ዘቢቤ የነባቢቴ ቃናዬ!

-
ዘቢቤ
***
„የወርቅ እንኮይ በብር ፃህል ላይ የጊዜው ቃል እንዲሁ“
(ምሳሌ መጽሐፈ ምሳሌ ምዕራፍ ፳፭ ቁጥር ፲፩)
ከሥርጉተ ሥላሴ
14.07.2018
(ከገዳማዊቷ ሲዊዘርላንድ።)


ሽው አልሽኝ ... ሽው፣ ከአፈሬ ጋር
ትዝ አልሽኝ ... ትዝ፣ ከመዝሙሬ ጋር።
                 
                   አንች ወ/ሮ እሜቴ
                   የብሩህ ራዕይ ጉልላቴ
                   የወልዮሽ ማዕዶቴ።
                   የእኔ ወዳጄ፣
                   እንዳት-ወጭብኝ ከእጄ
                  ልማጸንሽ ይሆን ጀግንነትን ሰድጄ?!    
      ዘ           ተስፋዬ ነሽ ፍጹም ገዴ
      ቢ          የመልካም ዜማ ነዶዬ
      ቤ          ተፈጥሮዬ ነሽ ልዩ ዘወዴ።

                   መሸብያዬ የዓምዴ
                   የምህረት ዝናር ዬዓውዴ
                   የህልውናዬ ቀና መንገዴ።

ሽው አልሽኝ ... ሽው፣ ከመንደሬ ጋር
ትዝ አልሽኝ ... ትዝ፣ ከመዝሙሬ ጋር።

                   የምንጊዜም ልዕልቴ
                   የጫጉላ ጊዜ ስስቴ
                   የዕድሜ ልክ ክታብ ህብስቴ
                   ፍቅረ ዕድምታ መስታውቴ።
      ዘ         
      ቢ           የአዝምራ ማሳ ማዕዶቴ
      ቤ           ሙቀተ-ማህጸን የዕትብቴ
                   ወላንሳዬ የእኔነቴ
                   ተቋሜ።
                   የብርታት ምንጭ ፅናቴ፣
                   ፍቱነ-ዕሴት አበረንታቴ
                   የቃና ቅኝት መቀነቴ።

ሽው አልሽኝ ... ሽው፣ ከሉዓላዊነቴ ጋር
ትዝ አልሽኝ ... ትዝ፣ ከመዝሙሬ ጋር።

                   የታሪክ አድባር መንፈሰ-ስንቄ
                   የውስጥነት ማውጫ መዝገቤ
                   የልቤ ክናድ ደሜ።
                   የናፍቆት አንጀት ዘቤ
                   የትውፊት መለኪያ ሚዛኔ
                   የተክሊል ቁርባን ዘቢቤ።
                   ማህደሬ!!
                   የጀግንነት አርማዬ ...
                   የልምላሜ ዋዜማዬ፤
                   የደፋርነት ዓውድማዬ ...
ዘ                  የአሻፈረኝ ዜማዬ፤
ቢ                 የአልገዛም ባይነት ዋናዬ።*
ቤ    
                   ዓላማሽ መጠነ ሰፊ፣ ጥልቅ
                   የሰማንያ ህብረ - ብሄር ብርቅ።
                   መቻቻልን አፍልቅ!
                   የፓን አፍሪካ ቀደምት!
                   ቅኝ ግዛትን ሰልቅ!
                   ባርነትን ዘቅዝቅ!

ሽው አልሽኝ ... ሽው፣ ከድንበሬ ጋር
ትዝ አልሽኝ ... ትዝ፣ ከመዝሙሬ ጋር።

                የበቃኝ ቋት ሰንደቅ
                የነፃነት ጎህ ስንቅ
                የአርነት ደወል ብርቅ።
                ከቶ አይደለሽም ጨርቅ
                ሉዐላዊነትን አልቅ!
                የሺህ ዘመናት ዕንቁ ወርቅ።
 ዘ              የኩሩ ህዝብ መረቅ
 ቢ             ጎጠኝነትን አወላልቅ
 ቤ             ኢትዮጵያዊነትን አዝልቅ!
                ዝናሽ ! ከተመ እስከ እዮር
                ባለ ሦስት አግድም ሚስጢራዊ ቀመር።
               
                የውል፣ የኪዳን ... ቀለበት
                የቆራጥነት ህብስት
                የተባሽ የአህድዮሽ ወተት
                የማትነጥፊ ሙሉ ጋት
                የእናት መቀነት ሊቅ ኣናት።

ሽው አልሽኝ ... ሽው፣ ከአፈሬ ጋር
ትዝ አልሽኝ ... ትዝ፣ ከመዝሙሬ ጋር።

                  አበባዬ ነሽ ጌጤ፣ የእኔ ውዳሴ
                  መንፈሰ - አራሽ፣ ዜና ፈውሴ
                  ህሊናዊ - ጥርኝ፣ ልብሴ
                        ነሽ ነፍሴ ...
                                ዕንባ አብሴ።
                        ነሽ ነፍሴ ...
                                ሆደ - ባሻነትን ገርስሴ
                       ነሽ ነፍሴ ...
                                ሐገራዊነትን፤ ብሄራዊነትን አጉርሴ።
አንች ...
                  አረንጓዴ ቢጫ ቀይ ኽብር
                  የመተሳሰብ ገብያ ግብር።
                  የጥቁርነት አድባር ፈር፤
                  ፍሬሽ ያማረ ምርጥ ዘር
                  የአንበሳ ግርማ ሥር፤
                  ምግባረ መልካም ገር።

                  ድል አብሳሪ፣ አድሪ
                  የመለያችን ዓዋጅ፣ ነጋሪ
                  የቀደምቶቹ አደራን አብሪ!
                  የአንድነታችን በር
                  ዬትውፊታችን ጽኑ ድር፤
                  ሚሥጥረ-ሰብን፣ በአንድምታ አንጥር።

ሽው አልሽኝ ... ሽው፣ ከሐገሬ ጋር
ትዝ አልሽኝ ... ትዝ፣ ከመዝሙሬ ጋር።

                  ሥወር አይደለሽ ነሽ ግልጽ
                  የብዙሀኑነ-መዋለ፤ - ጥበብ ድምፅ፣
                  ታማኝነትን አንፅ!
                  የውስጣችን-ውስጥ ማዕረገ - ዘብ
                  የንቦች ቤተ - ህገ - ግንብ።
                   ...እንደ ወትሮሽ ... በይ እሙ እንደወትሯችን-እንደወትሮሽ
                  በአንችነታችን አሰባስቢን
                  የጨው ዘር እንዳንሆን ሠራዊቶችሽ።
                  በእጅሽ  እኮ ነው መንሹ ...
                  አባክሽን - እባክሽን - እባክሽን...
                  ክብራችነን አፍነሽንሽው።
                  ስደትን በክርኒ ለውሽው።
                  ከወንበሩ አውርጅ እና ከስክሸው።
                 
                  ግርማዬ ነሽ ክብሬ ...
                  የእኔ ባንዴራዬ ...
                  የሀሴት ሲናዬ ....
                  የነባቢቴ ቃናዬ!

·        መታሰቢያነቱ፣ ለሐገር ለሉዐላዊነት ሲዋደቁ ለተሰዉ ጀግኖች በሙሉ ይሁንልኝ።
·        ሄርሽን ሆቴል ሲዊዘርላንድ ታህሳስ 12 ቀን 2001 ዓ.ም
·        ተስፋ መጸሐፌ ላይ ለህትምት የበቃ።

የማከብራችሁ ቅኖቹ ... እጅግ በጣም የምወደው ግጥም ነው በጸጋዬ ራዲዮ እጅግ ለበዛ ጊዜ አዬር ላይ አቅርቤዋለሁኝ። እጅግ በከፋኝ ቀን ግን ፍጹም የሆነ ጽናትን ያጎናጸፈኝ ግጥም ነው።

 ነገረ የፍቅራዊነት ጉብኝቱን የኤርትራን ሉዑክ በሰላም አስጀምሮ 
 በሰላም አስጨርሶ ለባዕታቸው ያብቃልን። አሜን። አኔ ፈሪ ነኝ። 
  ኑሩልኝ የኔዎቹ። 
  መሸቢያ ጊዜ።


አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

አብይ ኬኛ መቅድም።

-
ምስል
  ራስንም ማዬት ከትዝብት ይታደጋል። ኦህዴድን ከመተቸት በፊት ራስንም  ማዬት ከትዝብት ይታደጋል።   ከሥርጉተ ሥላሴ  ( Sergute © Sselassie )   18.12.2017 ከጭምቷ ሲዊዘርላንድ። „መለዬት የሚወድድ ምኞቱን ይከተላል፣  መልካሙን ጥበብ ሁሉ ይቃወማል።“  (መጸሐፍ ምሳሌ ምዕራፍ ፲፰  ቁጥር ፩) ይድረስ ለ„ማማ“ አዘጋጅ ለጋዜጠኛ ማስራሻ አለሙ።  ከዚህ ከጭምቷ ሲዊዝ እንሆ „ከለማውያን“ ወገን እጅ ነሳን ። ·          እፍታ። ዛሬ የኢሳቱ ጋዜጠኛ ማስረሻ አለሙ በአቶ ለማ መገርሳና በድርጅታቸው በኦህዴድ ጉዳይ ባነሳቸው ጥቂት ጉዳዮች ዙሪያ ልሞግተው አሰብኩኝ። በዚህ መልክ በአንድ ወቅትም „በድምፃቻን ይሰማ“ ጉዳይ እንዲሁ ያልተመቸኝ የአምክንዮ ጭብጥ ስለነበር ባልደረባውን የኢሳቱን  ጋዜጠኛ ካሳሁን ይልማ ሞግቼ ነበር። ያን ጊዜ ባለ ማንፌስቶዎች መንገድሽ ትክክል አይደለም በማለት ማሳሰቢያ በጓሮ በር መጥተው ሰጥተውኝ ነበር።   በአደባባይ ደግሞ ትክሻ ለትክሻ ሲተቃቀፉ አይ ነበር። በሌላ በኩል ደግሞ „የድምጻችን ይሰማ“ ደጋፊዎችም ሁሉንም ቅንነትን በመለገስ ለዬስበሰባውም የሚከፍሉት መስዋዕትነት አንቱ ነበር፤ ከእኔ ቀደም ብሎም ዘለግ ባለ ደቂቃ „በድምጻችን ይሰማ“ ዙሪያ የሊሂቃኑን የግንቦት 7 ሊቀመንበር ንግግር አዳምጫለሁ። የንግግሩ የጭብጥ ማዕከልም ነበር። ያን ጊዜ ዝም ብዬ እኔ አስተውል ነበር።  ከዕለታት አንድ ቀን የኢሳት ጋዜጠኛ አንድ ጹሑፍ አወጣ „በድምጻችን ይሰማ“ ጉዳይ። አንዲት ኢትዮጵዊት ሙስሊም ለንድን ኖ...
ተጨማሪ ያንብቡ