"የተከሰስኩት የወከለኝ ሕዝብ ላይ የደረሰውን በደል እና ግፍ በመቃወሜ ነው" - አቶ ዮሐንስ ቧያሌው BBC#የአማራ #እናት #መኖሯም ሆነ #በሥጋ #መለዬቷም #ሰላሙን #እንዲህ #እዬተቀማ #ነው።

-

 

 #የአማራ #እናት #መኖሯም ሆነ #በሥጋ #መለዬቷም #ሰላሙን #እንዲህ #እዬተቀማ #ነው። መቼ እና መቼ በቃሽ እንደሚላት አምላካችን፦ አላሃችን እሱ ይወቀው። ዳኝነቱን እንጠብቃለን። ዕውነተኛ ርትህ በአውደ ምህረቱ ብቻ ነውና ያለው። ይህን ያህል የአማራ ልጅ በግዞት መጋዝ፥ መፈናቀል፤ መገደል #መፈናፈኛ #አጥቶ ህዝባችን መሰቃዬት። #ድምጹን ሳይሰስት በሙሉ ሰጥቶ ሥልጣን ላይ አስቀምጦ፦ ለኖቤልም ስለአስበቃ። ግፍ ፍሩ ማህበረ - ኦነግ በቀላችሁም #በቃ።

"የተከሰስኩት የወከለኝ ሕዝብ ላይ የደረሰውን በደል እና ግፍ በመቃወሜ ነው" - አቶ ዮሐንስ ቧያሌው

https://www.bbc.com/amharic/articles/cx2m18l8r98o

 ዮሐንስ ቧያሌው፣ ክርስትያን ታደለ፣ ካሳ ተሻገር (ዶ/ር) እና ጫኔ ከበደ (ዶ/ር)

"በዐቃቤ ሕግ የሽብር ወንጀል ክስ የቀረበባቸው አማራ ክልል ምክር ቤት አባሉ አቶ ዮሐንስ ቧያሌው ክስ የቀረበባቸው "የወከላቸው ሕዝብ ላይ የደረሰውን በደል እና ግፍ" በመቃወማቸው መሆኑን ተናገሩ።

አቶ ዮሐንስ ይህን ያሉት ሐሙስ ጥር 29/2017 ዓ.ም. በፌደራል ከፍተኛ ፍርድ ቤት ልደታ ምድብ የሕገ መንግሥት እና የሽብር ወንጀል ጉዳዮች ችሎት በሰጡት የእምነት ክህደት ቃል ነው።

ከእሳቸው በተጨማሪ ሌሎች 15 ተከሳሾችም በዐቃቤ ሕግ ለተመሠረተባቸው ክስ የዕምነት ክህደት ቃላቸውን ሰጥተዋል። አቶ ዮሐንስን ጨምሮ ችሎት የቀረቡት 16ቱም ተከሳሾች የቀረበባቸውን ወንጀል "አልፈጸምንም" ማለታቸውን ጠበቃቸው አቶ ሰለሞን ገዛኸኝ ለቢቢሲ ተናግረዋል።

የእምነት ክህደት ቃላቸውን በቅድሚያ የሰጡት አቶ ዮሐንስ "የፍትሕ ሚኒስቴር በእኔ እና በእኔ ስም በሚጠራው መዝገብ ላይ ያቀረበው ክስ ሙሉ በሙሉ ተቀባይነት የለውም" ብለዋል፥

አቶ ዮሐንስ አክለውም "ሕግን በመተላለፍ እና ወንጀል በመፈጸማቸው ሳይሆን ንቁ አማራዎች፣ ፖለቲከኞች እና ምሁራን" በመሆናቸው ምክንያት እንደተከሰሱ ለፍርድ ቤቱ ገልጸዋል።

በተጨማሪም የቀረበባቸውን "ወንጀል እና አሉባልታ" እንደማይቀበሉ እንዲሁም ወንጀልም እንዳልፈጸሙ የጠቆሙት አቶ ዮሐንስ፤ "ፍትሕ የለም እንጂ እኔ ነጻ ሰው ነኝ። ፍርድ ቤቱ በነጻ ለቆ ለደረሰብኝ በደል ሁሉ ካሳ ሊያሰጠኝ በቻለ ነበር" ብለዋል።

ሁለተኛ ተከሳሽ የሆኑት የሕዝብ ተወካዮች ምክር ቤት አባሉ አቶ ክርስቲያን ታደለ በበኩላቸው "[የተከሰስኩት] የመንግሥትን ብልሹ አሠራር በማጋለጤ ነው" ሲሉ የቀረበባቸውን ክስ ክደዋል።

የአማራ ብሔራዊ ንቅናቄ (አብን) ተወካዩ አክለውም በእስር ላይ የሚገኙት "የወንጀል ድርጊትን የሚያቋቁም የሕግ መተላለፍ" ስለፈጸሙ አለመሆኑን ገልጸዋል። አቶ ክርስቲያን ለእስር ተዳረጉት "የገዢውን ፓርቲ እና የመንግሥት አሠራሮችን እንዲሁም የአመራሮችን ብልሹነት እና ዘረፋ በመታገላቸው እና በማጋለጣቸው" መሆኑን በእምነት ክህደት ቃላቸው ላይ ጠቁመዋል።

በምክር ቤቱ በመንግሥት ወጪ አስተዳደር እና ቁጥጥር ቋሚ ኮሚቴ ሰብሳቢነት በነበራቸው ኃላፊነት የሠሩት ሥራ ለእስር እንዳደረጋቸው አቶ ክርስቲያን ጠቁመዋል። አቶ ክርስቲያን በዚህ ኃላፊነታቸው "ተደጋጋሚ የአመራር ብልሹነት" ያሳዩ አካላት ላይ "የወንጀል እና የፍትሐ ብሔር ተጠያቂነት እንዲረጋገጥ" ክስ እንዲመሠረት ፍትሕ ሚኒስቴርን ማዘዛቸውን አስታውሰዋል።

በምክር ቤት አባልነታቸውም የመንግሥት የሥራ ኃላፊዎች "የፋይናንስ ግልጸኝነት እና ሕጋዊነትን እንዲከተሉ እና እንዲያረጋግጡ" መጠየቃቸውን አቶ ክርስቲያን አውስተዋል። "እነዚህ ጥያቄዎች እንዳልጠይቅ አንዳንድ አመራሮች በግል በኢመደበኛ ሁኔታ ለማግባባት ሞክረዋል" ያሉት አቶ ክርስቲያን በዚህ ሳቢያ ለእስር መዳረጋቸውን ገልጸዋል።

ሦስተኛ ተከሳሹ ሆነው የቀረቡት የአዲስ አበባ ከተማ ምክር ቤት አባሉ ዶ/ር ካሳ ተሻገርም በተመሳሳይ የተከሰሱበትን ወንጀል አለመፈጸማቸውን ለፍርድ ቤቱ ተናግረዋል።

ዶ/ር ካሳ "እኔ የአዲስ አበባ ምክር ቤት አባል ነኝ። የወከለኝን ሕዝብ ሰቆቃ እና ስቃይ በምክር ቤት ውስጥ በመናገሬ ነው የተከሰስኩት" ሲሉ የእምነት ክህደት ቃላቸውን ሰጥተዋል።

ዐቃቤ ሕግ በዶ/ር ካሳ ላይ ካቀረበባቸው ክሶች መካከል "ታጣቂዎች የሚመሩበት ወታደራዊ ሰነድ አዘጋጅተዋል" የሚለው አንደኛው ነው። ዶ/ር ካሳ ተሻገር "ማኅበራዊ ሳይንስ መምህር ነኝ ይሄ የፈጠራ ክስ ነው። እኔ የወታደራዊ ሳይንስ ትምህርትም ዕውቀትም የለኝም" ሲሉ ማስተባበላቸውን ጠበቃ ሰለሞን ለቢቢሲ ገልጸዋል።

ሌላኛው ዝርዝር የእምነት ክህደት የሰጡት አምስተኛ ተከሳሽ ዶ/ር ጫኔ ከበደ ናቸው። ዶ/ር ጫኔ "እኔ የኢዜማ ሊቀ መንበር ነኝ። በዚህ ፓርቲ በኩል ሰላምን የምሰብክ ስለሰላም የማወራ እንጂ በሽብር ድርጊት እንዲሳተፉ የፓርቲዬን አባላት የምቀሰቅስ አይደለሁም" ማለታቸውን ጠበቃ ሰለሞን ገልጸዋል።

"ክሱ የቀረበብኝ በኢዜማ ስር ሆኜ በማራምደው ፖለቲካ ሳይሆን በአማራነቴ ምክንያት ነው" ያሉት ዶ/ር ጫኔ፤ "እኔ የአንድ የፖለቲካ ድርጅት አባል ሆኜ በሰላማዊ መንገድ እየታገልኩ ነው ያለሁት እንጂ የፈጠራ ክሱ ላይ የተገለጸውን የሽብር ድርጊት አልፈጸምኩም" ብለዋል።

ከአራቱ ተከሳሾች በተጨማሪ ችሎት የቀረቡት ሌሎች ተከሳሾችም የቀረባቸውን የወንጀል ክስ አለመፈጸማቸውን ለችሎቱ መግጻቸውን ጠበቃቸው ለቢቢሲ ጠቁመዋል።

በአማራ ክልል የተከሰተውን አለመረጋጋት ተከትሎ በቁጥጥር ስር የዋሉት የክልል እና የፌደራል ምክር ቤት አባላት እንዲሁም ፖለቲከኞች በዐቃቤ ሕግ ክስ የተመሠረተባቸው ከ11 ወራት በፊት መጋቢት 18/2016 ዓ.ም. ነበር።

ዐቃቤ ሕግ የወንጀል ሕጉን እና የፀረ ሽብር አዋጁን ጠቅሶ የመሠረተው የክስ የተከፈተው የአማራ ክልል ምክር ቤት አባል በሆኑት በአቶ ዮሐንስ ቧያሌው ስም ነው።

የዐቃቤ ሕግ የክስ ሰነድ ተከሳሾቹ፤ "የፖለቲካ ርዕዮተን በኃይል ለማስፈጸም በማሰብ" ተሰብስበው ስለመደራጀታቸው ያትታል።

ከዚህ በተጨማሪም "[ተከሳሾቹ] የአማራ ርስት ናቸው የሚሏቸውን መሬቶች በወታደራዊ ኃይል ለማስመለስ እና አገርን 'በአማራ እሳቤ ብቻ መገዛት አለባት' ከሚል" ስምምነት ላይ ደርሰዋል" ሲል ይከስሳል።

በዛሬው [ጥር 29/2017] የችሎት ውሎ ተከሳሾች ይህን ክስ ክደው መከራከራቸውን የጠቀሰው ዐቃቤ ሕግ ማስረጃዎቻችን አቅርቦ ለማሰማት ችሎቱን ጠይቋል።

ፍርድ ቤቱም በተከሳሾቹ ላይ ቃል የሚሰጡ 21 የዐቃቤ ሕግ ምስክሮችን ከመጋቢት 5 አስከ 12/2017 ዓ.ም. ይሰማል።"

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

የእኔ እማ ልዕልቴ እንዴት ነሽ?

-
ምስል
  እንኳን ወደ ቀንበጥ ብሎግ በሰላም መጣችሁልኝ። „አምላኬ አምላኬ ለምን ተውኽኝ? እኔን ከማዳን ከጩኽቴ ቃል ሩቅ ነህ። አምላኬ በቀን ወደ አንተ እጣራለሁ አልመለስህልኝም፤ በሌሊት እንኳን እረፍት የለኝም።“ (መዝሙረ ዳዊት ምዕራፍ 21 ከቁጥር 1 እስከ 3) ሥርጉተ©ሥላሴ Sergute©Selassie 03.02.2021 · የ እኔ እማ ልዕልቴ እንዴት ነሽ?   አላዛሯ ኢትዮጵያ እና ልጆቿ እንዴት እዬሆኑ ይሆን አዋዋሉ አስተዳደሩ?? እንደምን እዬሆንሽ ነው እማ! የእኔ ልዕልተይ! እናንተስ ማህበረ ንጹኃና ቅኖቹ የብራናዬ ታዳሜዎች እንዴት ናችሁ? ስለጤንነታችሁ፤ ስለሰላማችሁ አስባለሁኝ። እናንተ ለእኔ የህሊናዬ ቤተ - መቅደሶች ናችሁ እና። ይህን ስላችሁ ከንቱ ውዳሴ ይመስላችሁ ይሆናል። እመኑኝ ብዬ አልሞግትም። ጥሞና ላለው ሰብዕና እኔን እኔ አድርገው የሚመሩኝ የህይወት መርሆቼን አቤቱ ጉግል፤ ፊታውራሪ ዩቱብ ቢጠዬቅ ይመልስዋል። ዛሬ መስካሪ አለን። ትናንት ምን ዛሬ ምን እንደሆን። በልጅነት የሚያውቁኝም በዛው ልክ ስለመሆኔ ያውቃሉ። እራሴን አታልዬ ለመኖር አልተፈጠርኩበትም። እምጽፈው እራሴ የሆንኩትን ነው። እኔ እኔን መሆን ከተሳነው እኔ ለእኔ በተሰጠው የነፃነት ልክ መቆም ካልቻለ እኔ እኔን ማሰናበት ይኖርበታል። ይህ ደግሞ አይፈቀድለትም። ይህ መርሄ ነው። ·       ው ሃማ ባለቀለሙ ሃሳብ? ሃሳብ ሰላም ይሻል። ሃሳብ ፍቅር ይሻል። ሃሳብ አትኩሮት ይሻል። ሃሳብ እንክብካቤ ይሻል። ሃሳብ ሰው ይሻል። ሙሉሰው። ምራቁን የዋጠ። ስለዚህም ጊዜ መስጠት - ማድመጥ - አክብሮ ማወያዬት - ማሰከን ያስፈልጋል። ማንን? የንጉሶች ንጉሥን አጤ ሃሳብን። ሃሳብ አ...
ተጨማሪ ያንብቡ