#የጃዋሪዝም #ሞገድ #ዳጥ።

"የቤትህ ቅናት በላኝ።"

ማህበረ አወንታውያውያን እንዴት አደራችሁልን? አወንታውያን የትውልድ #አንበል ናችሁና ደህንነታችሁ በእጅጉ ያስፈልገናል።

ትናንት ከአዲስ ኮንፓስ ጋር ውይይት ያደረገ ወጣት ጋዜጠኛ ነበር። ብዙ ጊዜ ሳዳምጠው ለእናት አገራችን ለኢትዮጵያ ያለውን ንጹህ ቅንነት አይበታለሁኝ። ለዚህም ነው ጊዜ ሰጥቼ የማዳምጠው። በጋዜጠኝነትም ህይወት ውስጥ ዝልቅ ተመክሮ ያለው ወጣት ነው። በዬትኛም ሁኔታ፤ በማናቸውም ጊዜ #ቅንነት ካዬሁ ወይንም ካዳመጥኩ እሳባለሁኝ። መዳኛችም ቅንነት ነው። ውድቀታችንም የቅንነት ፍልሰት ነው።

• https://www.youtube.com/watch?v=AC2qgGIlmbI

«የትራምፕ መንገድ፣ ለውጡና ምክክሩ፣ "ጊዜያዊ የተኩስ አቁም"

ወጣቱ ጋዜጠኛ አንተነህ የብልጽግና ጉዞውን የሚደግፍ ይመስለኛል። በጠሚር አብይ አህመድ የአመራር አቅምም ላይ ተመስጦ እንዳአለው አስተውያለሁኝ። ይህ ሙሉ መብቱም ነው። እኛ እንቃወም የለምን? ጋዜጠኛ አንተነህ ሙግት ሲኖርም በቀጥታ ይሞግታል። በተለይ ፕሬስ ህግጋት ላይ።

ስለ አዲስ አበባ ትናንት ሲገልጥም የመከፋት ግን ጊዜን የመጠበቅ አስፈላጊነት ፍንጭ የሚሰጡ ዝንባሌወችን አዳምጫለሁኝ። ዕውነት ለዴሞክራሲ የምንታገል ከሆነ የሚመቸንም፤ የማይመቸንንም ሃሳብ እኩል አዳምጡ ሳያጋንኑ፤ ወይንም ሳያይሸበሽቡ በሃሳብ መሞገት የተገባ ይሆናል። ያ ሃሳብ በብዙኃኑ ድምጽ ከፀደቀ በዛ መገዛት ግድ ይላል። እኔ እንዲያውም እኔ የማራምደውን ሃሳብ ከሚያነሱት ይልቅ ከእኔ ለዬት ያለ ሃሳብ ያላቸውን ባደምጥ እመርጣለሁኝ።

በአዲስ አበባ የቤቶች ፍርሰት ሁኔታ ዴሞግራፊ አለ ስለሚባለው ተጠይቆ እንደዛ እንዳልሆነ ገልጧል። ይህ ለአቶ ኤርምያስ ለገሰም ጠፍቶት ነው ብዬ አላስብም። በእኔ የኢትዮጵያ #የዘመኑ ፖለቲካ ባህሬ #መገለጫው አሉታዊ ዴሞግራፊ ነው ብዬ አምናለሁኝ። እኔ ዴሞግራፊን በሁለት እከፍለዋለሁ። በተፈጥሮ አደጋ ለሆነው ሰፈራ አወንታዊ ነው። በፖለቲካ ምህንድስና ብወዛ ሲሆን አሉታዊ እለዋለሁኝ።

ከግማሽ ሚሊዮን በላይ ኦሮምኛ ተናጋሪወች ከሱማሌ ክልል አፍልሰው ፦ ነዋሪወቹ ሳይፈቅዱ አዲስ አበባ እና ዙሪያ አስፍረዋል፤ በአንድ ቤት ብዙ መታወቂያ ይወጣ ነበር፤ በመምህርነት ሥምም እንዲሁ፤ ብዙ ነገር ማንሳት እንችላለን። ሌላው የተፈናቀለው "ሁሉም" ነው የሚለው። ይህም በአንፃራዊ ነው ሊታይ የሚገባው። ማነው አብዛኛው ብሎ መጠዬቅ ይገባል። ይህም ብቻ አይደለም የመንፈስ ነቀላ እና ተከላም የአሉታዊ ዴሞግራፊው አካል ነው። የዛሬ 30/40 ዓመት ካዛንችስ፤ ፈረንሳይ ሌጋሲወን ወዘተ ሥያሜን ማን ያውቃል???? ይህንን ደግሞ ዶር ለማ መገርሳ ነግረውናል። አቶ ሽመልስም በሬቻ ዋዜማ የአገኜናትን የ5 ዓመት ዕድል በ5 አባዝተን እንሠራበታለን ብለዋል። ጥድፊያውም ይህ ነው። አገር የምትበጀው በቀደመ ህዝብ ጥረት እና ጭብጥ ነው። በተሠራች አገር ነበርን ደርምሶ አዲስ ማንነት ማስታጠቅ ፍትኃዊ አይደለም።

የዓለም ጠይማን፤ የአፍሪካ ኩራት የሆነው የአድዋ ሥያሜ በመንትዮሽ ዜሮወች ሲሰዬም ይህን ምን እንበለው? እርጅናው ውበቱ፤ ዕድሜ ጠገብነቱ ሳቢነቱ፦ ፍልቅ ጌጥነቱ ስለሆነው የዓለም ቅርስ እና ውርስ፤ የአፍሪካም ብቸኛ ቤተ መንግስት በነጭ የአመድ ልቅልቅ ሲጥለቀለቅ፦ የአጤ ፋሲል ትንግርት ሲበወዝ ይህስ ምን ይባል ከቶ? የአሉታዊው ዴሞግራፊው ዓይነት አገርን በዊዝደም የሰሩ ድንቆችን አጥንት ከመቃብር እያወጣ የሚጠቀጥቅ ጉድ ስምዬለሽ ምጣት ነው - ለእኔ። አሉታዊ ዴሞግራፊም። ድክመትን ማድመጥም የአባት ነው። አዋቂን ማማከርም ትሩፋት። ሁለም ግን ልሙጥ እና ዝርግ ሆኖ ነው የማያው።

የሆነ ሆኖ ብዙ ጊዜ ለብስም፤ ጨረፍም፤ ቀዝቀዝም አድርጌ እማነሳው ሃሳብ የህወሃት ፈቅዶ እና ወዶ ለረጅም ጊዜ በተራዘሙ ስብሰባወቹ መካክሮም #ሰላማዊ በሆነ መንገድ ሥልጣኑን ስለማስረከቡ አመክንዮ ጉዳይ እገልፃለሁኝ። ዕውነት እና ሚስጢር ዊዝደም እና ትጋት የተዋህዱበት የታሪክ ገጠመኝ ስለነበረ ሂደቱ። ከወርቅ በላይ ዕንቁና አልማዝ ገጠመኝ ነበር። ለሥልጣን ተደራጅተው ለሥልጣን አልታገልንም ብሎ ቲም ገዱ ዕድሉን ውሃ የበላው ቅል ቢያደርገውም።

#ዕውነተኛው ሚስጢር ያለው ……

ከቀድሞው ጠ/ ሚር አቶ ኃይለማርያም ደሳለኝ #ህሊና ውስጥ ነው። በትናንትናው ቃለ ምልልስ ጋዜጠኛ አንተነህ የሚያውቀውን ዕውነት ገልጾል። 100% ትክክል ነው። የቀረው አቶ ኃይለማርያም ደስአለኝ ከዶቼቬሌ የእንግሊዘኛው ፕሮግራም ጋር በነበራቸው ቃለ ምልልስም ለብቁ ፖለቲከኛ የዕውነት አስኳል የሆነ በኽረ ጉዳይ አንስተዋል። መስክረዋል። ሃቆችን በጥሞና ማያያዝ በማስተዋል መተንተንም ይገባል።

ጋዜጠኛ አንተነህ የሚያውቀው ሃቅም ይኖራል ትናንት ገልጦታል፤ አመሰግነዋለሁም። ዕውነቱ ተወራራሽ ነው። ጋዜጠኛው ከተናገረው ሃቅ ጋር የተዛመደም ነው።

በሌላ በኩል ጋዜጠኛ አንተነህ የማያውቀው የወርቅ እንክብል አመክንዮም አለ። አቶ ኃይለማርያም ደስአለኝ ብቻ የሚያውቁት ሚስጢር። እንዲሁም አቶ ኃይለማርያም ደሳለኝ ሳቢያውን አውቀው #ምክንያታዊ ሃቁን ደግሞ የሚያውቁት ይኖራሉ። ከጋዜጠኛውም፤ ከአቶ ኃይለማርያም ደስአለኝም ዕውቀት ውጪ የሆኑ ፋክቶችም ስለአሉ። በዝምታ ተከድነው የተቀመጡ ዕውነቶች። በዛ ወቅት የሆኑትን ሁነቶች ልብ - ህሊና - ርጋታ ለሰጣቸው ፋክት አፈላላጊ ወገኖች በምልሰት ነጥቦችን ቢያይዙ የተወሰነውን የፋክት ሂደት እና ስኬት መዳረሻ ሊያገኙት ይችላሉ።

ሌላው ቀርቶ ጠሚር አብይ አህመድ ለምን 50% ካቢኒያቸውን፤ የፕሬዚዳንቱን ቦታ አክለው ለኢትዮጵያ #ሴት #ሊሂቃን እንደምን ሊሰጡ ቻሉ የሚለው በራሱ ወደ ዕውነቱ ሚስጢር አቅጣጫ ሊያደርሰን ይችላል። ያ ታሪካዊ ክስተት በአንድ #አክቲቢስት ያውም እንደ ረገበ አልጋ በሚያረገርግ የቅጽበት ሆሆምሻምሾ የተከወነ አልነበረም። ወጣትነት እና አፍላነት፤ ወጣትነት እና ቅጽበታዊነት ያን የመሰለ ክስተት የመፍጠር አቅም ይኖራዋልን????

ለዚህም ነው እኔ ሁልጊዜ አድራጊውም ፈፃሚውም እግዚአብሄር ነው እና ምስጋናውን እሱ ይውሰድ የምለው። ያን የ100 ዓመት ህልም፤ በተመክሮ የዳበረ፦ በኢኮኖሚም የደረጄ፤ በውል የተደራጀን የህወሃት ሰንሰለት የመበጣጠስ አቅም የነበረው ፈጣሪ ብቻ ነው። ለማገናዘቢያ ህወሃት ከፌድራል መንግሥቱ ጋር ጦርነት ሲጀምር የምዕራብውያን፤ የአውሮፓውያ ተሳትፎ ምን ያህል እንደሆን ላስተዋለ፤ ህወሃት ሥልጣኑን እንዲለቅ ሲወሰን የነበረውን ሁነት በንጽጽር በማገናዘብ የዕውነት መዳረሻውን ማገናዘብ ይቻላል። ለህወሃት በዓለም ዓቀፍ ደረጃ የነበሩ አባሎቹ እና ደጋፊወቹ ሆነ የዓለም የጤና ድርጅት ዲያሪክተር ዶር ቴወድሮስ አዳህኖም ህወሃትን ከሥልጣን መልቀቅ አላተረፋትም። ህወሃት መንበሩ ሲለቅ ምርኩዞቹ እኮ ሥልጣን ላይ ነበሩ። ሚስጢሩ ጥልቅ ነው። የማሳመን አቅሙ የአጤ ዊዝደም ነበር። በጦርነቱ ተመድን ቁጭ ብድግ ያደረገ አቅምን እንዴት መንበሩን እንዲለቅ ተደረገ???

ሌላ ጋዜጠኛ አንተነህ ያነሳው ወሳኝ ነጥብ አለ። በመንግሥት ሥርዓት ውስጥ ስለመስራት። ወሳኝ ጉዳይ ነው። በፓርቲ አባልነት እና በአካልነት በቋሚ በሰሩት ላይ እንኳን ሰፊ ልዩነት አለ። መዋቅር ውስጥ ገብቶ መስራት አዲስ ማንነት ነው። በቅርቡ ፕ/ ዶር ብርሃኑ ነጋም አበክረው ሲገልፁት ሰምቻለሁ። እንዲያውም እሳቸው #የኮንፒተር ትግል ነው ያሉት - የቀደመውን የትግል ምዕራፋቸውን። እኔ የሞገድ ትግል የምለውን ዛሬ በድርጊት ገብተውበት ስለሚያውቁትም ምስክር ሆነዋል።

ከፕ/ ዶር መራራ ጉዲና የበለጠ ተመክሮ ፕ/ ዶር ብርሃኑ ነጋ በአሁኑ ሰዓት አላቸው። ይህ ሃቅ ነው። የኢትዮጵያ ሊቃናት #ጃዋሪዝምን ለጠሚ ሲያጩ እምደነግጠውም በዚህ አመክንዮ ነው። ሲስተም ውስጥ ገብቶ የዲስፕሊኑን ሁነት የማያውቅ፤ ሞገድ ላይ ያለ አቅም ሲስተም ላይ ከሰራው ጋር ፈጽሞ ሊገናኙ፦ ሊፎካከሩም የማይችሉ ሂደቶች ናቸው።

ወደ ቀደመው ሃሳቤ ስመለስ አቶ ጃዋር መሃመድ (ሃጂ) ሁልጊዜ እኔ "ካልኩቴሩን ሰራሁት፤ መሃንዲሱ እኔ ነኝ፤" በሌሎችም "ሳይንቲስቱ ጠቢቡ፦ ስትራቴጅስትነትም" ሲባል አዳምጣለሁኝ። ወደ 10 ዓመት ሊሆን ነው። አገር ቤት ሲገባም አቀባበሉ፤ ክብሩ፤ የመፍትሄ ፈላጊው ደጅ ጥናት ሁሉ ላስተዋለው ይገርማል። ያ ሁለ ውቂደብልቂ እያዬሁ ዝም ነበር ያልኩት። ሰሞኑን ግን ደፍሮ #ተሃድሶውን ሲሰራ በተከታታይ ሞግቸዋለሁኝ። ዕውነቱ የት ላይ እንዳአለ ጠንቅቄ ስለማውቅ። አቆላማጭ ሚዲያወቹ እሱን ቃለ ምልልስ ሲያደርጉ ልክ እንደ አንድ ጠሚር ነው አክብሮታቸው። ይህም ይገርመኛል። የፕሮቶኮሉ ቀለም ዝበት ስላለበት።

ለእኔ አቶ ጃዋር መሃመድ (ሃጂ) የፖለቲካ ሳይንስ ሙሁር፥ አክቲቢስት እና የሚዲያ መሥራች እንደሆነ ነው የሚገባኝ። ስለዚህ በልኩ አከብረዋለሁ፤ በልኩ ጎሎቶ ሲመጣ በማውቃቸው እውነቶች የኮፒ ራይት ፍጥጫ ሲኖር ደግሞ ይሞገታል።

የሰው ልጅ ክብር መውደዱ ጤናማ ነው። የሰው ልጅ ሲፈጠርም በክብር - ለክብር ነው። ነገር ግን ያልሰሩትን፤ ያልነበሩበትን ካፒቴን ነኝ ያቅለሸልሻል። አስተዋፆ አድርጊያለሁ ያዋጣል። እራስን መዋሸት ግን በተለይ ፖለቲካ ማንነቱ ለሆነ ሰብዕና የተገባ አይመስለኝም።

ያ ድል ከቅኑ የቀድሞው ጠሚር ኃይለማርያም ደሳለኝ እና ከውዷ፦ ከጭምቷ የቀድሞ የኢትዮጵያ ቀዳማዊ እመቤት ከነበሩት ባለቤታቸው ውህድ #ፈቃድ ጋር በፈቃደ እግዚአብሄር ኃይል የተከወነን የዘመን ትንግርትን ነበር፦ እኔ ሰራሁት ብሎ ቃሉን ማውጣት በራሱ ድፍረት ነው። ክብር መሻት በተገበሩት ልክ ነው መሆን ያለበት።

ነገርን ነገር ያነሳዋል እንዲሉ ከግንጫው ንቅናቄ በፊት አቶ ሞገስ አስጎዶም የኤርትራውን ትግል ትተው እጃቸውን ለህወሃት ሲሰጡ 500 የጎንደር ወጣቶች " የፈራ ይመለስ" የተሜን መርሆ ቲሸርት በራሳቸው ወጪ አሰርተው ሰላማዊ ሰልፍ ወጡ። ብዙወቹ ብዙ መከራን ተጋፍጠዋል። የተሰወሩም ይኖራሉ። ከዚህ በኋላ ነው የግንጪያው ንቅናቄ በራሱ አቅም የፈነዳው። የጎንደሩ እና የጎጃሙ የአማራ የማንነት እና የህልውና ተጋድሎም በራሱ ጊዜ ፍፁም በተደራጄ ሁኔታ አብዮት ሲቀጣጠል የኮፒራይት ባለቤቶች መሬት ላይ የነበሩ ጀግኖች የሠሩት ነው። የቄሮ ንቅናቄ ከእሬቻ ሰማዕትነት ጋር ተያይዞ የመጣ ነው። የአትሌት ሊሊሳ ግሎባል ንቅናቄ የእሱን አቅም ለመሻማት የነበረው የፖለቲካ ድርጅቶች ሻሞም እንደ አልባሌ የሚጣል አይደለም። ብዙ የተከደኑ አመክንዮወች አሉበት። እራሱ አርቲስት ይሁኔ በላይ "#ሰከን" የሚለው ጥበቡ ያገዘው ነገር ነበር።

እንደ ሚዲያ ኢሳት፤ ዘሃበሻ፤ ሳተናው፤ የጃዋሪዝም ሚዲያ OMN፤ ህብር ወዘተ ብዙ ሚና ነበራቸው። አንኳሩ አድራጊም፤ አስደራጊም ሚስጢሩ ግን አቶ ኃይለማርያም ደስአለኝ ሥልጣናቸውን ደስ ብሏቸው ለመልቀቅ #መፍቀዳቸው ነው። ከደቡብ አሁን ከሆነ እምሰማው አቶ ኃይለማርያም ደስአለኝ እንዲለቅ እኛ ባንፈቅድ ኑሮ አይሳካም ነበር ሲሉ ሰምቻለሁኝ በዚህው አዲስ ኮንፓስ ሚዲያ። በዛ ወቅት በፍጹም አይችሉም ነበር። ደቡቦች የአቶ ኃይለማርያም ደስአለኝን ውሳኔ ማስቆም። በፍጹም። በሌላ በኩል ድርሻ አለን ለማለት ቢችሉም ለ18ቱ የመጋቢት 2010 ዓም ሹምሽር ያዋጡት ድምጽ ምን ያህል ነበር???

ጋዜጠኛ አንተነህ እንደ አነሳው አቶ ኃይለማርያም ደስአለኝ ፈቃዳቸው ዶር አብይ አህመድ እንዲሆኑ ነበር። እኔም ይህን አገላለጽ አምንበታለሁ። በዚህው ዙሪያ የማረጋገጫ ሂደትም ስለነበር። ስለሆነም የአቶ ኃይለማርያም ደስአለኝ ሪኮመንዳሽን #እክል አልገጠመው። ሌላ ማጠናከሪያ ጉዝጓዝ ስለነበረው።

ደቡቦች አቶ ሽፈራው ሽጉጤን ነበር የደገፋት። ሌላው አቶ ደመቀ መኮነን ከጠቅላይ ሚኒስተርነት እጩነት እራሳቸውን ማግለላቸው ፈቅደው፤ ወይንስ የሌላ ኃይል ተጽዕኖ ነበረው የሚለው ተከድኖ የቀረ ሚስጢርም ነው። አቶ ኃይለማርያም ደስአለኝ ዶር አብይ አህመድን እጩነት የተቀበሉበት ወሳኝ አመክንዮ በሳቸው ሥር ሆነው ዶር አብይ አህመድ ሳይንስና ቴክኖሎጂን በሚኒስተርነት ማዕረግ መርተዋል።

እማልረሳው "ከእርምጃ ወደ ሩጫ" የሚል ሞቶም ነበራቸው። ሳይንስና ቴክኖሎጂ ከግቢው ጀምሮ ቤተሰቡ በፀና የተግባር አለት የተገነባ ነው። ያን ጊዜ ያደርጉት የነበረ ንግግርም ፍፁም ሰውኛ እና ተፈጥሮኛ ነበር። እክታተላቸው ስለነበር ያ ሰብናቸው ሩህሩህ እና ትጋት ነበረው። ዛሬ እማዬው ደግሞ በፍፁም ሁኔታ ከዛ ሩህሩህ ሰብና ውጪ ሆነው ነው። ለምን? እሳቸው ይጠየቁበት።

በስንት ርቁቅ በሆነ ልቅና እና ጥበብ በስክነት የተከናወነ የሽግግር ስርዓት አንድ ጊዜ በሚፈላ፤ ሌላ ጊዜ በሚተን፤ አንድ ጊዜ ለብ በሚል ሌላ ጊዜ በሚጋገር በረዶ፤ አንድ ጊዜ #ፏ ሌላ ጊዜ #ጧ በሚል በቅጽበት ላይና ታች በሚረግጥ ሰብዕና ያ ድንቅ ታሪካዊ ሂደት አልተመራም። የዛ የስልጣን ሽግግር ሁነት በፍፁም በአንድ አክቲቢስት ካፒቴንነት የተመራ አይደለም። ወደፊትም አይሆንም። ለዚህም ነው መንግሥት መገልበጥ "አይሰልችህ" እና ሞክረው እና አሳዬን ብዬ አቶ ጃዋር መሃመድን (ሃጂ)የሞገትኩት። ያን ጊዜ ትዝ ብሎት የማያውቀው የሎቢ ሥራ በትጋት ላይ እንደ አለ እያጫወተን ነው - አሁን ከሆነ። እኔም ውሽክ እላለሁኝ። ከተሳካለት ይሞካክረው።

ለኢትዮጵውያን ርጋታ ቀለባቸው ለሆነው እማስገነዝበው ግን ሁልጊዜ ዕሳቤያችሁ በጥገኛ ዕሳቤ ላይ እምነት ባይጥል ባይ ነኝ። በተለይ ዝምተኛው ብዙኃን ነው። ሙሉ አቅምም አለው ሳይለንት ማጆሪቲው። እሱን አትናቁ። ፀጥ ብሎ የልቡን በስክነት የመፈፀም አቅምም #አቅል አለው እና። አደበኛም ነው። ግን እዩኝ እዩኝ አይልም። አንገተ ደፋታ እና ዓይን አፋር ነውና። ስለ እናቱ፤ ለእናቱ፤ ስለፋክት ሆነ ስለመርህ ግን ቃሉን ጠባቂ ነው። የውዳሴ ከንቱ ኳኳቴም አያሰኜውም።

ምንም፤ ማንም ሳይኖር ቢቀር የኢትዮጵያ ህዝብ እራሱን የመምራት አቅም አለው። ጨዋ ስኩን ህዝብ ነው ያለን። ጸሎቱም ድዋውም ኢትዮጵያን ይታደጋታል። ልዕልቷን ያቆማትም ያ ነው። ስለሆነም አቶ ጃዋር መሃመድ (ሃጂ ) ብቻ ተወዳዳሪ ቢሆን፤ ሌላ ባይኖር፦ ሌላ አማራጭ የለም ቢባል ሥርጉተ©ሥላሴ አቶ ጃዋር መሃመድን (ሃጂ) ለኢትዮጵያ መሪነት #አትፈርምም። ብሞት እንኳን አጥንቴ የማይፈቅደው ነገር ይህን ሃቅ ነው። ጥሞና ጊዜውን ግን አሁንም እመሰጥበታለሁኝ። በተጠሞነው ልክ ነው ብዬ ግን አላምንም። ሰሞኑን የሰጣቸውን ተከታታይ ቃለ ምልልሶች ሳደምጥ። ረጅም ጊዜ የወሰደው የጥሞናው ጊዜ ለውጥ በሰብዕናው ያመጣል ብዬ ተስፋ አድርጌ ነበር። ተስፋዬን አላገኜሁም።

በሌላ በኩል ከኦነግ መሥራቾች #ሌንጮይዝም በላይ ጠሚር አብይ አህመድ የፈለጉትን በፈለጉት ሁኔታ እዬፈፀሙ የማህበረ ኦነግን ህልም ካቀዱት በላይ እየፈፀሙላቸው ነው። ለዛውም #አዘምነው በቁልምጫ። አሁን የትኛውም የማህበረ ኦነግ ሊቃናት አጀንዳ አልባ አድርገዋቸዋል።

#ኢትዮጵያን በቀጣይ ለመምራት ………

በምን የሰብዕና አቅም? በምን የክህሎት አቅም? በምን ለተፈጥሯዊነት እና ሰዋዊነት አቅም? አንድ የቀበሌ ማህበር ሊቀመንበር ጃዋሪዝምን አሳምሮ ይበልጣል። የህዝብ አገልጋይነት መሬት ላይ ተፈትኖ ማለፍ አለበት። ለምሳሌ አርበኛ ዘመነ ካሴ እና አቶ ጃዋር መሃመድ (ሃጂን) በሲስተም ውስጥ ገብቶ በመስራት ይበልጠዋል። በኢህአዴግ የወጣት ክፍል ሰርቷል። ሌላው ቀርቶ በግል ድርጅት እና በመንግስት ተቋማት መሥራት እራሱ ዲስፕሊኑ የተለያዬ ነው። እንኳንስ ያልተሞከረው።

ሊቅነት ብቁነት መርጠው በተቀላቀሉት የፖለቲካ ድርጅትም ቁልፍ አካል ተሁኖ ከታቱ ዥግራ ድርጅቱን ማውጣት ይጠበቃል። የኦፌኮ ም/ ሊቀመንበሩ አቶ ጃዋር መሃመድ (ሃጂ) በኦፌኮ ዲስፕሊን፤ ማኒፌስቶ ታርቆ ማለፍም አልሞከረውም። ይህ ሰብዕና የአፍሪካ አንከር፤ የጥበብ ምድር፤ የቀደምትነት አውራ፤ የፓን አፍሪካኒዝም መሥራች፤ በሳይንሱም የሉሲ ምድር፤ የዕምነት አንባ፤ የተመድም ቤተኛ፤ የድል እመቤት እራሷ ም ፍልስፍና እና ሳይንስ የሆነችን አገር አክቲቢስት ይሞክራት ብሎ መበዬን የሚያሳዝን ብይን ነው። "ምን ብቀጥን ጠጅ ነኝ ይላሉ" ጎንደሮች ሲተርቱ። ……… እና በዚህ ዙሪያ ዝም የማይሉ ሚሊዮኖች አሉ።

የበታች ሆኖ፤ ታዛዥ ሆኖ፤ ከሥርም፤ ከጎንም፤ ከላይም ከታችም ሆኖ መፈተን ይገባል። ለአገር መሪነት እጩነት አቶ ጃዋር መሃመድን (ሃጂን) ማቅረብ እራስነትን መፈተንም ነው። ድፍረትም ይመስለኛል። ኢትዮጵያን አቅሎ የማዬትም ገመናም ነው። ሊሞገት ይገባልም። "በሞኝ ክንድ ጉድጓድ ይለካበታል።" ስንት ጊዜ እንጃጃል???? እራስ ይመርመር።

በዚህ አጋጣሚ የቀድሞ የኢትዮጵያ ጠሚር አቶ ሃይለማርያም ደስአለኝ ሞአ ፋውንዴሽን ይሸልማቸዋል ብዬ አስቤ ነበር። ለምን እንደ ዘለላቸው አላውቅም። ፋውንዴሽኑ በፈቃዳቸው ሥልጣን ለሚለቁ ይሸልም ነበር በቆዬው መረጃ። የአሁኑን ባላውቅም። አቶ ኃይለማርያም ደስአለኝ ሊመሰገኑ ይገባል። ባለቤታቸውም የቀድሞዋ ቀዳማዊ እመቤትም እንዲሁ።

#ክወና።

ዝም ያሉ ዕውነቶች ብቅ ሲሉ የያጎረፈው ውሃ ይጠራል።

ቸር አስበን፤ ቸር እንሁን።

ቅን አስበን፤ ቀና እንሁን።

· https://sergute.blogspot.com/2025/01/blog-post_36.html

የአቶ ጃዋር መሃመድ (ሃጂ) የለሽታ ዘመን ሂደት #ስንብት በመባነን አህዱነት ለዛሬ --- ክሱቱነት። #የት ተባጄ?????!!!!

· https://sergute.blogspot.com/2025/01/blog-post_22.html

እኔ በመራሁት #አንድም #የትግራይ #ተወላጅ #አልተጎዳም።" (አቶ ጃዋር መሐመድ (ሃጂ) ከጋዜጠኛ ቴወድሮስ ጸጋዬ በርዮት ሚዲያ በነበረው ቆይታ። ) የአማራ ህዝብ ከቀደምቶቹ ጋር ሆኖ ባበጃት አገሩ ያን ያህል ግፍ የተፈፀመው #በወል ውሳኔ ነው ለካ።

· https://sergute.blogspot.com/2025/01/blog-post_34.html

"ጠሚር አብይ አህመድ እና አቶ ጃዋር መሃመድ ሁለቱ ብቻ ለምርጫ ቢቀርቡ ምርጫዬ አቶ #ጃዋር #መሃመድ ነው። (ዶር ዮናስ ብሩ በአንድ አፍታ እና አንከር ሚዲያ። ) ኢትዮጵያን እንዴት ብትለካ? እንደምን ብትገመት? እኔ ሥርጉተ ሥላሴ ተወዳዳሪ አቶ ጃዋር መሃመድ (ሃጂ) #ብቻ ቢሆን #ምርጫዬ አይሆንም። በፍፁም።