ክቡር ተዋናይ ኪሮስ ኃ/ሥላሴ።

-
                       ለባለግርማው የጥበብ ክህሎት
                         ለተዋናይ ኪሮስ ኃ/ሥላሴ
                            ምህረቱን ይላክ አዶናይ 
                                      „አሜን!“

                              ከሥርጉተ ሥላሴ 25.05.2018 (ከጭምቷ ሲዊዘርላንድ።)


„ምንም እንኳን በለስም ባታፈራ፣ በወይን ሐረግ ፍሬ ባይገኝ፤ የወይራ ሥራ ቢጓደል፤ እርሾችም መብልን ባይሰጡ፤ በጎችም ከበረቱ ቢጠፉ፤ ላሞችም በጋጥ ውስጥ ባይገኙ፤ እኔ ግን በእግዚአብሔር ደስ ይለኛል፤ በመዳህኒቴ አምላክ ሐሴት አደርጋለሁኝ። ጌታ እግዚአብሄር ሃይሌ ነው። „አሜን!“ ይሁንልን! ይደረግልን! (ትንቢተ ዕንባቆም ምዕራፍ ፫ ከቁጥር ከ፲፯ እስከ ፲፰)



  • የውስጥ መስመር ...

ጥበብ ዘር የላትም፤ ጥበብም ፍቅር ናት፣
ጥበብ ቅርጽ የላትም፤ ጥበብ ብርሃን ናት፣
ጥበብ ፎርም የላትም፤ ጥበብ ነባቢት ናት፣
ጥበብ ቀለም የላት፤ ጥበብ የሁሉም ናት፣
ጥበብ መኖርም ናት መልካም ሐዋርያ ትርሲታዊ ሰናይ፣
ለፈቀዳት ሁሉ የምታደላድል የመንበር የበላይ።
  • ·         ጥበብ እንዲህም ናት …

የትህትና መዝሙር የአገልግሎት ዝክር
የድካም ዕንቢልታ የጥንካሬ በር።
መች ሆና ስታውቀው ጥበብ ወረተኛ
የትውፊት ውሃዋ የዓይን ዘበኛዋ።
·         ጥበብ ፊት አትሰጥም …
ጥበብ አይደለችም የጉድፍ አንቀልባ የልዩነት ዳባይ
ጥበብ ጎታ የላት ለኩፉኝ እኩይ።
ጥበብ ፊት አትሰጥም ለስንኩሉ ገደል ለሃሰት ቃል አባይ፤
ጥበብ አይደለችም የክፋት ኩነኔ የክፉ ላብ ብካይ።
ሰነፍ ጥበብ የለች አልተፈጠረችም፤
ሸረኛ ጥበብም አልተወለደችም፤
ንዑድ ጥበቢት ናት የዘመን ብርሃን።
  • ·         ጥብብ አይደለችም …. የጥላቻ አምራች የደከመች ዝላይ …

ንዑድ ናት ጥበቢት ቅኗ መንገደኛ
ኪሮስን ያጋባች ከቅኔ ቤተኛ።
አንተ የሁሉ ጌታ የማዳን አምላክ፤
ንጉሠ ክርስቶስ ሆይ! የዓለም አማላክ፤
አንተ የሁሉ ልዑል የፍጥረት አምላክ፤
ሃይልህን ታዳገው ሳይዘጋ ሰርክ።
·         አላዛር ኢትዮጵያ …
ለዚህ ታላቅ ዋርካ የአገር ሲሳይ
ምን አለሽ ከጓዳሽ? ምን አለሽ ከባንክሽ ውለታ ደልዳይ?
ብርሃኑ ሲዝል ልጅሽ ሲደክምብሽ፤
አለሁልህ በይው ከጎኑ ተገኝተሽ።
አይዞህ! ልጄ በይው በእቅፍሽ አባብለሽ፤
ስለ አንቺ ለኖረ ስለንቺ ሲደክመው፤
ማዕድሽ ይበለው ከካሳ ያውለው።
  • ·         እናት ዓለምዬ ናፍቆቴ አገሬ …

የመኖር መስምሬ
ብትኗ አፈሬ …
ብሌኑ ሲታጣ ጥቁር ብትለብሽ ቃልን ብትገሪ
ዓይንሽ ሲሾልክብሽ ድንኳን ብትሰፍሪ፤
ምን ቢከፋሽ ከቶ ዕንባ ብታዘሪ፤
እውነቱን ልንገርሽ የቅንነት ዝረዝር ቶሎ አዘርዝሪ …
የተግባር ውሎውን ለኪዳን ገብሪ።
ጓዳሽን መርምሪ እትብትን አናግሪ፤
በምግባር በወቄት ማግሥትነት ግሪ።
ታሪክሽ ተቀልሞ ተሰጠ ለሠሪ
ሸማውን አልብሽው ለትሩፋት መሪ።
  • ·         እናቴ እትዮጵያ የክብር ጽላት … ህብስት፤

…. መጸሐፍ ሲከድን በዝምታ ማጥ ውስጥ
ብዕር በጨለማ ተስፋን ተቀምቶ፤ በእንብርክኩ ሲያምጥ፤
ዓውራ ቤት መዋሉ፤ ብራና መግለጡን ሲከደን በአፍታ፤
ከቀለም ማህበር ሽው ሊል ሲዳፈን እልልታ ዕልፍኙ ሲፋታ፤
የተውኔት መድረክ በድርቅም ሲመታ፤
ማለት ምን ይበጃል የት ያለህ ቱማታ።
የጥበብ ገበሬው ድርሳኑ ሲዘጋ፤
?ዝክረ ታሪክሽም እያለሽ ሊያዛጋ?!
በአጭርም በረጀምም፤ መዳፍሽን ከንጂ እና ሌማቱን ዳስሽ፤
በመከራሽ ሁሉ ከቅርብሽ፣ ከጎንሽ አለሁ የሆነልሽ፤
የኖረው ስለአንቺ በመሆን አብነት ከረቂቅ ሲያትምሽ፤
ቀኑ ጨልሞበት የጥበብ ገበሬ ዕለቱ ሲከደን፤
ሌሊት አልነጋ ሲል ዝክረ ታሪክሽም እንደመሸ ሊቀር?!
ሳይነጋለት ቀርቶ እንደ ዳመነበት ዕለታት ሊቆጥር?!
ታስሯልኝ ያ ትንታግ የሁሉ ፍቅረኛ ያልሆነ ጊዜኛ፤
የመንፈስ የነፍስም የሰናይ ሙሴኛ።
  • ·         ሥጦታ … ለውስጤ ለማከብርህ ለባለግርማው ተዋናይ ታላቅ ሰው ለአርቲሰት ኪሮስ ኃይለሥላሴ ይሁንልኝ። ድንግልዬ ምህረቱን ትላክልህ። „አሜን!“ ለአላዛሯ ኢትዮጵያ ጌጥና ፈርጥ ምህረት ከእዮር ይላክለት። „አሜን!“ አንተ የአገር ዋርካና ቀንድን ቅዱሳኑም አይለዩሀ። „አሜን“  ምህረቱን ቸርነቱ አዶናይ ይላክልህ። „አሜን!“ አንተ የቅኖችም ነህ እና ስለሆነም የማያዳለው የሰማይ እና የምድር ነጉሥ አማኑኤል ብርሃንህን ይስጥህ። „አሜን!“


  • ·         ማጣቀሻ። 25.05.2018 እ.አ.አ

https://www.youtube.com/watch?v=YPyqdzcMAws
„ አርቲስት ኪሮስ ኃ/ሥላሴ የአይን ብርሃኑን አጣ! Kiros with Seifu Fantahun“

የኔዎቹ እንዴት ሰነበታችሁልኝ? ደህና ናችሁ ወይ? ይህን ዜናውን እንዳደማጥኩኝ ውስጤ ያለኝ ነው የጣፍኩት። እንደዚህ ዓይነት ጉዳይ ሲገጥመኝ የሚለኝን መናገር ብቻ ነው በስሜት። ስለዚህ የቃላት ግድፈት፤ የአገላለጽ ኩሰት፤ የሥንኝ ስብራት ከገጠመው ወጌሻ ሁኑለት፤ ይቅርታችሁን እጠይቃለሁኝ - በትህትና። 

ስለሆነም ጠንካራ ነው ብዬ አላስብም ግን ቢያንስ እግዚአብሄር ይማርህ ማለት ስለሚበጅ ነው። እዚህ ላይ አበክሬ እማስገነዝበው የዓይን ኦፖራሲዎን ከሁሉም በላይ ፈጣሪን መጠዬቅ እና ምልክቱን አለመዝለል ይጠይቃል። ውጪ አገርም ግድፈት ሊኖር እንደሚችል፤ በተጨማሪም የቀን ስብራትም የራሱ የሆነ ተጽዕኖ እንዳለው ከተመክሮዬ መግለጽ እሻለሁኝ። መጸለይ እና የህልምን ምልክት መከተል ይበጃል። 

በህልም የሚገለጥ ነገር ከኖረ ዕውቅና መስጠት የተገባ ይመስለኛል። በተረፈ ልዑል እግዚአብሄር የምህረቱን፤ የቸርነቱን ወሬ ያሰማን። „አሜን!“ አዝኛለሁ በጣም፤ መድረክ ላይ ትውናው ለዬትኛውም ገፀ ባህሪ ግርማውና ሞገሱ የንጉሥ ያህል ነው። እኔ የተለዬ ወጥ መክሊቱ የምለውም ይሄን ነው። በተረፈ አይዞህ የእናት ልጅ እንደ ዳመነ አይቀርም። ለእሱ የሚሳነው የለም።

ኢትዮጵያዊነት ፈተናን አሸንፎ የተፈጠረ ሚስጢር!
„ራዕይ የሌለው መሪ ነጂ እንጂ መሪ ሊሆን አይችልም!“
ከባለቅኔው ጠ/ሚር አብይ አህመድ የዘመንን ፖለቲካ አመራር ቅጥ አስያዥ መርኽ የተወሰደ።
እግዚአብሄር ይስጥልኝ።

መሸቢያ ጊዜ። 

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

አብይ ኬኛ መቅድም።

-
ምስል
  ራስንም ማዬት ከትዝብት ይታደጋል። ኦህዴድን ከመተቸት በፊት ራስንም  ማዬት ከትዝብት ይታደጋል።   ከሥርጉተ ሥላሴ  ( Sergute © Sselassie )   18.12.2017 ከጭምቷ ሲዊዘርላንድ። „መለዬት የሚወድድ ምኞቱን ይከተላል፣  መልካሙን ጥበብ ሁሉ ይቃወማል።“  (መጸሐፍ ምሳሌ ምዕራፍ ፲፰  ቁጥር ፩) ይድረስ ለ„ማማ“ አዘጋጅ ለጋዜጠኛ ማስራሻ አለሙ።  ከዚህ ከጭምቷ ሲዊዝ እንሆ „ከለማውያን“ ወገን እጅ ነሳን ። ·          እፍታ። ዛሬ የኢሳቱ ጋዜጠኛ ማስረሻ አለሙ በአቶ ለማ መገርሳና በድርጅታቸው በኦህዴድ ጉዳይ ባነሳቸው ጥቂት ጉዳዮች ዙሪያ ልሞግተው አሰብኩኝ። በዚህ መልክ በአንድ ወቅትም „በድምፃቻን ይሰማ“ ጉዳይ እንዲሁ ያልተመቸኝ የአምክንዮ ጭብጥ ስለነበር ባልደረባውን የኢሳቱን  ጋዜጠኛ ካሳሁን ይልማ ሞግቼ ነበር። ያን ጊዜ ባለ ማንፌስቶዎች መንገድሽ ትክክል አይደለም በማለት ማሳሰቢያ በጓሮ በር መጥተው ሰጥተውኝ ነበር።   በአደባባይ ደግሞ ትክሻ ለትክሻ ሲተቃቀፉ አይ ነበር። በሌላ በኩል ደግሞ „የድምጻችን ይሰማ“ ደጋፊዎችም ሁሉንም ቅንነትን በመለገስ ለዬስበሰባውም የሚከፍሉት መስዋዕትነት አንቱ ነበር፤ ከእኔ ቀደም ብሎም ዘለግ ባለ ደቂቃ „በድምጻችን ይሰማ“ ዙሪያ የሊሂቃኑን የግንቦት 7 ሊቀመንበር ንግግር አዳምጫለሁ። የንግግሩ የጭብጥ ማዕከልም ነበር። ያን ጊዜ ዝም ብዬ እኔ አስተውል ነበር።  ከዕለታት አንድ ቀን የኢሳት ጋዜጠኛ አንድ ጹሑፍ አወጣ „በድምጻችን ይሰማ“ ጉዳይ። አንዲት ኢትዮጵዊት ሙስሊም ለንድን ኖ...
ተጨማሪ ያንብቡ