ደስ ይበልህ ጐጃም።

-
        ደስ ይበልህ ጐጃም።
                                          ከሥርጉተ ‚ ሥላሴ 09.06.2018 ከጭምቷ ሲዊዘርላንድ።
                                   „ብርና ወርቅ አገር ያጸናሉ፤ ከሁለቱ ምክር በጐ ምክር ደስ ታሰኛለች።“  
                                              (መጽሐፈ ሲራክ ምዕራፍ ፵ ቁጥር ፳፭) 

የሁነኛ ማተብ የመሆን አብነት
የልብ አድርስ ኑሮ፤ የህሊና ባዕት
የቁርጥ ቀን ግማድ የመሠረት ጽናት፤
ደስ ይበልህ ጎጃም የኪዳን ጉልላት!

ጐ ትንግርተኛው የሰማይ ቅስቱ
የአማራ ምስባኩ የናፍቆት ስስቱ
ዕውቅናው ፈለቀ በገዱ በእትብቱ።

የደምመላሽ አንቱ የአድባራት ቅኝቱ፣
የበካፋ ህይወት የአድም ሰገድ ጥሪኙ
የጥንት የጥዋቱ የንግሥ ቱሩፋቱ፤
ዘመኑን አጎላው በውስጥ ሽልማቱ።

እስኪ ልጠይቅህ „ጣና ሆይ!“ ሚስጢርህ ምንድነው?
እስኪ ልጠይቅህ „ግዮን ሆይ!“ ሚስጢርህ የቱ ነው?
የተመሰጠርከው በህብሬ ደማሙ ፈቅደህ የሰጠኸው፤
በጨለመበት ለት፣ ሁሉ ፊት ሲነሳው፣ በደቦ ሲገፋው
ደረስክለት አንተ - ፊት ለፊት ተማግደህ - ሩቅ ራይ የሆንከው።

እስቲ ልጠይቅህ ጐጃም ሆይ! አንተኑ?
ፍቅረኛ የሆንከው፤ የደሙ ግብረኛ የሆንክልን ባይኑ።


ጐጃም ሆይ! ስለኛ ምን ያልሆነከው አለህ?
የደመር ዕድምተኛ
የስቃይ፣ የዕንባ፣ የአይዞህ ማበርተኛ!

ቀራንዮ ሆነህ  ….
…. ጎለጎታ ሆነህ
ዳንኤል ሆነህ ….
…  አናንያ ሆነህ
 አዛርያ ሆነህ …
….  ሚሳዬልን ሆነህ
 በዝምታኽ ሆነህ…
 አባታጣቅ ሆነህ …
... በበላይም ዘልቀህ
ገልሞን ተወዳጅተህ ...
ገብርዬንም ጠርተህ ... 
አብነን ቀደስከው በዮናስ ሆድ ሆነህ!

  • ·         ልዩ ምስጋና ጐንደር በከፋው ለት፤ ጐንደር ሆድ በባሰው ዕለት፤ ልጆቹን እንደ አብርሃም በግ ላቀረበው የዘመን እጬጌ ለልብ ፍቅረኛዬ ለቅኑ እና ለንጹሑ እንዲሁም ለሰማዕቱ ለጎጀም ህዝብ እና ታሪክ ይሁንልኝ። እግዚአብሄር ይስጥልን። ኑሩልን። ልዑል እግዚአብሄር እናንተን አያሳጣን። በደማችሁ የቀለመው ገናና ታሪካችሁ መኖራችነን ሰጥቶናል። ወደ ቀደመው ሚስጢራዊነታችን መልሶናል። 
  • ·         ተጣፈ 09.06.2018 ሉዘርን ሲዊዘርላንድ። ጐጃም የእኛ! ጐጃም ኬኛ!
  • ·         ፎቶ ምንጭ ፌስ ቡክ ላይ የተገኜ ስለሆነ በታሪኩ ስለተመስጥኵኝ  ዕርዕሰ ጉዳዬ አውራ አድርጌ ለጥፌዋለሁኝ። ከውጪ አገር ወደ ጐንደር ቤተሰብ ለማየት የምትሄዱ ጐንደሬዎች ጐጃምን ማዬት አንዱ የጉዞ መርሃ ግብር ሊሆን ስለሚገባው፤ መረጃውን ጨምሬ አቅርቤለሁኝ። ጐንደሬዎች ጐጃም አጀንዳችን ሊሆን ይገባል። 

  •        ዘመናት ፍች አጥቶለት የኖረው አምክንዮ በጥርስ የተያዝንበት፤ በዬደረስንበት በዓይነ ቁራኛ ክትትል የሚደረግብን፤ የምንሳደድበትን፤ በመኖራችን ውስጥ ነፃነታችን ተቀምተን የኖርን፤ ግን ለሰከንድ ለምንም እና ለምንም ማጎብደድን ያልሠራልን፤ ለዕውነት እና ለንጋት ጠፈፍ - ክውን - ልቅም ያልን ዘብ አደሮች ነን - ጎንደሬዎች። ዘመን ያልመለሰውን፤ ታምቆ የኖረውን፤ የመኖራችን የተሰወረ ግርዶሽ ገፎ ከራሱ በላይ እጅግ ከፍ ባለ ሞራላዊ መስዋዕትነት ውስጡ ላደረገን፤ ራሱን በፍጹም ሁኔታ ለሰጠን፤ መላ የጐጃም ህዝብ በሙሉ፤ ሁሉ የሚቻለው የሰማይ እና የምድር ልዑል ፈጣሪ አዶናይ የሻቱትን ሁሉ ይስጥልኝ። „አሜን!“ 

  •        ጐንደር ያሉ ባለልቦች የጐጃም የክብር ቀን በቋሚነት ቢኖራቸው ደስታውን አልችለውም። ዕድሜ ለአማራነት ፍቅርን ያህል ታላቅ ፈላስፋ ከነሙሉ ክብሩ እና ዝናሩ አስረክቦናል። ተመስገን! እርግጥ እኔ ሥርጉተ ሥላሴ አማራነቴን እወደዋለሁኝ! አዎን እኔ ሥርጉተ ሥላሴ አማራነቴም አከብረዋለሁኝ! 

          „ድንጋይ ደበሎ ማርያም አምሳለ ላሊበላ ጐጃም“

„ሕግወታሪክ ዘ-መንግስቱ ገጽ
21. März 2016 · 
2. ድንጋይ ደበሎ ማርያም (አምሳለ ላሊበላ ዘጐጃም)
የዛሬ ትውውቃችን የሚሆነው በሰሜኑ የሀገራችን ክፍል ከሚገኙ አብያተ ክርስቲያናት መካከል ከሆነችው ድንጋይ ደበሎ ማርያምን ይሆናል ፡፡ መልካም ቆይታ!!

ቤተክርስቲያኗ “ድንጋይ ደበሎ ማርያም” ትባላለች፡፡ ይች ቤተክርስቲያን የቅዱስ ላሊበላ በረከት የፈሰሰባት፣ አሻራው ያረፈባት እንቁ ቦታ፣ የተቀደሰችና ታሪካዊ አሻራ የሚታይባት አምሳለ ላሊበላ ዘጎጃም ናት፡፡ ስያሜዋ ከድንጋይ የተፈለፈለች መሆኑን ለመግለጽ “ድንጋይ ለብሶ (ድንጋይ ተጎናጽፎ)” ማለት እንደሆነ አባቶች ይናገራሉ፡፡
የምትገኘው በምዕራብ ጎጃም ዞን በባሕርዳር ዙሪያ ወረዳ የመቃት ድንጋይ ደበሎ ቀበሌ ከጢስ አባይ ፏፏቴ በቅርብ ርቀት ከከተማዋ ደቡብ ምዕራብ አቅጣጫ ነው፡፡ 

 የተሰራችው በንጉስ ላሊበላ በ1131 ዓ.ም፤ ቅዱስ ላሊበላ ለትምህርት ወደ ጎጃም በመጡበት ወቅት እንደሆነና መቅደሷን ብቻ እንደሰሩ ወደቦታቸው ወደ ሮሃ እንደተመለሱ መዛግብት ያስረዳሉ፡፡ ቤተክርስቲያኗ በ17ኛው መቶ ክፍለ ዘመን አፄ ፋሲል የጎጃሙን ግንብ ጊዮርጊስን (ባህርዳር ዙሪያ ወረዳ ግንብ ቀበሌ ከደብረመዊ ምእራብ አቅጣጫ የሚገኝ ) አሰርተው ወደ ጎንደር ሲመለሱ የቤተክርስቲያኗን ታሪክ ስለሰሙ ለመሳለምና ቦታዋን ለማየት ሲመጡ ታሪካዊነቱን በጠበቀ ሁኔታ አራት ማእዘን ቅርፅ ያለው ሕንፃ በድንጋይ ና በጭቃ ከአለቱ ጋር በማያያዝ ከእንጨትና በቆርቆሮ ጣሪያውን በማሳመር አሰርተውላታል፡፡ በቅርቡ ደግሞ በአማራ ክልል ባህልና ቱሪዝም ቢሮ ቤተክርስቲያኗን ከዝናብ እና መሰል ጉዳቶች ለመጠበቅ የመከላከያ ጣሪያ ተሰርቶላታል፡፡

 ወደቦታው ለመሄድ ሁለት ዓማራጮች አሉ፡፡ ለሁለቱም አማራጮች በመጀመሪያ ከባህርዳር ከተማ በመነሳት ወደ ጢስ አባይ የሚወስደውን መነገድ መያዝ ያስፈልጋል፡፡ ከዚህ በኋላ ከሚከተሉት አማራጮች በአንዱ መሄድ ይቻላል፡፡
1ኛ) አንዳሳ ከተማ እደደረሱ ከዚች ከተማ ላይ ከመኪና በመውረድ ወደ ደቡብ ምስራቅ አቅጣጫ ወደቀኝ በመታጠፍ በአካባቢው ልምላሜ መንፈስን በማደስ ለአንድ ሰዓት ያህል በእግር ወይም በበቅሎ መጓዝ፣
2ኛ) እስከ ጢስ አባይ ከተማ በመጓዝ ከጢስ አባይ የደቡብ ምእራብ አቅጣጫ በመያዝ ወደ 12 ኪ.ሜ የሚደርስ ለአሸዋ መጫኛ በተዘጋጀው የመኪና መንገድ በመኪና ወይም በበቅሎ መሄድ ይቻላል፡፡

 የመንገዶች አካባቢ ቆላማና ነፋሻማ የአየር ንብረት ያለው፣ በበጋም ሆነ በክረምት ልምላሜ የማይለየው ማራኪ ውበትን የተላበሰ በመሆኑ ለዓይን እይታ ማራኪ፣ የአየሩ ጠረን የሚያክም እና ልዩ ስሜትን የሚፈጥር ነው፡፡
የቤተክርስቲያኗ በተለያዩ ጊዜያት በስጦታ የገቡ የተለያዩ ተንቀሳቃሽ ቅርሶች የነገሥታት ደብዳቤዎችና ሌሎች ሰነዶችን የያዘች፣ የሰውን ልጅ ሥነ-ሕንፃ ጥበብ የምታሳይ ዳግማዊት ላሊበላ ናት፡፡ በተጨማሪም በጣልያን ወረራ ወቅት በአካባቢው ላሉ አብያተ-ክርስቲያናት ቃጠሎና ውድመት ሲደርስባቸው መጠጊያ ሆና እንዳገለገለች ምእመናን ያስረዳሉ፡፡

 በአጠቃላይ ከቦታው ውበትና ታሪካዊነት ጋር ተዳምሮ ልዩ የሆነ ስሜትን የሚፈጥር ስለሆነ ወደቦው በማንኛውም ጊዜ በመሄድ መጎብኘት ይቻላል፡፡
ምንጭ፡- ሐመረ ተዋህዶ 3ኛ ዓመት ቁጥር 5 መስከረም 2008 ዓ.ም ማህበረ ቅዱሳን
በሌላ ታሪክ እስክንገናኝ ቸር እንሰንብት!!!“
  • ምርኩዝ።

https://www.facebook.com/1559512851031166/photos/a.1574512362864548.1073741829.1559512851031166/1574465202869264/?type=3

አማራነት አሞሌ ጨው አይደለም፤ አማራነት የከበረ የደም ቀለም ማንነት ነው!
አማራነት ለሟሟያነት የሚውል ቁሮ እንጨት ሳይሆን በደም የበቀለ ንጥር አንቱ ማንነት ነው።


„አማራነት ይከበር!“
የኔዎቼቹ መሸቢያ ጊዜ። 

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

አብይ ኬኛ መቅድም።

-
ምስል
  ራስንም ማዬት ከትዝብት ይታደጋል። ኦህዴድን ከመተቸት በፊት ራስንም  ማዬት ከትዝብት ይታደጋል።   ከሥርጉተ ሥላሴ  ( Sergute © Sselassie )   18.12.2017 ከጭምቷ ሲዊዘርላንድ። „መለዬት የሚወድድ ምኞቱን ይከተላል፣  መልካሙን ጥበብ ሁሉ ይቃወማል።“  (መጸሐፍ ምሳሌ ምዕራፍ ፲፰  ቁጥር ፩) ይድረስ ለ„ማማ“ አዘጋጅ ለጋዜጠኛ ማስራሻ አለሙ።  ከዚህ ከጭምቷ ሲዊዝ እንሆ „ከለማውያን“ ወገን እጅ ነሳን ። ·          እፍታ። ዛሬ የኢሳቱ ጋዜጠኛ ማስረሻ አለሙ በአቶ ለማ መገርሳና በድርጅታቸው በኦህዴድ ጉዳይ ባነሳቸው ጥቂት ጉዳዮች ዙሪያ ልሞግተው አሰብኩኝ። በዚህ መልክ በአንድ ወቅትም „በድምፃቻን ይሰማ“ ጉዳይ እንዲሁ ያልተመቸኝ የአምክንዮ ጭብጥ ስለነበር ባልደረባውን የኢሳቱን  ጋዜጠኛ ካሳሁን ይልማ ሞግቼ ነበር። ያን ጊዜ ባለ ማንፌስቶዎች መንገድሽ ትክክል አይደለም በማለት ማሳሰቢያ በጓሮ በር መጥተው ሰጥተውኝ ነበር።   በአደባባይ ደግሞ ትክሻ ለትክሻ ሲተቃቀፉ አይ ነበር። በሌላ በኩል ደግሞ „የድምጻችን ይሰማ“ ደጋፊዎችም ሁሉንም ቅንነትን በመለገስ ለዬስበሰባውም የሚከፍሉት መስዋዕትነት አንቱ ነበር፤ ከእኔ ቀደም ብሎም ዘለግ ባለ ደቂቃ „በድምጻችን ይሰማ“ ዙሪያ የሊሂቃኑን የግንቦት 7 ሊቀመንበር ንግግር አዳምጫለሁ። የንግግሩ የጭብጥ ማዕከልም ነበር። ያን ጊዜ ዝም ብዬ እኔ አስተውል ነበር።  ከዕለታት አንድ ቀን የኢሳት ጋዜጠኛ አንድ ጹሑፍ አወጣ „በድምጻችን ይሰማ“ ጉዳይ። አንዲት ኢትዮጵዊት ሙስሊም ለንድን ኖ...
ተጨማሪ ያንብቡ