አልተረዳውም።
ያጡት፤ ሾልከው የቀሩት ይነሰታሉ ይወድቃሉ፤ በደሙ ግብር አስቀድሞ መጪውን የትውልዱን ዕጣ ፈንታ በመተንበይ ልቅና እና ጥበብ አማራ
ዛሬን ያሰገኘው አንጡራ ድሉን በግንጥል በቄሮ ብቻ እንደ ተገኘ አድርጎ ራሱን ገፍቶ ከዕንቁዊ ገድሉ እያወጣው ነው። ይህ የአብይ
መንፈስ „ኢትዮጵያዊነት ሱስ ነው“ እኮ የአማራ ገድላዊ ታግድሎ እና ብሄራዊነት ዕሴት ያሰገኘው ረድኤት ነው። „የአማራ ተጋድሎ“
የተፈራበት አመክንዮ እኮ ይሄው ነው። ሌላ ሚስጢር የለውም። የአማራ የማድረግ አቅም በሌላ ሥም ተጋርዶ እንጂ በአማራ አቅም ጎልቶ
እንዲወጣ ስለማይፈለግ ነው። መደራጀቱም የሚፈራው ለዚህ ነው። ስለሆነም አሁን በአለው የለውጥ መንፈስ ከታሪኩ ራሱን እንዲያገል
አማራ በጣምራ እዬተሠራበት ነው። ይህ ገናና ታጋድሎ እዚህ ይደርሳል ተብሎ ስላልተገመተ ቁስል መግሉ ንፍርቅ ያደረጋቸው ኢጎኢስቶች
ይዳክሩ የተፈጠሩበት ነው በሳጅን በረከት አምሳል ስለሆኑ። የሚያስፍረው አማራ ደግሞ ሰባራ ሰንጣራ እዬፈለገ አጃቢ ሆኗል። ዛሬ
ያልተቀበለውን የማድረግ ብቃት ማንነት ነገ እየጣለው፤ ባይታዋር እዬሆነ እንደሚሄድ አላወቀውም።
አማራ
ሆይ! የለማ አብይ ገዱ መንፈስ የራሰህ የደምህ ዋጋ ንብረትህ አዱኛህ ነው! ልብ ግዛ! ተጋድሎህ ባይኖር ዛሬን አታገኘውም። አንድ
ጊዜ ልሳነ - አማራ የሚል የወጣቶችን ውይይት እከታታል ነበር። በህግ ዘርፍ ጠንካራ አወያዮችም ተወያዮችም አሏቸው። ግን የሚመቻቸው
መሪ የለም። ስለዚህም ይህ ኢሜል ይሰራልን ብዬ ጠዬቅኩኝ። ይሠራል ወንድም ተባልኩኝ። ሴት ነኝ ብዬ የነበረኝን የቀደመ ሃላፊነት
ጨምሬ ጻፍኩላቸው ራሴን ገልጬ፤ እና እስኪ „መሪ የሀገር ይሆናል የምትሉትን ጠቁሙኝ“ ከዚያ ቀጣዩ ጥያቄዬ ይቀጥላል ብዬ አንዲት
ጥያቄ ብቻ ላኩላቸው። አልተመለሱም። ወጣቶች ናቸው እኛ ካለፍንበት ኢንትሪግ መውጣት ካልቻሉ ነገም ታማሚ ነው። ማግስትን በጣም
አዘንኩለት። መርጨት ብቻ ነው ያ የሚረጨው ምን ያህል መንፈስን እንደሚበትን አይታወቅም። ሚዲያ ከፍተህ ሙግት ፈርተህ አይሆንም።
አንዳንድ አገር መሪ ነን የሚሉ ሚደያዎች አስተያዬት አይቀበሉም፤ ቢቀበሉም ወዲያው ነው የሚሰርዙት መልካሙን ሳይቀር። ማዬት አይፈልጉም
ሥሙን ራሱ። ነፃነት ፍለጋ እንዲህ ነው የሰው ዘር ጠልተህ። ይሄ ከሰብዕዊነት ውጪም ነው። አልተገናኘነም እኛ እና ራዕያችን ቀርቶ
ሰው መሆናችን። ወቀሳ እኮ አዳኝ ነው። መዳህኒትም ነው። ፈዋሽ። ሌላውማ ያሽሟጥጣል፤ ያማል፤ ቀን ጠብቆ ቂም ያወራርዳል። ቅኖች
እና ግልፆች ናቸው የሚናገሩት። የአብርሃም በጎች፤ ክብር ይቅርብን ያሉ ቅራኔ የደፈሩ፤ በራሳቸው ላይ ሙሉ ዕምነት ያላቸው፤ ልብ
እንዲገጠምላቸው የማይፈቁዱ። ለራስ ነው ወቀሳ ለተወቃሹ፤ ጉድፍን ማድመጥ ጠቃሚ ነው። የሆነ ሆኖ እስቲ ሲያሸኝ የከረመው ጡሁፍ
ይቋጭ።
„አማራነት ይከበር!“
ነፃነትን
ብቁና ብሩህ ህሊና እንጂ እልህም ኢጎም ንፋስም አይመራውም!
„ትግሬ
እንጂ ትግራይ ተከዜን ተሻግሮ አያውቅም። ኢትዮጵያዊ ሙሁራን ይፍቱት!“
(ከጎጃሙ
የአማራ ማንነት አብዮት የተወሰደ። መጨረሻ ላይ ያለውን ፎቶ ስታተልቁት ይመጣላችኋል)
የኔዎቹ
መሸቢያ ጊዜን ተመኘሁ። እግዚአብሄር ይስጥልኝ - ኑሩልኝ።
አስተያየቶች
አስተያየት ይለጥፉ