መች ይሆን ጸሐይሽ?

-
?እቴጌ ኢትዮጵያ መች ይሆን ጸሐይሽ?
                                         ሥርጉተ - ሥላሴ  17.11.2017 (ሲዊዘርላንድ - ዙሪክ ።)

„የኃጢአያተኞችም ወገናቸው እንደ ገለባ ክምር ነው። ፍፃሜያቸውም ለገሃነም ይሆናል።“
                                                    (መጸሐፈ ሲራክ ምዕራፍ ፳፩ ቁጥር ፱)
ስምጥ አሮጎ ይዞ ነፍስን ሲጎትተው
ቀኑ ተገትሮ ቁሞ ʼሚጠብቀው፣
ሌሊቱ ʼማይነጋው ጠፍር ተንትርሶ
በምሬት ተቀርፆ፤ በሀዘን ዳጉሶ።
እቴጌ ኢትዮጵያ መች ይሆን ሰናይሽ?
… እሜቴ ነፃነት እምትሳለምሽ?
የጠቡን ግድግዳ እዬመነዘረ
በኢትዮጵያ ጽናት እያመነዘረ፤
የጭንቅላት ካንሰር ትግራይ ላይ ጎልቶ
ፍቅር ኮሰኮሰ ልዩነት ጎልብቶ።
እቴጌ ኢትዮጵያ መች ይሆን ሰናይሽ?
… እሜቴ ነፃነት እምትሳለምሽ?
እጅግ ተንጠራርቶ በቅጥ ተንቦልቡሎ
ትዕቢት በትምክህት ጉሮ ሸባ ብሎ፤
ጥጋብ አገር ፈቶ እላፊ ዘልዝሎ
ማግስትን አራቁቶ፤ ፉከራው ቀጠለ /// ኧረ ዘራፍ¡ ብሎ።
እቴጌ ኢትዮጵያ መች ይሆን ጸሐይሽ?
… እሜቴ ነፃነት እምትሳለምሽ?
ድቃቂ አሽዋ በስርንቅ ተሠርቶ
ሽርክቱን ምናቡን በሰው ደም አርክቶ፤
በሳጥናዔል ግብር ህሊናው ተከቶ፤
ይታማሳል ሐገር፤ ይቆላል // ይፈጫል በፈንድሻ ፈክቶ።
እቴጌ ኢትዮጵያ መች ይሆን ጸሐይሽ?
… እሜቴ ነፃነት እምትሳለምሽ?
ድርቀታማ ግራር በሟተት ተገምዶ
ዬቁልቋሉ ስሪት መኖርን ጎራርዶ፣
ማህበረ ሳዖል የሰው ጭራቅ ዘንዶ፤
ትውልዱን አጨደው በጭካኔ ጎምዶ።
እቴጌ ኢትዮጵያ መች ይሆን እልፈትሽ?
… እሜቴ ነፃነት እምትሳለምሽ?
ታምሃል ይሉሃል „ጊዜ“ ታጥራለኽ፣
„ነገስ“ ትሆናለኽ? ምሰህ ትምጣለኽ?
„በስትያስ“ ታስባለኽ? እንዴት ትሆናለኽ?
በዛሬ ውስጥ አልቀህ፤ በጭካኔ ወልቀኽ።
እቴጌ ኢትዮጵያ መች ይሆን እልፈትሽ?
… እሜቴ ነፃነት እምትሳለምሽ?
የግራዚያኒ ማገር ትግራይ ላይ ቆምሶ
ተበጠሰ ማተብ ፋሽስትን ቀድሶ።
ልብ የት ተፈጣረ? ለመሆኑ አለ?
የቅብጥርስ ጭቃሾኽ ገለባ እያለ።
እቴጌ ኢትዮጵያ መች ይሆን ማግሥትሽ?
… እሜቴ ነፃነት እምትሳለምሽ?
ሙሶሎኒ ልቡ ደም እንደ ጎረሰ
ቅሪቱን አውርሶ በሥሙ ነከሰ፤
በክብር ዘመነ ትውፊት ከሰከሰ
ዘመኑ ጠንዝሎ „ማረን“ ተከለሰ።
እቴጌ ኢትዮጵያ መች ይሆን ማግስትሽ?
እሜቴ ነፃነት እምትሳለምሽ?
ማህበረ - እርኩም፣ እረቂቅ ምስጣምስጥ ከፍሬ ተዳቅሎ
አነቀዛት እሷን ውስጧነን ቀቅሎ፤
በማይጠፋ ነዲድ ሰብዕናን አክስሎ
ዐነባ ተፈጥሮ ድንኳኑ ተጓጉሎ።
እቴጌ ኢትዮጵያ መች ይሆን ትንግርትሽ?
?… እሜቴ ነፃነት እምትሳለምሽ?

·         ሥጦታ - ለኢትዮጵያ ዕንባ ይሁንልኝ። ተጣፈ 15.11.2017 (ዙሪክ - ሲዊዘርላንድ)
·         አንድ ለመንገድ - የልቤ አንተነህ የሆነ ጹሑፍ ሳተናው ላይ ስላገኘሁ የኔዎቹ ትታደሙበት ዘንድ በትህትና
     እና በልዑቅ አክብሮት እንሆ …
http://www.satenaw.com/amharic/archives/41485
„ጎንደር የተጠራው የወያኔ የማጭበርበሪያ ጉባኤ፥ ዶሮን ሲደልሏት በመጫኛ ጣሏት ነው – ጥሩነህ ይርጋ“
ምን „የማጨበርበሪያ“ ብቻ የማህበረ - ሽፍቶች፤ የማህበር - ሌቦች፤ የማህበረ - ዘራፊዎች፤ የማህበረ - ገዳዮች፤ የማህበረ - ሳዖሎች የማህበረ - ጥጋበኞች፤ የማህበረ - እርኩሞች፤ የማህበረ - ጃርቶች፤ የማህበረ - ወራሪዎች እንጦርጦስ እንጂ ///


አዶናይ ከመንበሩ ካለ - እግዚአብሄር ይስጥልኝ። መሸቢያ ጊዜ።

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ

አብይ ኬኛ መቅድም።

-
ምስል
  ራስንም ማዬት ከትዝብት ይታደጋል። ኦህዴድን ከመተቸት በፊት ራስንም  ማዬት ከትዝብት ይታደጋል።   ከሥርጉተ ሥላሴ  ( Sergute © Sselassie )   18.12.2017 ከጭምቷ ሲዊዘርላንድ። „መለዬት የሚወድድ ምኞቱን ይከተላል፣  መልካሙን ጥበብ ሁሉ ይቃወማል።“  (መጸሐፍ ምሳሌ ምዕራፍ ፲፰  ቁጥር ፩) ይድረስ ለ„ማማ“ አዘጋጅ ለጋዜጠኛ ማስራሻ አለሙ።  ከዚህ ከጭምቷ ሲዊዝ እንሆ „ከለማውያን“ ወገን እጅ ነሳን ። ·          እፍታ። ዛሬ የኢሳቱ ጋዜጠኛ ማስረሻ አለሙ በአቶ ለማ መገርሳና በድርጅታቸው በኦህዴድ ጉዳይ ባነሳቸው ጥቂት ጉዳዮች ዙሪያ ልሞግተው አሰብኩኝ። በዚህ መልክ በአንድ ወቅትም „በድምፃቻን ይሰማ“ ጉዳይ እንዲሁ ያልተመቸኝ የአምክንዮ ጭብጥ ስለነበር ባልደረባውን የኢሳቱን  ጋዜጠኛ ካሳሁን ይልማ ሞግቼ ነበር። ያን ጊዜ ባለ ማንፌስቶዎች መንገድሽ ትክክል አይደለም በማለት ማሳሰቢያ በጓሮ በር መጥተው ሰጥተውኝ ነበር።   በአደባባይ ደግሞ ትክሻ ለትክሻ ሲተቃቀፉ አይ ነበር። በሌላ በኩል ደግሞ „የድምጻችን ይሰማ“ ደጋፊዎችም ሁሉንም ቅንነትን በመለገስ ለዬስበሰባውም የሚከፍሉት መስዋዕትነት አንቱ ነበር፤ ከእኔ ቀደም ብሎም ዘለግ ባለ ደቂቃ „በድምጻችን ይሰማ“ ዙሪያ የሊሂቃኑን የግንቦት 7 ሊቀመንበር ንግግር አዳምጫለሁ። የንግግሩ የጭብጥ ማዕከልም ነበር። ያን ጊዜ ዝም ብዬ እኔ አስተውል ነበር።  ከዕለታት አንድ ቀን የኢሳት ጋዜጠኛ አንድ ጹሑፍ አወጣ „በድምጻችን ይሰማ“ ጉዳይ። አንዲት ኢትዮጵዊት ሙስሊም ለንድን ኖ...
ተጨማሪ ያንብቡ