«ኤርትራ በትግራይ ክልል በተፈጠረው ቀውስ "ምንም ሚና" የለኝም አለች» BBC መካሰሱ ለሁለቱ መንግሥታት አይጠቅምም።

-

 

መካሰሱ ለሁለቱ መንግሥታት አይጠቅምም። አደብ ገዝቶ በጭብጦች ላይ ቅናዊ ውይይት አድርጎ ትውልድን ከዘላቂ ስጋት አላቆ የውስጥ ሰላምን የሚያረጋግጥ ብልህ አመራር ይጠይቃል። ወጣትነት መንፈስ የሚፈታተነው ግብግብ ኪሳራ ያሳፍሳል። የሥርጉትሻ ዕይታ።
19.03.2025
------------------------------------------------------------
«ኤርትራ በትግራይ ክልል በተፈጠረው ቀውስ "ምንም ሚና" የለኝም አለች» BBC
የፎቶው ባለመብት, Yemane G. Meskel/X
ከ 7 ሰአት በፊት
«የኤርትራ የውጭ ጉዳይ ሚኒስትር ኦስማን ሳልህ፤ አስመራ በህወሓት እና በትግራይ ክልል "ጊዜያዊ አስተዳደር እየተካሄደ ባለው ግጭት" ውስጥ "ምንም አይነት ሚና" እንደሌላት ተናገሩ።
የውጭ ጉዳይ ሚኒስትሩ፤ ኢትዮጵያ "የጎረቤቶቿን ሉዓላዊነት እና የግዛት አንድነት እንድታከብር" ግፊት እንዲደረግባት ለዓለም አቀፍ ማኅበረሰቡ ጥያቄ አቅርበዋል።
ኦስማን ይህንን የተናገሩት ማክሰኞ፣መጋቢት 9/2017 ዓ.ም. መቀመጫቸውን አስመራ ላደረጉ የዲፕሎማቲክ ማኅበረሰብ አባላት በሰጡት ማብራሪያ እንደሆነ የሀገሪቱ ማስታወቂያ ሚኒስትር የማነ ገብረመስቀል በኤክስ ገጻቸው ባሰፈሩት መረጃ አስታውቀዋል።
ማክሰኞ ጠዋት በኤርትራ የውጭ ጉዳይ ሚኒስትር መስሪያ ቤት ማብራሪያ የተሰጣቸው የዲፕሎማቲክ ማኅበረሰብ አባላት፤ "አምባሳደሮች" እና "የዲፕሎማቲክ ኮር አባላት" እንዲሁም በሀገሪቱ "እውቅና የተሰጣቸው የተባበሩት መንግስትታት ድርጅት ተቋማት አመራሮች" መሆናቸውን የማስታወቂያ ሚኒስትሩ የማነ ገልጸዋል።
በትግራይ ክልል ጊዜያዊ አስተዳደር ፕሬዝደንት ጌታቸው ረዳ እና በህወሓት ሊቀ-መንበር ደብረፂዮን ገ/ሚካኤል የከረረ ውጥረት ተፈጥሯል።
የኢትዮጵያ መንግሥት ባለፈው ሳምንት አንደኛው የህወሓት ክንፍ የአገሪቱ ተቀናቃኝ ከሆኑ የውጭ ኃይሎች ጋር ግንኙነት እና ትብብር አለው በማለት መውቀሱ አይዘነጋም።
የኤርትራው ውጭ ጉዳይ ሚኒስትር በሰጡት ማብራሪያ፤ ሶስት ጉዳዮችን በዋናነት ማንሳታቸውን የማነ ተናግረዋል። የመጀመሪያዎቹ ሁለት ጉዳዮች በኤርትራ ላይ የቀረቡ "ሀሰተኛ ክሶችን" የሚመለከቱ እንደሆኑ በማስታወቂያ ሚኒስትሩ መረጃ ላይ ሰፍሯል።
በቀዳሚነት የተጠቀሰው "ኤርትራ በኢትዮጵያ ጦርነት ለመክፈት እያደረገች" ነው ስለሚለው "ግምታዊ" ክስ ነው። ሁለተኛው ክስ የፕሪቶሪያ ስምምነትን የተመለከተ እንደሆነ ተገልጿል።
ማብራሪያ ተሰጥቶበታል የተባለው ሶስተኛው ጉዳይ ደግሞ፤ "የኢትዮጵያ የባህር በር [የማግኘት] አባዜ" እንዲሁም "ይህንን ተከተሎ" የመጣው "ዲፕሎማሲያዊ ዘመቻ" እና "አብሮት ያለው" ተንኳሽ ድርጊት እንደሆነ ተጠቅሷል።
የኤርትራው የውጭ ጉዳይ ሚኒስትር ኦስማን ሳልህ ይህንን ማብራሪያ የሰጡት የኢትዮጵያው የውጭ ጉዳይ ሚኒስትር ጌድዮን ጤሞቲዮስ ከትግራይ ክልል ጊዜያዊ አስተዳደር ርዕሰ መስተዳደር አቶ ጌታቸው ረዳ ጋር በመሆን በተመሳሳይ አዲስ አበባ ለሚገኙ ዲፕሎማቶች ማብራሪያ ከሰጡ ከቀናት በኋላ ነው።
የውጭ ጉዳይ ሚኒስትሩ ጌዲዮን እና ርዕሰ መስተዳድር አቶ ጌታቸው ባለፈው ሳምንት አርብ መጋቢት 5/2017 ዓ.ም. የሰጡት ማብራሪያ በትግራይ ክልል በህወሓት አመራሮች መካከል ከተፈጠረው ቀውስ ጋር የተገናኘ ነበር።
በዚህ ማብራሪያ ላይ የውጭ ጉዳይ ሚኒስትሩ፤ በዶ/ር ደብረጽዮን ገብረሚካኤል የሚመራው የህወሓት ክንፍ "ለኢትዮጵያ ጠበኛ ከሆኑ የውጭ ኃይሎች ጋር ግንኙነት እየፈጠሩ እና እየተባበሩ" መሆኑን በመጥቀስ ከስሰው ነበር።
በወቅቱ ገለጻ የሰጡት አቶ ጌታቸው በበኩላቸው በሌላኛው ክንፍ የሚገኙ "የተወሰኑ" የህወሓት እና ወታደራዊ አመራሮች "ከፌደራል መንግስት ጋር በሚደረግ ንግግር የመደራደር አቅማቸውን ለማሳደግ በሚል የኤርትራ" አመራሮችን ማግኘታቸውን ተናግረው ነበር።
ይህንን ክስ ህወሓት የማይቀበለው ሲሆን በቅርቡም የክልሉ ምክትል ፕሬዚዳንት እና የጸጥታ ዘርፍ ኃላፊ ሌተናንት ጄነራል ታደሰ ወረደ የትግራይ የጸጥታ ሃይሎች ከኤርትራ ጋር ግንኙነት አላቸው መባሉ ስህተት ነው ብለዋል።
የኤርትራው የውጭ ጉዳይ ሚኒስትር ኦስማን ዛሬ በሰጡት ማብራሪያ ግን "የኤርትራ መንግስት በህወሓት እና በትግራይ ጊዜያዊ አስተዳደር መካከል እየተካሄደ ባለው ውስጣዊ ግጭት ምንም አይነት ሚና የላትም" በማለት ማስተባበላቸው ተገልጿል።
ኤርትራ ከዚህ ውጪ የሚቀርቡ "ክሶች እና ውንጀላዎችን ሙሉ በሙሉ"ውድቅ እንደምታደርግም አስረድተዋል ተብሏል።
የኤርትራ መንግስት፤ የፕሪቶሪያ ስምምነትን "የሚመለከተው የኢትዮጵያ የውስጥ ጉዳይ" አድርጎ መሆኑን የተናገሩት የውጭ ጉዳይ ሚኒስትሩ፤ ሀገራቸው በስምምነቱ "ሂደት ጣልቃ የመግባት ምንም ፍላጎት እንደሌላት" እንደገለጹ ተጠቅሷል።
"በጥቅምት 2015 ዓ.ም. ከጦርነቱ ማብቃት በኋላ" የኤርትራ መከላከያ ሠራዊት "ዓለም አቀፍ እውቅና ባለው የኤርትራ ድንበር ውስጥ መልሶ መሰማራቱን" የውጭ ጉዳይ ሚኒስትሩ ለዲፕሎማቶች ማስረዳታቸውን ተገልጿል።
ኦስማን፤ "የኤርትራ መከላከያ ሠራዊት አሁንም በኢትዮጵያ ግዛት ውስጥ እንዳለ የሚናገር ወይም የሚያመለክት ማንም [አካል] ይህንን የሚያደርገው ለኢትዮጵያ ውስጣዊ ችግሮች ኤርትራን ማምለጫ ለማድረግ ነው" ሲሉ ተናግረዋል።
ከኢትዮጵያ ጦር ጋር ወግኖ የተዋጋው እና በሰብዓዊነት ላይ በሚፈጸም ወንጀልን ጨምሮ በተለያዪ የጦር ወንጀሎች እንደፈጸመ የተባበሩት መንግሥታትን ጨምሮ የሰብዓዊ መብት ድርጅቶች ሪፖርት ያወጡበት የኤርትራ ጦር አሁንም በትግራይ መሬቶች እንዳለ በተደጋጋሚ ጊዜ ተነግሯል።
የፕሪቶሪያው ግጭትን በዘላቂነት የማቆም ስምምነት ከተፈረመ በኋላ የኤርትራ ወታደሮች በትግራይ ወሲባዊ ባርነት፣ ግድያዎችን እና ሌሎች ከባድ ጥሰቶች መፈጸማቸውን ዓለም አቀፍ የሰብዓዊ መብት ተቆርቋሪው አምነስቲ ማስታወቁ ይታወሳል።
እነዚህ ክሶች በኤርትራ ላይ "የሚነዙት" የኢትዮ ኤርትራ ድንበር ኮሚሽንን "አሳሪ እና የመጨረሻ" ውሳኔ "ገና ከጅምሩ ውድቅ ካደረጉ እና እየተቃወሙ ከቀጠሉ የቀድሞ የህወሓት አባላት" እንደሆነ ኦስማን ተናግረዋል ተብሏል። እነዚህ አካላት "በኤርትራ የስርዓት ለውጥ እንዲደረግ ሲሰሩ" የነበሩ እና "ያልተሳካላቸው" እንደሆኑም በጠቀሱ በመረጃው ላይ ሰፍሯል።
የኤርትራው የውጭ ጉዳይ ሚኒስትሩ ኦስማን ሳልህ፤ ሀገራቸው ኢትዮጵያ ባላት "በዲፕሎማሲያ ወይም ወታደራዊ ኃይል" "የባህር በር እና የባህር ኃይል ቤዝ" የማግኘት "የተሳሳተ እና ያለፈበት አባዜ ግራ መጋባቷን" ለዲፕሎማቲክ አባላቱ መግለጻቸው ተነግሯል።
ይህንን በተመለከተም፤ "ኢትዮጵያ የጎረቤቶቿን ሉዓላዊነት እና የግዛት አንድነት እንድታከብር የዓለም አቀፉ ማኅበረሰብ እና የሚመለከታቸው አካላት ኢትዮጵያ ላይ ግፊት እንዲያደርጉ" ኤርትራ ጥሪ እንዳቀረበችም የማስታወቂያ ሚኒስትሩ በኤክስ ገጻቸው ባሰፈሩት መረጃ አስታውቀዋል።
የትግራይ ክልል ከሁለት ዓመት አንጻራዊ ሰላም በኋላ እንደገና ወደ ዳግም ቀውስ ለመግባት ጫፍ ላይ ደርሷል። በትግራይ ጦርነት በአንድ ጎራ ሆነው የአዲስ አበባን መንግሥት የተዋጉት የህወሓት አመራሮች አሁን በሁለት ጎራ ተከፍለው ተፋጠዋል።»
ኤርትራ በትግራይ ክልል በተፈጠረው ቀውስ "ምንም ሚና" የለኝም አለች - BBC News አማርኛ

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

የእኔ እማ ልዕልቴ እንዴት ነሽ?

-
ምስል
  እንኳን ወደ ቀንበጥ ብሎግ በሰላም መጣችሁልኝ። „አምላኬ አምላኬ ለምን ተውኽኝ? እኔን ከማዳን ከጩኽቴ ቃል ሩቅ ነህ። አምላኬ በቀን ወደ አንተ እጣራለሁ አልመለስህልኝም፤ በሌሊት እንኳን እረፍት የለኝም።“ (መዝሙረ ዳዊት ምዕራፍ 21 ከቁጥር 1 እስከ 3) ሥርጉተ©ሥላሴ Sergute©Selassie 03.02.2021 · የ እኔ እማ ልዕልቴ እንዴት ነሽ?   አላዛሯ ኢትዮጵያ እና ልጆቿ እንዴት እዬሆኑ ይሆን አዋዋሉ አስተዳደሩ?? እንደምን እዬሆንሽ ነው እማ! የእኔ ልዕልተይ! እናንተስ ማህበረ ንጹኃና ቅኖቹ የብራናዬ ታዳሜዎች እንዴት ናችሁ? ስለጤንነታችሁ፤ ስለሰላማችሁ አስባለሁኝ። እናንተ ለእኔ የህሊናዬ ቤተ - መቅደሶች ናችሁ እና። ይህን ስላችሁ ከንቱ ውዳሴ ይመስላችሁ ይሆናል። እመኑኝ ብዬ አልሞግትም። ጥሞና ላለው ሰብዕና እኔን እኔ አድርገው የሚመሩኝ የህይወት መርሆቼን አቤቱ ጉግል፤ ፊታውራሪ ዩቱብ ቢጠዬቅ ይመልስዋል። ዛሬ መስካሪ አለን። ትናንት ምን ዛሬ ምን እንደሆን። በልጅነት የሚያውቁኝም በዛው ልክ ስለመሆኔ ያውቃሉ። እራሴን አታልዬ ለመኖር አልተፈጠርኩበትም። እምጽፈው እራሴ የሆንኩትን ነው። እኔ እኔን መሆን ከተሳነው እኔ ለእኔ በተሰጠው የነፃነት ልክ መቆም ካልቻለ እኔ እኔን ማሰናበት ይኖርበታል። ይህ ደግሞ አይፈቀድለትም። ይህ መርሄ ነው። ·       ው ሃማ ባለቀለሙ ሃሳብ? ሃሳብ ሰላም ይሻል። ሃሳብ ፍቅር ይሻል። ሃሳብ አትኩሮት ይሻል። ሃሳብ እንክብካቤ ይሻል። ሃሳብ ሰው ይሻል። ሙሉሰው። ምራቁን የዋጠ። ስለዚህም ጊዜ መስጠት - ማድመጥ - አክብሮ ማወያዬት - ማሰከን ያስፈልጋል። ማንን? የንጉሶች ንጉሥን አጤ ሃሳብን። ሃሳብ አ...
ተጨማሪ ያንብቡ