#ውስጥነት።

 

#ውስጥነት።

 

"አቤቱ ንጹህ ልብ ፍጠርልኝ።" አሜን።
የሰውነት መለኬያ የውስጥነት #ንጽህና ይመስለኛል። ይመስለኛል እኔ አዘወትራለሁኝ። 

ምክንያቴ #ጥናታዊ ተግባር ስላልከወንኩበት ነው። 

ወደ ቀደመው ስመለስ ለመኖር፤ መኖርን ለማስቀጠል ውስጥን በተፈጠረው ልክ #በንጽህናው ማስቀጠል ነው።

 ንጽህና ደግሞ ከራስ እንጂ #ከደጅ አይጀምርም። 

እያንዳንዳችን የቅድሚያ ተግባራችን ሊሆን የሚገባው በብዙ ድሪቶ የታጀለውን የውስጥ ቆሻሻ ለማጽዳት #መቁረጥ፤ #መወሰን፤ ውሳኔውን ደቂቃ ሳያጠፋ ወደ ድርጊት ማሸጋገር ይገባል።

 እግዚአብሄር ይስጥልኝ። አሜን። ኑሩልኝ። አሜን። 

ሥርጉትሻ 2025/08/26

 

 

 

 

#አጤ ዘመን እና #አጤ ሂደት እንደምን ባጃችሁ?
"አቤቱ ንጡህ ልብ ፍጠርልኝ።" አሜን።
አጤ ዘመን ወይንስ አጤ ሂደት ማን ይሆን #ቀዳሚው? ማን ይሆንስ? #መሪው? እኛስ በአጤ ዘመን እና በአጤ ሂደት ተፈጥሯዊ ክንውን #ሾለክን ወይንስ ልካችን በሚፈቅደው ልክ አብረን #ተጓዝን? ፈተናው ይኽው ነው።

 ሌላውን
#መተቸት #ቁልቁለት ነው። ኧረ ከቁልቁለትም የተሻለ ሞዞቦልድ አልጋ ነው። እኛን ሌላው ሲተቸን ደግሞ #ዳጥ እና #ምጥ ነው። ለምን? ሰውነት ግድፈትም ጸጋው ነው ብየ እኔ በግሌ እቀበለዋለሁኝ። 

 

መግደፍ እንዳሻህ ብለን ባንወስንለት እንኳን ሊሆን የሚችል፤ የሚጠበቅ መሆኑን ልንቀበለው ይገባል ባይ ነኝ - እኔው ሥርጉትሻ። እኛ #ሰወች ነን። ልንሳሳት መቻላችን የተፈጥሯችን ልጥፍ ወይንም ደባል ሳይሆን #ውህድ ነው። 

እንደ ፕላዝማ ማለት ነው።

 ግን በተመሳሳይ ግድፈት በመመላለስ መዳከር ለእኔ #መታመም ነው።

 ይህን ነው ወደን እና ፈቅደን ማረም ያለብን። 

እግዚአብሄር ይስጥልኝ። አሜን። 

ሥርጉትሻ 2025/08/26 

 

ዕውነት #ይሸመግላልን?
"አቤቱ ንጹህ ልብ ፍጠርልኝ።" አሜን።
#ዕውን = #የሚታይ ፤ #የሚጨበጥ፤ #የሚዳሰስ ፋክት ነው። 

ይህ የሚታይ፤ የሚጨበጥ የሚዳሰስ ክስተት #ተፈጥሯዊ ነው። ለምሳሌ ፀሐይ #በምስራቅ ወጥታ #በምዕራብ የመጥለቋ ዕውነት። 

ይህ በፈጣሪያችን፤ በአላሃችን እጅ ያለ የቃሉ የትርጉም ዕለታዊ ክንውን ነው። 

በልዕልት ፕላኔታችን ያለው የለት - ተለት ክንውናችንስ #በዕብለት ወይንስ #በዕውነት በምን #እየተዳኛ ይሆን?

 ዕውነት ይሸምግለው።

 እግዚአብሄር ይስጥልኝ። አሜን።

 
ሥርጉትሻ 2025/08/26 

 

 

 #ሽሽት ለምን?
"አቤቱ ንጹህ ልብ ፍጠርልኝ።" አሜን።

የሚከፋው፤ የከፋውም ከተፈጥሮ፤ ከሰዋዊነት #ሽሽት ነው። 

ለምን? በልኩ፤ ስለልኩ፤ ለልኩ መሆን ስለሚሳነን?  

#መሳን በእጅ በሌለ ነገር ቢሆን - በሆነ፤ ግን ነገር ግን እኛ በምንችለው ነገር ለምን በራስ ተፈጥሯዊ #አቅም ላይ #ሽሽትን እንፈቅዳለን? ሰው ሆኖ ስለ ሰው ልጅ #ደህንነት በቅንነት ማሰብ፤ ማሰላሰል እንዴት ያቅታል? 

 እንፈታተሽ ከራሳችን የሰብዕና #አወቃቀር፤ #አደረጃጀት እና #አመራር ጋር። 

እግዚአብሄር ይስጥልኝ። አሜን። 

ሥርጉትሻ 2025/08/26