የ12ኛ ክፍል መልቀቂያ ፈተና አሰጣጥ እና የሚኒስትሪ ቀጣይ ዕጣን በሚመለከት የት/ሚር የወሰደው ደፋር እርምጃ ጥሩ ነው።
እንኳን ወደ ቀንበጥ ብሎግ በሰላም መጡልኝ።
የት/ሚር ደፋር
እርምጃ ጥሩ ነው።
„ወርቅና ብዙ ቀይ አንቚ ይገኛል፤
የዕውቀት ከንፈር ግን የከበረች ጌጥ ናት።
መጽሐፈ ምሳሌ
ምዕራፍ ፳ ቁጥር ፲፭“
ከሥርጉተ©ሥላሴ
Sergute©Selassie
ከጭምቷ ሲዊዘርላንድ።
እፍታ
በመሆን ውስጥ ያለ መኖር ሥነ - መኖሩ ዕውቅና ያለው ነው። በመኖር ውስጥ ያለ አለመኖር ደግሞ
ሥነ - መኖሩ ስሩዝ ነው። በመሆን ውስጥ ያለ መኖርም ሥነ - ሰውነቱ ህልው ነው። በመሆን ውስጥ የሌለ መኖር ደግሞ ሥነ - ህይወቱ
ተደፍሯል።
በመደፈር እና በማስደፈር ያለው ድልድይ ደግሞ እንደዬሰብዕናው ኩሰት ወይንም ጥንዙልነት፤ ወይንም
ቀጥነት፤ ወይንም ዝልቅነት ይወሰናል። ድልድዮ ደግሞ እውነት ከሆነ ከቀጥነት ከዝልቅነት ጋር ሲዋደድ፤ ዕብለት ከሆነ ግን ጥንዙልነት
እና ኩሰት ይገጥማዋል።
በዚህ ማህል አዲስ ትውልድ፤ ተተኪ ትውልድ፤ መጪ ትውልድ ደግሞ አለ። ይህ የትውልድ ሂደት ባለማቋረጥ
ሲከታታል ቁጬታው በቁጭታ መዳህነት ከተባዛ ወይንም ከተደማመረ ትውልድ ተከታይም፤ ተተኪም፤ መጪም ትውልድ የብክነት አንፓዬር ሥጦታ ይቀርብለታል። በዚህ ስምጠት ባናወዘው የብከነት ኢንፓዬር ውስጥ ማግሥትን ማሰብ ይከብዳል።
መሰረታዊ ጉዳይ ሊሆን የሚገባው በቀጣይ ትውልድ ላይ ልብ ያለው ተግባር ለመከወን ከብክነት የሚታዳግ፤
ጭምት፤ ምራቁን የዋጠ እስተውሎት ይሻል።
የወግ ገበታ።
የሰሞኑ የት/ሚር ከግልቦ ንድፍ ወጥቶ እንደ ቀደመው የ8ኛ እና የ6ኛ የሚኒስትሪ ፈተናን አሰጣጥን፤
የሁለተኛ ደረጃ ማጠናቀቂያ የደረጃ ልክን ጨምሮ፤ የማትሪክ ፈተና አሰጣጥን ለማሻሻል ወይንም በምልሰት ራሱን ወቅሶና፤ ራሱን ነቅሶ ወደ
ቀደመው የአባት እናቶቻችን በሳል፤ ምራቁን የወጣ ብጡል የትምህርት ደረጃ አወቃቀር እና ሂደትን ለመቀበል መወሰኑ ደፋር እርምጃ ነው። ያው በዚህ ዓመት በሺህ የሚቆጠሩ ልጆች ከትምህርት ገበታች መነጠላቸው ልዩ ህመም ቢሆንም።
ስለ ማግሥት፤ ስለነገ ማሰብ እንደ ቅኔው ዕንቡጥ እንደ አርቲስት ቴወድሮስ ካሳሁን ከሆነ ነገ
ይድናል። ማሰታዋሉን አብዝቶ የሰጠው በሳሉ የኪነ - ኪናዊው አርቲስት ቴወድሮስ ካሳሁን የሚሠራው የጥበብ ተግባር አላዛሯ ኢትዮጵያ
ልትመራበት የሚገባ ማንፌስቶ ነው። በቅርበት በርቀት በልዩ ቃና አዋዶ ታላቅ ተቋም የከፈተ ድንቅ ወጣት ነው። የበሰለ ነው።
የሱ ተምክሮ ከራሱ ከውስጡ ነው የተነሳው፤ ትውስት ብድር ቅርምት አልባዘነም። የሰው ልጅ ከራሱ መነሳት ይኖርበታል። ሲያጣ ነው ትውስት መሄድ የሚገባው።
አንድ አገር ሲቸግረው ነው ቅልውጥ መሄድ የሚገባው፤ ሲነጣ ነው ብድር መሄድ የሚገባው። የእኛ
ችግር ደግሞ ግርሻ የፈጀውን የትውስት ነገር መከተል እና ኢትዮጵያን የመሞከሪያ ጣቢያ የማድረግ የዬዘመኑ ችግር
ነው። ኢትዮጵያ ብዙ
ነገር ያላት የሚስጥራት ቁልፍ አገር ናት። ነገር ግን ወደ ውስጥ ማዬት ተስኖ ነው ይህን መሰል ፍቀት እና ፍልሰት በዬዘመኑ የሚገጥመው። ትውልድ ባከነ፤ ትውልድም ተቃጠለ።
የሆነ ሆኖ ወደ ቀደመው ስመለስ የትውልዱ የጆሮ ዓይን፤ የትውልዱ የማግስት መሰረቱ የትምህርት
ሥርዓቱ ጥራት ነው። ይህ የትምህርት ሥርዓት በዝበት ከሆነ የህሊና መሰናዶ ክፍለ አካል አንጎል ተበላሽቷል ማለት ነው። ሞተር የለሽ መኪና፤ የ27 ዓመቱ መከራ ይሄው ነው።
መከራው ለ27 ዓመት ብቻ አይደለም በዛ መከራ ውስጥ ያለፉ ትውልዶች አመልጠውናል። ምልጠታቸው
እነኛ ልጆች ቤት ትዳር አላቸው። ልጆች አላቸው። በወረሱትን የአቅም ልክ ነው ለልጆቻቸው የሚያወርሱት። ሰለዚህ የችግሩን ተዋራራሽነቱን
ዘለግ አድርጎ ማሰብ ይገባል። የአሁኑ የት/ሚር ውሳኔ እንግዲህ ውጤቱ የሚለካው ባነሰ ግምት 16 ዓመት ሊፈጅ ይችላል። የ27 ዓመቱን እዬዳከርንበት ስለሆነ። እውቀት ፊት ለፊት የሚታይ ክስተት አይደለም። ዕውቀት የሂደት ውጤት ነው።
ሌላም ት/ሚር ሊያስብበት የሚጋባው መሰረታዊ ጉዳይ አለ ብዬ አስባለሁኝ። የመምህራንን የሥነ
- ልቦና መሳናዶ? አሁን ጨለማውን አቶ በቀለ ገርባን የዩንቨርስቲ መምህር አድርጎ ማስቀጥል ወንጀል ይመስለኛል። ናዚን እንዴት አድርጎ ህሊና
እያለ መምህር ሁን ተብሎ ይፈቀዳል። መርዝን እንዳሻህ ዝራ ይባላል? ደሞዛቸውን እዬወሰዱም ቢሆን ከትምህርት ገበታው ማውጣት ግድ ይሆናል። ሃላፊነት ችሎታ አቅም ካለው የክቡር ት/ሚሩ ጽቤት
ት/ሚር ይህንንም በቀጣይነት መድፈር
ይጠበቅበታል። ወንጀልነቱ ትውልድን ከመግደል ላይ ስለሆነ።
ተማሪዎች በዬደቂቃው ያን ጨላማዊ ፋሽስታዊ መንፈስ እዬተመገቡ፤ እዬተገላመጡ፤ እዬተገለሉ ነገን እሰቡ
ሲባል መቼም ግፍ ነው። ለስታፉም ከባድ መርግ የሆነ ገጠመኝ ነው። ለዩንቨርስቲ አሰዳደሩም የተጫነበት ግማድ ወይንም ቀንበር ነው።
የመድረክ ድርጅት ባለሟሉ የአረናው አቶ ግብሩ ሥስራት ከአሜሪካው ድምጽ ጋር በዛው ሰሞን በዳረጉት ቆይታ ይህን ግንግን አሳርና አሳር አላዬሁም ብለው ለሥልጣን ቁምጥ ያደረገው ሲሉ አብን ወርፈዋል፤
እሳቸው ምን ያህል ዕድሜ ላይ ሆነው አሁንም የሽምግልና ግዜያቸውን የሙጥኝ ያሉት እምን ላይ እንደሆነ ስተው። ያው አረናም የመድረክ ማህበርተኛ ስለሆነ ጉዳዩ በቀጥታ ይመከታቸዋል። ጀግንነት፤ ድፍረት ይህን የመሰለ ህገ - አራዊት አረምን ንድፍ ጠንሳሹ ጋር አብሬ እሳራለሁ ማለቱ ነው ገመናውስ።
አቶ በቀለ ገርባን የባቢሎን ግንብ አናፂውን ለናሙና አነሳሁኝ እንጂ እንዲህ መሰል በሽታ ያለባቸው ነፍሶች ለዬትኛውም ማህበረሰብ
የማይበጁ ስለሆነ የሚገባቸውን ካሳ ሰጥቶ ማግለል ይገባል። ምክንያቱም መርዝ አስተምር ብለህ መልቀቅ ከአንድ ሃላፊነት ከሚሰማው የት/ሚር
አይጠበቅምና።
ይህ ለ ዓለሙ ማህበረሰብ ቢገለጥ ውግዝ ከአርዮስ እንደሚባል የታወቀ ነው። ሃሳቡን ማራመድ ይችላሉ እንሰሳ ተከታይ መንፈስ ካገኙ፤ ግን የዩንቨርስቲ መምህርነቱ ግን ውልግድ ለተተኪ ትውልድ አመደነት አብሮ መተባባር ነው።
የዬክልሉ መሪዎችም ጉዳዩ የሚመለከታቸውም አካላት ቢሆኑ በዚህ ጉዳይ የጠራ አቋም መያዝ ይገባቸዋል። ልጆቻቸውን
ወደ ት/ቤት ሲሄዱ እንዲገለሉ፤ እንዲጨቆኑ፤ መርዝ እንዲረጭባቸው፤ እንክርዳድ ዐዕምሯቸው እንዲያበቅል አለመሆኑን አጀንዳ ይዘው ሊወያዩበት ይገባል።
ልጆቻችን አንልክም ብለው ሁሉ መሞገት ይገባቸዋል እሳቸው በመምህርነት በሚያስተምሩበት ት/ቤት። እንዲያውም ከ እስር ሲፈቱ ት/ሚር የመሆን ሁሉ ፍላጎት ነበራቸው። እኔ እንዳስተዋልኩት።
ልጆች ወደ ት/ቤት ሲሄዱ ለተፈጥሯዊነት እና ለሰባዕዊነት ቅርብ እንዲሆኑ፤ ተቆርቋሪ እንዲሆኑ እንጂ ተፈጥሯዊነትና ሰዋዊነት ተጻረው በዛ ተመርቀው እንዲወጡ አይደለም።
በዩንቨርስቲ ቆይታም ልጆች አብሮ መኖርን፤ አብሮ መኖርን ተከትለው የሚመጡ ቤተሰባዊነትን፤ ፍቅርን፤
ጋብቻን፤ አበልጅነትን፤ የአንድ ተቋም ማህበርተኝነት ሁሉ እንደ አመጣጣቸው የሚያስተናግዱ ሆኖ ሳለ፤ በተቃጠለ መንፈስ እዬተገረፋችሁ የቆይታ ጊዜያችሁን ታማችሁ አጠናቁ ወንጀል ነው። ህግ ቢኖር ኢትዮጵያ ት/ሚር ሊከሰሰብት የሚገባ በኽረ ጉዳይ ነበር ይሄ።
እኔ ብናገረው ምስላቸውን ለማዬት እንኳን ዓይኔ አይደፍርልኝም። እኔ „የፍቅራዊነት አባት“ የሚል
አንድ ሰፊ መጣጥፍ ለሁለተኛ ጊዜ ሲታሰሩ ጽፌ ነበር። ያን በመጻፌ አልቆረቆርበትም።
ዓለም ህሊናን የሚያነብ መሳሪያ ስላልሰራች።
ምን አለ ሳይንቲስቶቻችን የሰውን ልጅ ውስጥ የሚያነብ መሳሪያ ቢሰሩልን? እስኪ ሳይንስቶች እሰቡበት። አቅምም፤ ጊዜም፤ መዋለ መንፈስንም
ይቆጥባል። ሲኦልን የፍቅራዊነት አባት አድርጌ ስጽፍ መርምሩት? ደጉ ሳተናው ድህረ ገጽ ላይ ይገኛል። ድርጃታቸው ኦፌኮንም ዕውቅና እንዲያገኝ እግዚአብሄር በሚያውቀው ልባም ተግባር ተከውኖበታል።
ወደ ቀደመው ምልሰት ሳደርግ ት/ሚር የሚባለው ተቋም እንዲህ መሰል አውሪያዊ ሰብዕና
ያላቸውን ነፍሶች ላይ የማያዳግም አስተማሪ እና መምህር እርምጃ ሊወስድ ይገባል። ት/ሚር ሐዋርያዊ ተልዕኮውን ሲወጣ ሰማዕትነት ይኖራል። ሰማዕትነት ደግሞ
በችሮታ ወይንም በልምምጥ፤ ወይንም በይሉኝታ፤ ወይንም በግዴለሽነት ሳይሆን ዕብለትን በመዳፈር
ለዕውነት ዘብ በመቆም፤ ሃቅን በማበልጸግ ራስን በመገበር ይሆናል።
ትውልድ የሚባለው ንፋሱ፤ ሳር ቅጠሉ፤ ወንዝ ተራራው ሳይሆን ሰው ነው። ስለሆነም የሰው ህሊና
በሚበጀበት ታላቅ ተቋም አቶ በቀለ ገርባን የመሰለ ስለምን የተባባሩት መንግሥታት ተመሰረተ? ስለምንስ የዓለም የምግብ ድርጅት ተመሰረተ?
ስለምን
ግሎባይዜሽን 21ኛውን ምዕት መራው? ስለምንስ ቀይመስቀል ተፈጠረ? ስለምንስ አምኒስት ኢንተርናሽናል ተፈጠረ? ስለምንስ ክርስቶስ ብዙ ተባዙ ምድሪቱን ሙሏት ብሎ መረቀ ፈጠረን ብለው የወጡ ሰው
ስለሆኑ የማያዳግም እርምጃ ሊወሰድ ይገባል።
አይደለም ሰው እንሳሳት ቤተሰብ አላቸው። እሳቸው ግን ከቤተሰብ አመሰራረት ጀምሮ ዝበት የዘፈነበት
ጭራቃዊ ምልከታ ነው ያላቸው። ታዲያ ያን ድውይ ኩፍኝ ይዘው የዩንቨርሰቲ መምህርነት መቼም እግር ዓይን ሆነ የማለት ይሆንበኛል።
ክወና።
ስለዚህ ት/ሚር ስለ 12ኛ መልቀቂ ፈተና አሰጣጥ እና ቀጣይ ዕድሉ እርምጃውና ካ ፈር አይመልሰኝ ብሎ እንደ ደፈረው ሁሉ
ይህንም ዘመናኛ አራዊትነትም ይደፍረው ዘንድ በትህትና አሳስባለሁኝ። ይህ የመጀመሪያ ትሁታዊ ማሳሰቢያ ነው። በቀጣይም በሁሉም ዘርፍ እተጋበታለሁኝ።
ነገን ከታሰበ፤ ማግሥት ከታሰበ፤ ስለ ትውልድ ግድ ካለው ት/ሚር በዚህ ዙሪያ ጥርት ያለ ደፋር፤
ቀጥተኛ፤ ጀግና እርምጃ ያስፈልገዋል።
„እግዚግዚአብሔርን መፍራት ወደ ሕይወት ይመራል“
የኔዎቹ ኑሩልኝ።
መሸቢያ ጊዜ።
አስተያየቶች
አስተያየት ይለጥፉ