KEBEBUSH Lesanework (ከበቡሽ ልሳነወርቅ)

  እናት ስትታሰር የትውልድ ተስፋ ይጠነዝላል።   "የቤትህ ቅናት በላኝ።"   ጤና ይስጥልኝ ማህበረ ቅንነት። እንዴት ሰነበታችሁ? በብዙ ያልሰከኑ፤ ያልተገሩ፤ የሚወራጩ ሁነቶች ውስጥ ዝምታ የተሻለ በመሆኑ ዝምታ ቆምሶ ሰነበተ። ከውስጤ ሊወጣ ያልቻለውን የቤተሰብ ምስል በሚመለከት ትንሽ ልጽፍበት ወደድሁኝ።   ፎቶዋን ከፌስቡኬ  https://www.facebook.com/sergute.selassie/ #እናት ናት። #ትጉህ ፀሐፊ ናት። #ሞጋች ናት። #መምህርት ናት። ሚስትም ናት። #ፖለቲከኛም ናት። #ቁምነገርም ናት መስኪ። #ወጣቷ ፖለቲከኛ በሳልም ናት።    መስኪ እና ብዕሯን ከ2014 ጀምሮ እኔም እሷም የደጉ ዘሃበሻ፦ የደጉ ሳተናው #አምደኛ ሆነን አውቃታለሁኝ። እኔ እንዲያውም አገር ቤት ሆና እንዲህ ትሞግታለች ብዬ አላስብም ነበር። በውነቱ ውጪ የምትኖር ነበር የሚመስለኝ። አንድ ጊዜ አመስግኜ ኢሜል ፃፍኩላት። መልስም ሰጠችኝ።   መስኪ ባለትዳር እና የልጆች እናት መሆኗን ግን በጣም ዘግይቼ ነው የተረዳሁት። ምክንያቱም እኔ ከ2019 በፊት የፌቡ ተጠቃሚ ባለመሆኔ ለብዙ መረጃወች ቅርብ አልነበርኩምና። የሆነ ሆኖ መስኪ እንዲህ #ተደፍሮ ለካቴና ልትሰጥ የሚገባ ወጣት ፖለቲከኛ አልነበረችም። ልንሳሳላት የሚገባ ልዩ ወጣት ናት እና። እንዲሁም ለገዢውም ሆነ፤ ለተፎካካሪ፤ ለተጠማኝ፤ ለተደማሪ፤ ለተቀላች፤ ለተለጣፊ፤ ወይንም ለተደማሪ ለዬትኛውም ፖለቲከኛ የምትሰጠው ጉልበታም አስተያዬት ህዝብ ጠቀም በመሆኑ ይረዳዋል፤ የአቅጣጫ አመላካች ነውና። መስኪ ለግፋፎ ጭዳ ጭድ ክምር ግርግር አልተፈጠረችም። ለምታምንበት ቁም ነገር ጽኑ እና ዕውነት አፈላላጊ ናት።   ጹሁፎቿን በትጋት አነባለሁኝ። ...

Für mich ist die Natur der Liebe Wissenschaft. Es ist auch eine Philosophie. ለእኔ የፍቅር ተፈጥሮ ሳይንስ ነው። ፍልስፍናም ነው።

  #ብክነት ካለ #ስኬት ፦ ግን #በማገዶነት ።  https://www.facebook.com/sergute.selassie/   "የቤትህ ቅናት በላኝ። "   የመዋለ ዕድሜ የኢህአፓ አባላት በአገራቸው ግዞተኛ ናቸው። ማፍቀር፤ መዳር - መኳል፤ መውለድ - መሳም፤ ዘር መተካት፦ ዓይንን በአይን የማዬት ሃሴት ተፈጥሯዊ ሂደቱም እስረኛ ነው። የቤተሰብ፦ የማህበራዊ ኑሮም፥ ጤናማ ግንኙነት ድፍርስ ወይ ያጎረፈ፦ ያጎፈረም ነው። በፖለቲካ የሚሳተፍ ትጉህ ሁልጊዜም ይገለላል ጥቃትም ይፈፀምበታል። ከዚህ አስፈሪ ሂደት ነገ ትውልዱ ምን ይማርበታል???   እነኝህ ምንዱባን በዘመነ ደርግ የኢህአፓ ታጋይ አፍለኛ ወጣት የነበሩ ይመስለኛል። #ሴት እህታችንም አለችበት። በዛ ዘመን ሴቶች ደፍረው ወደ ትግል መግባታቸው በራሱ ለኢትዮጵያ የፖለቲካ ታሪክ #ጌጥ እንጅ እንደ ዕዳ ባልታዬም ነበር። ህሊና ቢኖር። አሳረኞቹ በዘመነ ህወሃት ታሠሩ፤ በዘመነ አብይዝም እስሩ ቀጠለ። ግዞተኛ በባዕት።   እኔ የታገልኩት የፖለቲካ እስረኛ #የክት እና #የዘወትር እስረኛ ዘመን የሰጠው ገዢ እንዲኖረው አልነበረም። የሚገርመው በዘመነ ህወሃት ከነበረው በናረ ሁኔታ በዘመነ አብይ የፖለቲካ እስረኛ ኢትዮጵያ ውስጥ አለ ከምል ተጥለቅልቋል ብል ይሻላል። ለዛውም በበቀል የተቁላላ፤ በቅሬታ ክምችት የተቀመመ። የሚገርመው የዚህኛው የጭካኔው ስታይሊንግ ከነበሩት ገዢወች የተለዬ፤ ያልተለመደ መሆኑ ነው።    በዚህ ዘመን የሚያስደነግጡ የአረማዊ ክንወኖች ያለፋታ ህሊናችን እንዲሸከም መገደዱ ስለ ሰብ ይመለከተኛል የሚል ሁሉ አብሮ መንፈሱም፤ ጤናውም እንዲደቅ ተደርጓል። በምንኖርበት የስደት አገርም ትናንትም ያሳድዱናል፤ ዛሬም ያሳድዱናል። ለምን? ያ...

  #የበኽሩ ድርድር የእውቀት ዘርፍ ነው። ብልሆች በፀሎት // በድዋ ከከወኑት እዮራዊ በረከትም ነው። ለተጨነቁም ፈጥኖ ደራሽ።   "የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።" (ምሳሌ ፲፮ ቁጥር ፱)   ከማገዶወች ውስጥ የተወሰኑትን አቅር ቤያለሁኝ። ስማቸው እና ተግባራቸው አደባባይ ስለወጣ እንጂ ከ10 - 20 ሺ የሚጠጉ የአማራ ልጆች በአፋር በረሃ እንደታሰሩ አድምጠናል። እነኛ ምንዱባን ምን እንደ ገጠማቸው በተጨባጭ እምናውቀው ነገር የለም። የትኞቹ በህይወት ይኑሩ፦ የትኞቹ አካላቸው ጋር ይኑሩ፤ የትኞቹ በጤናቸው ላይ እክል ይግጠም እምናውቀው የለም። መሬት ላይ አማራን የሚወክል ተቋም የለም እና። በሌላ በኩል በሌሎች ክልሎችም ከፋኖ ጋር በተያያዘ የታሰሩ የአማራ ሊቃናት ሊኖሩ ይችሉ ይሆናል። በአማራ ክልልም የአማራ ልጆች ማሰቃያ #ማጎሪያ የአገር ውስጥ #ስደተኛ ካንፕ መሰራቱን ቢቢሲ የአማርኛው መረጃውን አጋርቶናል።   በሌላ በኩል በግል እስር ቤትም የሚኖሩ መከረኞች ይኖራሉ። በተለይ #ገላን እና #አዲስ አበባ። ህወሃት በገነባቸው የማሰቃያ ቀደምት እስር ቤቶችም በርካታ ትጉህ የአማራ ሊቃናት አሳራቸውን እያዩ ነው። እስረኞች ቤተሰብ አላቸው። ልጆችም ይኖራቸዋል። ትዳርም ይኖራል። ያቺ ዘመን ከዘመን በቃሽ ያላላት/// የማይላት አንድዬ የአማራ #እናትም አለችበት። መኖር + ስጋት ታክሎ የአማራ መላ ቤተሰብ በግፍ እዬታረሰ ነው። በኢኮኖሚ የተሻሉት ከተሞችን በማንደድ አብሮ በማደህዬት ፕሮጀክት ዛሬ እንኳን ለሌላ ለራስም አልሆን ብሎ የሰው እጅ ተመልካች የሆኑ ከስድስት አመት በፊት ግን የፕሮጀክት ባለቤት የነበሩ የአማራ ልጆች በርካቶች ናቸው። ጫካ የገቡትም የፋኖ ታጋዮች ቢሆኑ ቤተሰብ ይኖራቸዋል...