"በዩኤስ ኤይድ የሚደገፉ የኢትዮጵያ የሲቪል ማኅበረሰብ ድርጅቶች ሀብት እና ገንዘብ እንዳያስተላልፉ ተከለከሉ" BBC

-

 

በዩኤስ ኤይድ የሚደገፉ የኢትዮጵያ የሲቪል ማኅበረሰብ ድርጅቶች ሀብት እና ገንዘብ እንዳያስተላልፉ ተከለከሉ

https://www.bbc.com/amharic/articles/cx2pwngd20lo

እንዳያስተላልፉ ተከለከሉ

ከ 47 ደቂቃዎች በፊት

«የሲቪል ማኅበረሰብ ድርጅቶች ኤጀንሲ ኢትዮጵያ ውስጥ የሚገኙ እና ከአሜሪካ ተራድኦ ድርጅት (USAID) የገንዘብ ድጋፍ የሚያገኙ የሲቪል ማኅበረሰብ ድርጅቶች ያለ ባለስልጣኑ "ግልፅ ፈቃድ" ሀብት እና ገንዘብ እንዳያስተላልፉ እንዲሁም እንዳይሸጡ አሳሰበ።

ይህንን ማሳሰቢያ በሚተላለፉ የሲቪል ማኅበረሰብ ድርጅቶች ላይ እርምጃ እንደሚወስድም ባለስልጣኑ አስጠንቅቋል።

የሲቪል ማኅበረሰብ ድርጅቶችን የመከታተል እና የመቆጣጠር ስልጣን ያለው ተቆጣጣሪ መሥሪያ ቤቱ ይህንን ማሳሰቢያ የሰጠው ማክሰኞ ጥር 27/2017 ዓ.ም. ባወጣው "አስቸኳይ መግለጫ" ነው።

የባለስልጣኑ መግለጫ፤ የአሜሪካ ዓለም አቀፍ የልማት ተራድኦ ድርጅትን የእርዳታ የማቆም ውሳኔ የተመለከተ ነው።

ባለፈው ወር ሥልጣን የያዙት የአሜሪካው ፕሬዝዳንት ዶናልድ ትራምፕ ያሳለፉትን ትዕዛዝ ተከትሎ የአሜሪካ ዓለም አቀፍ የልማት ተራድኦ ድርጅት በዓለም ዙሪያ የሚሰጠውን እርዳታ እና ድጋፍ አቁሟል። የትራምፕ አስተዳደር ተቋሙን በሀገሪቱ የውጭ ጉዳይ መሥሪያ ቤት ሥር ለማድረግ ማቀዱም ተገልጿል።

አሜሪካ በአውሮፓውያኑ 2023 በጀት ዓመት ብቻ ኢትዮጵያን ጨምሮ ለተለያዩ ሀገራት የ72 ቢሊዮን ዶላር ድጋፍ አድርጋለች።

የአሜሪካ ውጭ ጉዳይ መሥሪያ ቤት መረጃ እንደሚያመለክተው ዩኤስ ኤይድ በኢትዮጵያ ግጭት እና የአየር ንብረት ለውጥ ያስከተሉትን ጉዳት ለመቋቋም እ.አ.አ ከ2020 አንስቶ 3.6 ቢሊዮን ብር የሚገመት ሰብአዊ ድጋፍ አቅርቧል።

ተቋሙ፤ የኢትዮጵያን ብሔራዊ የጤና ስርዓት ለማጠናከር በየዓመቱ ከ154 ሚሊዮን ዶላር ፈሰስ እንደሚያደርግም የመስሪያ ቤቱ መረጃ ይጠቁማል።

በተጨማሪም ድርጅቱ የሲቪል ማኅበረሰብ ድርጅቶችን ለመደገፍ እና የመገናኛ ብዙሃንን አቅም ለማሳደግ እርዳታ እንደሚያደርግ አስታውቋል።

የኢትዮጵያ የሲቪል ማኅበረሰብ ድርጅቶች ባለሥልጣን ዛሬ ባወጣው መግለጫ "በአሜሪካ ተራድኦ ድርጅት በኩል የእርዳታ የማቆም ውሳኔ የተወሰነ መሆኑን" መረዳቱን ገልጿል።

ይህንን የተቋሙን እርዳታ የማቆም ውሳኔ "በቅርበት እየተከታተለ" መሆኑን ያስታወቀው ባለሥልጣን መሥሪያ ቤቱ፤ "ዝርዝር ሁኔታዎችን መሠረት በማድረግ በቀጣይ አስፈላጊው ድጋፍና ክትትል የሚያከናውን ይሆናል" ብሏል።

ይሁንና ባለሥልጣኑ፤ ከዩኤስ ኤይድ ድጋፍ የሚያገኙ በኢትዮጵያ ሚገኙ የሲቪል ማኅበረሰብ ድርጅቶች ይህንን ውሳኔ ተከትሎ ባላቸው ሀብት እና ገንዘብ ላይ ለውጥ እንዳያደርጉ የሚገድብ ማሳሰቢያ አስተላልፏል።

የሲቪል ማኅበረሰብ ድርጅቶቹ ያለ ባለስልጣን መስሪያ ቤቱ "ግልፅ ፈቃድ" ንብረት እንዳያስተላልፉ፣ እንዳያስወግዱ ወይም እንዳይሸጡ አሳስቧል።

"ከመደበኛ የፕሮጀክት ስራዎች ጋር ተያያዥ ከሆኑ ጉዳዮች ውጭ በማናቸውም መልኩ ሃብት እና ገንዘብን ለሶስተኛ ወገን ማስተላለፍ የተከለከለ መሆኑን በጥብቅ እናሳስባለን" ሲልም ተጨማሪ ክልከላዎችን ይፋ አድርጓል።

ባለሥልጣኑ ይህንን ማሳሰቢያ "በመተላለፍ በሚንቀሳቀሱ" የሲቪል ማኅበረሰብ ድርጅቶች ላይ "ተገቢውን እርምጃ" እንደሚወስድም በዛሬው መግለጫው አስታውቋል።

ቢቢሲ ባለሥልጣን መሥሪያ ቤቱ እዚህ ውሳኔ ላይ ስለደረሰበት ምክንያት መረጃ ለማግኘት ያደረጋቸው ጥረቶች አልተሳኩም።

የሲቪል ማኅበረሰብ ድርጅቶችን በአባልነት የያዘው የሲቪል ማኅበረሰብ ድርጅቶች ምክር ቤት በበኩሉ በጉዳዩ ላይ መግለጫ እንደሚያወጣ ገልጿል።»

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

የእኔ እማ ልዕልቴ እንዴት ነሽ?

-
ምስል
  እንኳን ወደ ቀንበጥ ብሎግ በሰላም መጣችሁልኝ። „አምላኬ አምላኬ ለምን ተውኽኝ? እኔን ከማዳን ከጩኽቴ ቃል ሩቅ ነህ። አምላኬ በቀን ወደ አንተ እጣራለሁ አልመለስህልኝም፤ በሌሊት እንኳን እረፍት የለኝም።“ (መዝሙረ ዳዊት ምዕራፍ 21 ከቁጥር 1 እስከ 3) ሥርጉተ©ሥላሴ Sergute©Selassie 03.02.2021 · የ እኔ እማ ልዕልቴ እንዴት ነሽ?   አላዛሯ ኢትዮጵያ እና ልጆቿ እንዴት እዬሆኑ ይሆን አዋዋሉ አስተዳደሩ?? እንደምን እዬሆንሽ ነው እማ! የእኔ ልዕልተይ! እናንተስ ማህበረ ንጹኃና ቅኖቹ የብራናዬ ታዳሜዎች እንዴት ናችሁ? ስለጤንነታችሁ፤ ስለሰላማችሁ አስባለሁኝ። እናንተ ለእኔ የህሊናዬ ቤተ - መቅደሶች ናችሁ እና። ይህን ስላችሁ ከንቱ ውዳሴ ይመስላችሁ ይሆናል። እመኑኝ ብዬ አልሞግትም። ጥሞና ላለው ሰብዕና እኔን እኔ አድርገው የሚመሩኝ የህይወት መርሆቼን አቤቱ ጉግል፤ ፊታውራሪ ዩቱብ ቢጠዬቅ ይመልስዋል። ዛሬ መስካሪ አለን። ትናንት ምን ዛሬ ምን እንደሆን። በልጅነት የሚያውቁኝም በዛው ልክ ስለመሆኔ ያውቃሉ። እራሴን አታልዬ ለመኖር አልተፈጠርኩበትም። እምጽፈው እራሴ የሆንኩትን ነው። እኔ እኔን መሆን ከተሳነው እኔ ለእኔ በተሰጠው የነፃነት ልክ መቆም ካልቻለ እኔ እኔን ማሰናበት ይኖርበታል። ይህ ደግሞ አይፈቀድለትም። ይህ መርሄ ነው። ·       ው ሃማ ባለቀለሙ ሃሳብ? ሃሳብ ሰላም ይሻል። ሃሳብ ፍቅር ይሻል። ሃሳብ አትኩሮት ይሻል። ሃሳብ እንክብካቤ ይሻል። ሃሳብ ሰው ይሻል። ሙሉሰው። ምራቁን የዋጠ። ስለዚህም ጊዜ መስጠት - ማድመጥ - አክብሮ ማወያዬት - ማሰከን ያስፈልጋል። ማንን? የንጉሶች ንጉሥን አጤ ሃሳብን። ሃሳብ አ...
ተጨማሪ ያንብቡ