ተጠዬቂ እስኪ አንቺ መከረኛ!

-
መርዝ እዬተዘራ መርዝን ማምከን አይቻልም።

„ነገር ግን ወረተኛ ለጥቂት ቀን የሚሆን ወዳጅ አለና በመከራህም 
ጊዜ ካንተ ጋር መከራህን ከአንተ ጋር አይታገሥም እና 
ፈጽመህ አትመነው“ ምዕራፍ ፮ ቁጥር  ፲

ከሥርጉተ© ሥላሴ 15.08.2018 
ከጭምቷ ሲዊዘርላንድ።

ሰው መሆን ሰው ሆኖ መፈጠር ብቻ አይደለም። ስለ ሰው መፈጠርም ዕውቀት ሊኖር ግድ ይላል። ሰው መሆን ቢያንስ ከእንሰሳ መለዬት ማለት ነው በቀላል ትርጉሙ። ሰውነት ለኢትዮጵውያን ከሁሉም በላይ የላቀ ሃይማኖታዊም ዶግማም ነበር። እግዚአብሄር ሰውን ቤተ መቅደሱ አድርጎ ፈጠረ ከሚል ሃይማኖታዊ ዶግማም ጋር የሚያያዝ „ ሰውን እንደ መልካችን በአምሳላችን አንፍጠር“

አሁን ግን እኔ ሰው አይደለሁም እያልን ነው። ሰው መሆን ስለሰው መጨነቅ መሆን ቀርቶ ስለሰው እንዴት እንደሚገደል፤ እንዴት እንደሚወገድ፤ እንዴት እንደሚገለል፤ እንዴት እንደሚታረድ፤ እንዴት አካሉ እንደሚጎድል፤ እንዴት ሥነ - ልቦናው እንደሚሸነሸን፤ እንዴት የውስጥ ሰላሙ እንደሚታወክ መራቀቅ ሆኗል ጀግንነቱ።

ጀግንነት ሰብዕናን ሰው መሆንን ጥላህ ከወገብ በላይ ሰው ከወገብ በታች ጭካኔ፤ ወይንም ከወገብ በላይ እንሰሳ ከወገብ በታች ሰው ሆነህ በጥምር መንፈስ በደመ ነፍስ መነዳት ሆኗል። ሰው በራሱ ኢጎ ሠረገላ እዬገላበ ብቻ በቻቻታ እና በሁካት፤ በኳኳቴ እና በዲልቃ መንገድ ሆኗል የሰውነት ደረጃው።

በአደባባይ ሰው ሰው መሆን አቅቶት፤ ስለሰው ሰብዕና ማሰብ ተስኖት ጭካኔን ት/ ቤት ከፍታችሁ ልጆቻችሁን አስተምሩ፤ አረመኔነት የልጆቻችሁ መለያ ምልክት የሰብዕናውም መፈጠሪያ አስኳል ይሁን እዬተባለ ነው፤ ለሽብርተኝነት ካሪክለም ይዘጋጅ እዬተባለ ነው፤ ማፍርስ፤ ማቃጠል እንደ ክብር እንደ ሞራል ልእልና ይታይ እዬተባለ ነው። ወይ ነዶ!

ግን ኢትዮጵያ ምን ብትረገም ይሆን እንዲህ የሲኦል ምድር እንድትሆን እዬተዶለተባት ያለው።

ተስፋ በጠፋበት ሰዓት ተስፋ ብቅ ብሎ በቅጽበት ደግሞ በድቅድቅ ጨለማ እንድንናጥ፤ መያዣ መቋጠሪያው ጠፍቶ እንዲህ በረግረግ እንድንጓዝ እና ተስፋ አጥነት እንዲዘፍንብን ስለምን ዓይነት እርግማን እንደተፈጠር እራሱ ይጨንቀኛል።

ሰው ሁነሃል፤ እንደ ሰው አሰብ፤ እንደ ሰው ተራመድ፤ እንደ ሰው ኑር ተብሎ ተፈቅዶል። ግን እኛ ሰውነትን አንፈልግም ጭራቆች መሆን እንሻለን ብለን በጭካኔ እና በአረመኔነት ላይ ሰምጠን መሽቶ ሲነጋ፤ ነግቶ ሲመሽ በድብልቅል -  በዝንቅንቅ - በቅይጥይጥ ዓለም ሰንዳክር ስለምን ፈጠርከን፤ ከፈጠርከንስ ስለምን ወደ ልቦችን አትመልስነም ብዬ አምላኬ ጠዬኩት?

አሁን እንሳሳነት፤ አውሬነት፤ አራዊትነት ምኑ ይናፍቃል? ሰው ሁኖ ተፈጥሮ እንዴት ቀጣዩ ትወልድ በሥርዓት አልበኝነት ይደግ ተብሎ ይፈረድበታል። እንዴት? ሰው ሆኖ ተፈጥሮ ሰውን ከሁለት ለመግመስ እንዴት ይታለማል?

እውነት ለመናገር ከቶ በቅኝ ግዛት ባለመገዛታችን ይሆን እንዲህ የነፃነት ጣዕምና ለዛ ስንይዘው እንኳን አለምርባችሁ ብሎን ሰላማዊውን ሰው እያስተጓገልን ነግዶ፤ በደክሞ ጥሮ ግሮ ለማደር እንኳን ዜጋው ፈቃጂ ሰጪዎች እና ነሺዎች የምንሆነው በዬአጥቢያው ዳኛ ሁነን ያለነው?
እኔ በባህርዳር ላይ የተፈጸመው ነገር እጅግ አሳዝኖኛል። ያ ሁሉ ምርት መሬት ላይ ተዘርግፎ እንደዛ መሆኑ ያው ሥርዓተ አልበኝነት ነው።

„ሲይዙሽ ጭብጥ ሙሉ፤ ሲልቁሽ ሜዳ ሙሉ“ ማለት ይሄው ነው። ያ መከራ አልፎ ዛሬ በቅጡ መያዝ አቅቶ መርቃታችን ከበላያችን ተነስቶ ይኸው በምጥ እና በዳጥ እንደለመደብን …

ያን ያህል 27 ዓመት የኖረው መከራ ተገፋ ሲባል ያገኘነው የነፃነት ዕድል አፍር ድሜ አስግጠን ወደዬት እያመራን እንደሆን ይታያል? ከቶ  እኛ ክፍላችን መታሰር፤ መገረፍ፤ መሰደድ ይሆን?

በፍጹም አላወቅንበትም። ለዚህ የደከሙ፤ የለፉ፤ የተሰዉ፤ የተጉት ሁሉ መና እና ከንቱ እያደረግናቸው ነው። ስለምን? ያው የወጀብ ቤተኞች ስለሆን። ህሊናችን የነቃው ክፍል ገና ዱድማ ስለሆነ። ለነገሩ ገና ሰው ነኝ ለማለትም መድፈር ይችገራል።

ለሥርዓተ አልበኝነት ት/ ቤት ይከፈት እያልን አይደል። ግን እኛ ምኖች ነን? ሌላው ደግሞ መዳፌ ውስጥ ነው ያለኸው // ያለሽው ብትፈልግ በዚህ ባትፍልግ በዛ እያለ ያን መከረኛ ህዝብ ይሄው ከጋለው ምጣድ ላይ አስቀምጦ በስጋት ይቆላዋል በአዲሶቹ ንጉሦች። ነፃነት ማለት የሄው ነው። ነገ ደግሞ ማተብህን በጥስ ከዳር እስከ ደንበር አይቀሬ ነው። ምስራቅ ላይ የታዬው ይኸው ነው።

የመከራው ቁልል ያው የመርዝ ዝርያ ነው። ያ መርዝ እያለ ሌላ መርዝ ደግሞ በአደባባይ በይፋ ተነጥፎ ተጎዝጉዞው እዬተካሄደ ነው።
ግን ልዑል አስፋወስን አስራተ ካሳ በአዲስ ወንጌል አርባዕቱ የሰየሟቸው ዶር አብይ አህመድ፤ አቶ ደመቀ መኮነን፤ ዶር ለማ መገርሳ እና ዶር ገዱ አንዳርጋቸው የት ናቸው? ምኑ ዋጣቸው?

 በቃ ይሄው ነው ያን ያህል ለወራት የዘለቀው ድካም  … ለእንደ ገና ሞት እና ተስፋ ቆራጭነት፤ ለእንደ ገና ስደት እና ተስፋ ቢስነት፤  ለእንደ ገና ስጋት እና ሽብርተኝነት?

ግን ማነው አሁን አጤው? በማን ነው እዬተገዛን ያለነው? ጠ/ ሚር አብይ አህመድን ዶር ሙላቱ ተሾመ ተኳቸውን ወይንስ ጃዋርውያን ወይስ ሌላ የውጭ ሃይል? ተጠዬቂ እስኪ አንቺ መከረኛ አላዛሯ እናት አገር ኢትዮጵያ? 

https://www.satenaw.com/amharic/archives/62500
ብፈልግ ኦሮሚያን ከአራት ወር በፊት መገንጠል እችል ነበር” “ዛሬም ብፈልግ ኦሮሚያን እገነጥላለሁ” ጃዋር መሀመድ
https://youtuby.xyz/watch?v=FhDm_XoagSw
ሄኖክ የሺጥላ ለጀዋር ወቅታዊ ንግግሮች የሰጠው መልስ
https://www.satenaw.com/amharic/archives/62283
ሠዎች ዛሬ በሻሸመኔ የዱር አራዊት ሆነዋል! (ሐይሉ አባይ ተገኝ

የኔዎቹ መተኛት ስላልቻልኩ ይሄው ቁጭ እንዳልኩኝ አነጋሁላችሁ።
ቸር ወሬ ያሰማን። አሜን!




አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

አብይ ኬኛ መቅድም።

-
ምስል
  ራስንም ማዬት ከትዝብት ይታደጋል። ኦህዴድን ከመተቸት በፊት ራስንም  ማዬት ከትዝብት ይታደጋል።   ከሥርጉተ ሥላሴ  ( Sergute © Sselassie )   18.12.2017 ከጭምቷ ሲዊዘርላንድ። „መለዬት የሚወድድ ምኞቱን ይከተላል፣  መልካሙን ጥበብ ሁሉ ይቃወማል።“  (መጸሐፍ ምሳሌ ምዕራፍ ፲፰  ቁጥር ፩) ይድረስ ለ„ማማ“ አዘጋጅ ለጋዜጠኛ ማስራሻ አለሙ።  ከዚህ ከጭምቷ ሲዊዝ እንሆ „ከለማውያን“ ወገን እጅ ነሳን ። ·          እፍታ። ዛሬ የኢሳቱ ጋዜጠኛ ማስረሻ አለሙ በአቶ ለማ መገርሳና በድርጅታቸው በኦህዴድ ጉዳይ ባነሳቸው ጥቂት ጉዳዮች ዙሪያ ልሞግተው አሰብኩኝ። በዚህ መልክ በአንድ ወቅትም „በድምፃቻን ይሰማ“ ጉዳይ እንዲሁ ያልተመቸኝ የአምክንዮ ጭብጥ ስለነበር ባልደረባውን የኢሳቱን  ጋዜጠኛ ካሳሁን ይልማ ሞግቼ ነበር። ያን ጊዜ ባለ ማንፌስቶዎች መንገድሽ ትክክል አይደለም በማለት ማሳሰቢያ በጓሮ በር መጥተው ሰጥተውኝ ነበር።   በአደባባይ ደግሞ ትክሻ ለትክሻ ሲተቃቀፉ አይ ነበር። በሌላ በኩል ደግሞ „የድምጻችን ይሰማ“ ደጋፊዎችም ሁሉንም ቅንነትን በመለገስ ለዬስበሰባውም የሚከፍሉት መስዋዕትነት አንቱ ነበር፤ ከእኔ ቀደም ብሎም ዘለግ ባለ ደቂቃ „በድምጻችን ይሰማ“ ዙሪያ የሊሂቃኑን የግንቦት 7 ሊቀመንበር ንግግር አዳምጫለሁ። የንግግሩ የጭብጥ ማዕከልም ነበር። ያን ጊዜ ዝም ብዬ እኔ አስተውል ነበር።  ከዕለታት አንድ ቀን የኢሳት ጋዜጠኛ አንድ ጹሑፍ አወጣ „በድምጻችን ይሰማ“ ጉዳይ። አንዲት ኢትዮጵዊት ሙስሊም ለንድን ኖ...
ተጨማሪ ያንብቡ