Danke, Schöpfer. Krieg ist das Bermuda-Dreieck. ተመስገን ፈጣሪ። ጦርነት ቤርሙዳ ትርያንግል ነው።

-

 Danke, Schöpfer. Krieg ist das Bermuda-Dreieck. ተመስገን ፈጣሪ። ጦርነት ቤርሙዳ ትርያንግል ነው።… 

ጦርነት ይቁም። ለምን? ሥልጣኔን ሥልጣኔ ሊያወድመው ስለማይገባ። (Der Krieg muss aufhören. Warum? Weil die Zivilisation des Friedens nicht durch die Zivilisation des Krieges zerstört werden darf.)
 
• ለሰው ልጆች ሁሉ፥ ለፍጥረታት ሁሉ፤ እንዲሁም ለተፈጥሮ እና ለስልጣኔም ለሁሉም የሰላም ነፃነት ሊሰጣቸው ይገባል። Allen Menschen, allen Geschöpfen, der Natur und der Zivilisation muss die Freiheit des Friedens gewährt werden.
 
« የሰው ልብ መንገድን ያዘጋጃል፤ እግዚአብሄር
ግን አካሄዱን ያቃናለታል።» (ምሳሌ ፲፮ ቁጥር ፲፱)
 
 May be an image of text that says 'Fox FOX NEWS Chaanel "The war is over." -President Trump'
 
የተመድ የፀጥታው ምክር ቤት የጋዛን እና የእስራኤልን ጦርነት በዘላቂ ሰላም ለመቋጨት የተከበሩ የአሜሪካ ፕሬዚዳንት ዶናል ትራንፕ ያቀረቡት ባለ 20 አንቀጽ ድንጋጌ በተመድ ዕውቅና ማግኜቱ እኔ እግዚአብሄርን አመስግኜበታለሁኝ።
 
በረከቱም ለራሺያ እና ለዩክሬን፤ ለሱዳን፣ ውስጥ ለውስጥ እየተብላላ ላለው የአፍሪካ ቀንድ፥ እንዲሁም ለእናት ኢትዮጵያ ይደርስ ዘንድ ምኞቴ ነው። ሥልጣኔን ሥልጣኔ ሊያጠፋው አይገባም። ሰላም ለው ልጆች ሁሉ። ሰላም ለተፈጥሮ።
 
Sergute©Selassie
18.11.2025
ጊዜ ራዲዮሎጂ ነው።
-----------------------------------------------------
 
BBC
 
«የትራምፕ የጋዛ ዕቅድ በተባበሩት መንግሥታት የፀጥታው ምክር ቤት ድጋፍ አገኘ» 
 
«የተባበሩት መንግሥታት የፀጥታ ምክር ቤት የአሜሪካ ፕሬዝዳንት ዶናልድ ትራምፕ ለጋዛ ያቀረቡትን ባለ 20 ነጥብ ዕቅድ የሚደግፍ የአሜሪካን ረቂቅ ውሳኔ አጸደቀ።
 
በዕቅዱ ውስጥ ዓለም አቀፍ የሚያረጋጋ ኃይል (ISF) መመሥረት የተካተተ ሲሆን፣ አሜሪካ እንደምትለው በርካታ ስማቸው ያልተጠቀሰ አገራት አስተዋጽኦ ለማድረግ ሀሳብ አቅርበዋል።
 
ውሳኔው ዩናይትድ ኪንግደም፣ ፈረንሳይ እና ሶማሊያን ጨምሮ በ13 አገራት የተደገፈ ሲሆን፣ ሀሳቡን የሚቃወም ድምጽ የሰጡ አገራት የሉም። ሩሲያ እና ቻይና በውሳኔው ላይ ድምጽ ከመስጠት ታቅበዋል።
 
ይህንን ውሳኔ መቀበል "የተኩስ አቁም ስምምነቱን ለማጠናከር ወሳኝ እርምጃ ነው" ሲሉ የተባበሩት መንግሥታት ዋና ፀሐፊ አንቶኒዮ ጉቴሬዝ ቃል አቀባይ ተናግረዋል። ሐማስ ውሳኔው የፍልስጤማውያንን መብቶች እና ጥያቄዎች አላሟላም በሚል ውድቅ አድርጎታል።
ውሳኔው ከፀደቀ በኋላ በቴሌግራም ላይ ሐማስ ዕቅዱ "ሕዝባችን የሚቃወመውን በጋዛ ሰርጥ ላይ ዓለም አቀፍ የሞግዚት አስተዳደርን ያስገድዳል" ብሏል።
 
"በጋዛ ሰርጥ ውስጥ ለዓለም አቀፍ ኃይል ተግባራት እና ሚናዎች ሰጥቶ መመደብ፣ ትግሉን ትጥቅ ማስፈታት፣ ገለልተኛነቱን ማስወገድ እና ወረራውን የሚደግፍ የግጭት አካል እንዲሆን ማድረግ [ነው]" ሲል አክሏል።
 
በውሳኔው መሠረት የማረጋጋት ኃላፊነት አለው የተባለው ዓለም አቀፉ ኃይል (ISF) ከእስራኤል እና ከግብፅ ጋር በመሆን አዲስ ከተመለመለ እና ከሰለጠነ የፍልስጤም የፖሊስ ኃይል ጋር በመሆን የድንበር አካባቢዎችን ለመጠበቅ እና ሐማስን ጨምሮ መንግሥታዊ ያልሆኑ የታጠቁ ቡድኖችን በቋሚነት ትጥቅ የማስፈታት ሂደቱን ለማረጋገጥ ይሠራል።
 
እስካሁን ድረስ በጋዛ ያለው የፖሊስ ኃይል ሥራውን እያከናወነ ያለው በሐማስ ስር ሆኖ ነው። በተባበሩት መንግሥታት ድርጅት የአሜሪካ አምባሳደር ማይክ ዋልትዝ ለምክር ቤቱ እንደተናገሩት በጋዛ ይሰማራል የተባለው ዓለም አቀፍ የሚያረጋጋ ኃይል "አካባቢውን በማስጠበቅ፣ የጋዛን ወታደራዊ ኃይል የማስወገድ፣ የሽብር መሠረተ ልማትን የማፍረስ፣ የጦር መሳሪያዎችን የማውጣት እና የፍልስጤም ሰላማዊ ዜጎችን ደኅንነት የማረጋገጥ ኃላፊነት ተሰጥቶታል።"
 
የፀጥታው ምክር ቤት የፍልስጤም የሰለጠኑ ባለሙያዎችን፣ ከፖለቲካ ነፃ የሆነ ኮሚቴ አስተዳደርን የሚቆጣጠር እና የጋዛን መልሶ ግንባታ እና የሰብዓዊ እርዳታ አቅርቦትን የሚቆጣጠር የሰላም ቦርድ የተባለ የሽግግር አስተዳደር አካል እንዲፈጠር አጽድቋል።
 
በውሳኔው መሠረት ከሁለት ዓመታት የጦርነት ጊዜ በኋላ ጋዛን መልሶ ለመገንባት የሚደረገው የገንዘብ ድጋፍ የሚመጣው በዓለም ባንክ ከሚደገፍ የትረስት ፈንድ ነው።
 
በውሳኔው መሠረት፣ ዓለም አቀፍ የሚያረጋጋ ኃይል እና የሰላም ቦርድ ከፍልስጤም ኮሚቴ እና ከፖሊስ ኃይል ጋር አብረው ይሠራሉ።
ትራምፕ የፀጥታው ምክር ቤትን ውሳኔ "ታሪካዊ" ሲሉ ጠርተውታል፣ እና ለሰላም ቦርዱ "ዕውቅና እና ድጋፍ" ለማድረግ የሚያስችል መንገድ ነው ብለዋል፣ የመጨረሻው አባላትም በቅርቡ ይፋ ይደረጋሉ። ሊቀመንበሩ ራሳቸው ትራምፕ እንደሚሆኑ ይጠበቃል።
 
ትራምፕ "ይህ በተባበሩት መንግሥታት ታሪክ ውስጥ ከተላለፉት ታላላቅ ውሳኔዎች አንዱ ሆኖ ይቆጠራል፣ በመላው ዓለም ተጨማሪ ሰላምን ያመጣል" ሲሉ በ'ትሩዝ ሶሻል' የማኅበራዊ ገጻቸው ላይ ጽፈዋል።
 
ከቀደሙት ረቂቆች በተለየ፣ ውሳኔው ወደ ፍልስጤም የራስን ዕድል በራስ መወሰን እና የአገርነት አስተማማኝ መንገድን ያመለክታል።
እስራኤል የፍልስጤም አገር መሆንን አጥብቃ ትቃወማለች፤ ይህም ወደፊት ግዛትነት በሚወስደው መንገድ ላይ ትልቅ እንቅፋት ነው።
ቁልፍ የአረብ አገራት የውሳኔውን አርቃቂዎች የፍልስጤም የራስን ዕድል በራስ መወሰን በጽሑፉ ውስጥ እንዲያካትቱ ጫና አድርገውባቸዋል።
 
የተባበሩት መንግሥታት ዋና ፀሐፊ ቃል አቀባይ ውሳኔው "... ወደ ተጨባጭ እና በአስቸኳይ ወደ መሬት ላይ ወደሚወርዱ እርምጃዎች መተርጎም" እና "የሁለት አገራት መፍትሄን ለማሳካት የፖለቲካ ሂደት" ማምጣት እንዳለበት አጽንዖት ሰጥተዋል።
 
አሜሪካ፣ የፍልስጤም ባለሥልጣን፣ ግብፅን፣ ሳዑዲ አረቢያን እና ቱርክን ጨምሮ በርካታ የአረብ እና የሙስሊም አብላጫ አገራት ውሳኔው በፍጥነት ተግባራዊ እንዲሆን ጥሪ አቅርበዋል።
 
የፍልስጤም ባለሥልጣን በሰጡት መግለጫ የውሳኔው ውሎች "በአፋጣኝ እና ወዲያውኑ" መተግበር እንዳለባቸው ተናግሯል።
በፍልስጤም ባለሥልጣን እና ሌሎች ስምንት የአረብ እና የሙስሊም አገራት ድጋፍ ስላደረጉ ሩሲያ እና ቻይና ድምጽን በድምጽ የመሻር አማራጮችን አልተጠቀሙም፤ ነገር ግን ውሳኔውን ከማጽደቅ ታቅበዋል።»


አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

ዛሬ ያለው ነገር „ፈረቃም፤ ተረኝነትም“ አይደለም።

-
ምስል
ዛሬ ያለው ነገር „ፈረቃም፤ ተረኝነትም“ አይደለም። ከዚያ የከበደ መከራ ላይ ናቸው አላዛሯ ኢትዮጵያም ሆነ እማማ አፍሪካም።   „የሰው ልብ መንገድን ያዘጋጃል፤ እግዚአብሄር ግን አካሄዱን ያቃናለታል።“  (ምሳሌ ፲፮ ቁጥር ፱) ሥርጉተ©ሥላሴ Sergute©Selassie ከጭምቷ ሲዊዘርላንድ። ·          እፍታ። ጤናይስጥልኝ የአገሬ ቅኖች እና ቅኔዎች። እንደምን አላችሁ? ለረጅም ጊዜ ጠፋሁኝ - በምክንያት። እርግጥ ነው እሰከ ሚያዚያ ወር መጨረሻ በቀንበጥ ብሎጌ እጽፍ ነበር። ከዛ ደግሞ ቀንበጥ ብሎጌ ለተወሰነ ጊዜ መሰተጓጎል ቢገጥመውም ፌስ ቡክ ላይ ብዙ አድካሚ ያልሆኑ ግን በውስጤ እማምንበት አጫጭር ጹሁፎችን ስጽፍ ቆይቻለሁኝ። ዕይታዬ ያመለጣችሁ ይኽውና ሊንኩ። https://www.facebook.com/pages/category/Personal-Website/Httpfbmecg-1591546727802213/ በዚህ ሁሉ ሁኔታ ግን የድምጽ አልባዎችን የኢትዮጵያ ዕናቶች ዕንባ በፈቃድ ውክልና ለሚያደምጡኝ ደጋጎች መላኬን አላቆምኩኝ። አሁን ታስህሳስ ወር ነው በዚህ ወር ላይ ሰሚ የለም ክርስሚያስ ጥድፊያ ላይ ስለሆኑ ነጮቹ። ስለዚህ ታህሳስ እና ጥር አጋማሽ ረፍት ይሆናል ማለት ነው። አዲሱ ጉዳይ የማይድኑ ሃሳቦች ላይ ጊዜ ማጥፋት ትቼያለሁ። አቁሜያለሁኝ። የማይድኑ ሚዲያዎችንም አላዳምጥም። ስለዚህ ሙግቱ ቀንሷል ማለት ነው። ሌላ በልቤ ሙዳይ የነበሩ ወገኖቼ ሲያዛልጣቸው ባይም ልወቅሳቸው ግን አልደፈርኩኝም። ስለምን? መብታቸው ስለሆነ። እርግጥ ነው በልቤ ያላቸውን ቦታ እንዳያጡ ባላዳምጣቸው ስለሚሻል አቅሜን ቆጥበውልኛል። እንዳከበር...
ተጨማሪ ያንብቡ

የእኔ እማ ልዕልቴ እንዴት ነሽ?

-
ምስል
  እንኳን ወደ ቀንበጥ ብሎግ በሰላም መጣችሁልኝ። „አምላኬ አምላኬ ለምን ተውኽኝ? እኔን ከማዳን ከጩኽቴ ቃል ሩቅ ነህ። አምላኬ በቀን ወደ አንተ እጣራለሁ አልመለስህልኝም፤ በሌሊት እንኳን እረፍት የለኝም።“ (መዝሙረ ዳዊት ምዕራፍ 21 ከቁጥር 1 እስከ 3) ሥርጉተ©ሥላሴ Sergute©Selassie 03.02.2021 · የ እኔ እማ ልዕልቴ እንዴት ነሽ?   አላዛሯ ኢትዮጵያ እና ልጆቿ እንዴት እዬሆኑ ይሆን አዋዋሉ አስተዳደሩ?? እንደምን እዬሆንሽ ነው እማ! የእኔ ልዕልተይ! እናንተስ ማህበረ ንጹኃና ቅኖቹ የብራናዬ ታዳሜዎች እንዴት ናችሁ? ስለጤንነታችሁ፤ ስለሰላማችሁ አስባለሁኝ። እናንተ ለእኔ የህሊናዬ ቤተ - መቅደሶች ናችሁ እና። ይህን ስላችሁ ከንቱ ውዳሴ ይመስላችሁ ይሆናል። እመኑኝ ብዬ አልሞግትም። ጥሞና ላለው ሰብዕና እኔን እኔ አድርገው የሚመሩኝ የህይወት መርሆቼን አቤቱ ጉግል፤ ፊታውራሪ ዩቱብ ቢጠዬቅ ይመልስዋል። ዛሬ መስካሪ አለን። ትናንት ምን ዛሬ ምን እንደሆን። በልጅነት የሚያውቁኝም በዛው ልክ ስለመሆኔ ያውቃሉ። እራሴን አታልዬ ለመኖር አልተፈጠርኩበትም። እምጽፈው እራሴ የሆንኩትን ነው። እኔ እኔን መሆን ከተሳነው እኔ ለእኔ በተሰጠው የነፃነት ልክ መቆም ካልቻለ እኔ እኔን ማሰናበት ይኖርበታል። ይህ ደግሞ አይፈቀድለትም። ይህ መርሄ ነው። ·       ው ሃማ ባለቀለሙ ሃሳብ? ሃሳብ ሰላም ይሻል። ሃሳብ ፍቅር ይሻል። ሃሳብ አትኩሮት ይሻል። ሃሳብ እንክብካቤ ይሻል። ሃሳብ ሰው ይሻል። ሙሉሰው። ምራቁን የዋጠ። ስለዚህም ጊዜ መስጠት - ማድመጥ - አክብሮ ማወያዬት - ማሰከን ያስፈልጋል። ማንን? የንጉሶች ንጉሥን አጤ ሃሳብን። ሃሳብ አ...
ተጨማሪ ያንብቡ

እህት አጊቱ ጉደታ አገር ነበረች።

-
ምስል
  እንኳን ወደ ቀንበጥ ብሎግ በሰላም መጡልኝ። „የሰው ልብ መንገድን ያዘጋጃል። እግዚአብሔር ግን አካሄዱን ያቃናለታል። ምሳሌ 16 ቁጥር 9“   እህት አጊቱ ጉደታ አገር ነበረች።   ለእኔ ሰማዓት ናት አጊቱ! ጀግናዬም! „A cheese making business in the Alps is the project of Ethiopian entrepreneur, Agitu Ideo Gudeta. Forced to flee Ethiopia, she has built a new life in Italy.“   ·        እፍታ። የተወሰናችሁት እንደሚቆርጣችሁ፤ እንደሚፈልጣችሁ፤ እንደሚጨንቃችሁ፤ እንደሚያናዳችሁ አውቃለሁኝ ይህ መጣጥፌ። ዛር ካለም ጉሬያ ይፈቀዳል።     በፓን አፍሪካኒስቱ ብላቴ ጌታ ሎሬት ጸጋዬ ገ/መድህን መታሰቢያ ድህረ ገፅ፤ የራዲዮ ፕሮግራም ምስረታ እና ዝግጅት ስጀምረው እስከ ዛሬዋ ዕለት ድረስ በጣም ብዙ ተዘርዝሮ የማያልቅ መከራን ተቀብዬበታለሁኝ። እዬተቀበልኩበትም ነው። በዬትኛውም ሁኔታ ታግቻለሁኝ። የእኔን ሥም መጥራት እኔን ማድነቅ ማመስገን ውግዝ ከአርዮስ ነው።   ተዘርዣለሁኝ። ሥሜ ጠፍቷል። ተወግዣለሁኝ። ሁሉንም መከራ ፈቅጄ እና ወድጄ አስተናግደዋለሁኝ። ወደፊትም። ዕምነቴ ዕውነት እና መርህ ነው። መንገዴ ተፈጥሯዊነት፤ ሰዋዊነት፤ እኛነት ነው። ከዚህ ፈቅ የለም። የራሴ ጌታ እራሴ፤ የራሴ እንደራሴ እኔው እራሴ ነኝ። እኔ „እኔን“ መሆን ከተሳነው እኔ „እኔን“ ያሰነባተዋል። ይህ ደግሞ አይፈቀድለትም።   ዛሬ እንዲህ ልትክደን በወት ብርቱካን ሚዲቅሳም ዕወቅና ላይ በመትጋቴ እንዲሁ አሳሬን በልቸበታለሁኝ። በብላቴውም፤ ...
ተጨማሪ ያንብቡ