አይሆኑ ሆነ

-
አይሆኑ ሆነ የፓናማው ባለቀይ ማልያ፤  

ከሥርጉተ ሥላሴ 24.06.2018 (ከውቢት ሲዊዚና።)
„ዳዊት በእግዚአብሄር አመነ፤ በሱ አምኗልና መጠጊያ ሆነው፤
ከንጉሡ ከሳዖልም እጅ አዳነው። መጽሐፈ መቃብያ ቀዳማዊ“
                     (ምዕራፍ ፳፩ ቁጥር ፩)


ዛሬ ትንሽ ነፋሻ ትንሽ የተመጠነ ብርሃናማ ዕለት ነው። ያው የትናንትናው ደመመን ለቀቅ ቢያደርገኝም፤ ግን ጨርሶ አልተለቃለቀም። ትናንት ዝግት አድርጌው የዋልኩት አሁን ከፈት አድርጌ ሳይ ENG // PAN ግጥሚያ ላይ ነበሩ።

 መቼም በመደለቅ ሠርግ እና መልስ የሚያሰኛት ድንቡልቡሊት ዛሬ እስኪበቃት ይወቃታል የተፈጠረችበት ባዕት። እልልታዋን እዬኮመኮመች ከአንዱ ወደ አንዱ ስታሽካካ የመጀመሪያው የዎህታ ክፍለ ጊዜ 5 ለምንም በሆነ ውጤት ተሸኘ ጉድ አልን እኔ እና ዓይኔ… ጤባ ጢቦ አይነት ነበር ...

ህም ስንል ቆያተን ከእረፍት መልስ 45 1/ 2// 3/ እዬአለ መደመር ሲደመር ሌላ 6ኛው ድል ከች። ያው ጠይም በብዛት በርከት ብሎ በታዬበት የሁለቱ ቡድን የዛሬ እልፍኝ እንግሊዞች የጠይም ዕንቋችን ቤተ መንግሥት ገብታ የምሥራቹን መላክ አለብን ብለው ሞጥረው እዬተጉ ነው።

በዚህ ዓመት የፍቅርን የመቻቻል አብነት በመሆን ጠልፈው እልልልልል አስኝተውናል። የዛሬንስ ማን ክፉ ብሎት ብዬ ተግቼ ተከታተልኩት። እጄ ይጥፋል ግን ዓይኔ ሜዳው ላይ ጠላዋ እንዳመረላት ሴት ወክ እንዲህ ይላል፤

እኔስ ጠላዬ አምሮ የለ ለነገሩ። የሞገትኩለት የፍሪካዊነት ሐዋርያ የአፍሪካ የሰላም እጬጌ ሆኖ ኢትዮጵያን ቦግ አድርጎ የለ፤ ብርሃኑ የፍቅራዊነት ንጉሥነቱ ለቁጥር በሚያታክት ደግነቱ እና ምህረቱ የረገጠው ድርቆሽ ሁሉ ሲለመልም እዬታዬ ነው እንደ አሮን በትር።

ውስጠ ንጹህ የፖለቲካ ሊሂቅ ኢትዮጵያ ስጥቷት ዘመነ መጽናነት በምህረት እና በፍቅር እዬወረበው ነው። ፈተና ያለ የነበረ ቢሆን አሁን የበለጠ ሊያጠነክረው እንደሚችል ተስፋዬ ሙሉ ነው። መንፈሱ አብዝቶ ቅን ሰለሆነም ትንሽዬ እንዲጠራጠር ዕድሉን አግኝቷል።

ስለዚህ ጠንቃቃ ይሆናል። ይሄም አለ ለካንስ ድንግልዬ የእኔ ኪዳነምህረት በዕለተ ቀኗ ነግራዋለች።

እነፓናማ ዘግየት ብለው ለማስተዛዘኛ አንዲት አስቆጠሩ እና 6 ለ 1 በሆነ ውጤት ጠሐይ አይጠልቅብሽም የተባላቸው አገረ ለንደን ፍንክንክ ብሎ ቀጣዩን የሠርግ እና የምልስ ቀጠሮ በሐሤት ቆጣጣሯል።

ፍቅር ከነተፈጥሮው ከተፈጠረበት ጋር ስለሆነ እትዬ ድንብዩልቡልም ዛሬ አዲስ ፍቅረኛ አላማረኝም ብላ ወደ ባዕቷ አዳላታ በእትብተኞቼ ስደልቅ፤ ስተወቃ ከብለል እያለች ስትፈነዳደቅ የበለጠ ድምቅ፤ የበለጠ ፍክት፤ የበለጠ ሐሤት አገኛለሁኝ ብላ ፍልቅልቅ ብላላች ሳቋ ዱሏ፤ ፍቅሯ ዱላ፤ ተስፋዋ ዱላ በቃ ለዱላ የተፈጠረች ፍቅርተ።

የእኛ የፍቅራዊነት መንፈስም አሸናፊነቱ አይቀሬ ነው። ምን ፈተናው፤ ምን ብክነቱ፤ ምን መባተሉ ቢበረክትም ድሉ ሳይታለም የተፈታ ነው። የጀርባ አጥነቱ የሚሊየኖች ድምጥም ማህተሙን ተረገጡ በደሙ አክብሮ ድሉን በዕንባም በቁርጠኝነትም ውሎ ላይ አዋውሏል።

የፍቅራዊነት ዋና መለያው ሲኖሩበት ብቻ ያስውባል።
ስፖርት የሐሴት ህሊና ነው!


ኑሩልኝ የኔዎቹ ... መሸቢያ ጊዜ።  

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

አብይ ኬኛ መቅድም።

-
ምስል
  ራስንም ማዬት ከትዝብት ይታደጋል። ኦህዴድን ከመተቸት በፊት ራስንም  ማዬት ከትዝብት ይታደጋል።   ከሥርጉተ ሥላሴ  ( Sergute © Sselassie )   18.12.2017 ከጭምቷ ሲዊዘርላንድ። „መለዬት የሚወድድ ምኞቱን ይከተላል፣  መልካሙን ጥበብ ሁሉ ይቃወማል።“  (መጸሐፍ ምሳሌ ምዕራፍ ፲፰  ቁጥር ፩) ይድረስ ለ„ማማ“ አዘጋጅ ለጋዜጠኛ ማስራሻ አለሙ።  ከዚህ ከጭምቷ ሲዊዝ እንሆ „ከለማውያን“ ወገን እጅ ነሳን ። ·          እፍታ። ዛሬ የኢሳቱ ጋዜጠኛ ማስረሻ አለሙ በአቶ ለማ መገርሳና በድርጅታቸው በኦህዴድ ጉዳይ ባነሳቸው ጥቂት ጉዳዮች ዙሪያ ልሞግተው አሰብኩኝ። በዚህ መልክ በአንድ ወቅትም „በድምፃቻን ይሰማ“ ጉዳይ እንዲሁ ያልተመቸኝ የአምክንዮ ጭብጥ ስለነበር ባልደረባውን የኢሳቱን  ጋዜጠኛ ካሳሁን ይልማ ሞግቼ ነበር። ያን ጊዜ ባለ ማንፌስቶዎች መንገድሽ ትክክል አይደለም በማለት ማሳሰቢያ በጓሮ በር መጥተው ሰጥተውኝ ነበር።   በአደባባይ ደግሞ ትክሻ ለትክሻ ሲተቃቀፉ አይ ነበር። በሌላ በኩል ደግሞ „የድምጻችን ይሰማ“ ደጋፊዎችም ሁሉንም ቅንነትን በመለገስ ለዬስበሰባውም የሚከፍሉት መስዋዕትነት አንቱ ነበር፤ ከእኔ ቀደም ብሎም ዘለግ ባለ ደቂቃ „በድምጻችን ይሰማ“ ዙሪያ የሊሂቃኑን የግንቦት 7 ሊቀመንበር ንግግር አዳምጫለሁ። የንግግሩ የጭብጥ ማዕከልም ነበር። ያን ጊዜ ዝም ብዬ እኔ አስተውል ነበር።  ከዕለታት አንድ ቀን የኢሳት ጋዜጠኛ አንድ ጹሑፍ አወጣ „በድምጻችን ይሰማ“ ጉዳይ። አንዲት ኢትዮጵዊት ሙስሊም ለንድን ኖ...
ተጨማሪ ያንብቡ