ራያዊት ትርሲት!

ዓይነት የወጣላት ዓመት!

  „አቤቱ በድንኳንህ ውስጥ ማን ያድራል?

   በተቀደሰውም ተራራ ማን ይኖራል?

„በቅንነት የሚሄድ፣ ጽድቅንም የሚያደርግ፣“

በልቡም ዕውነትን የሚናገር።

(መዝሙር ምዕራፍ ፲፬ ከቁጥር ፩ እስከ ፪)

ከሥርጉተ©ሥላሴ( ከድንቋ ሲዊዝዬ)

              ማሾውም በጣዝማ ማር ጮሪት በፍቅር

              የቅኔ ማህሌት የጥዋት ጠሐይ በር።

              ፏፏቴው ወርቦ ጸጥ ብሎ ታዳሚው

              እልልታ በዓይነት በውስጠት ገረመው።

              እሩቁ ህልማችን ፍጥነትን ተክህኖ

              ናፍቆትን ቀደስ ተግቶ በተደሞ።

              ህሊናው በማሳው ጸደይን አፍርቶ

              የጥንት የጥዋቱ ትውፊቱ ጎምርቶ።

              ወይ ሞገስ አስገዶም አንተ ሁነኛችን፤

              ወይ አብረሃም ደቦጭ አንተ ጠበቃችን፤

              ነፍስ ረክታ ዋለች በአብይ መንበራችን።

              ኢሳይስም ብትሆን ስትመጣ ወደ እኛ

              ጥላቻ ተቀብሮ ያ ክፉ መጋኛ

              ፍቅራችን ሰጠንህ እንደትሆን እንደኛ።

              ቅንነት ተጠርታ መጋቢት ሃያአራት

              አሥመራ ሰማዕት እለቷ በረላት።

              ይህ ሁሉ ፍቅር፤ ይሄ ሁሉ እርካታ

              እንደምን ልቻለው ሁሉን በአንድ አፍታ

              በሐሤት አልኮሆሉ ሰከርኩ የማታ-የማታ።

              ይህቺ የኔዋ ነፍስ የውሊት ኪዳኒት

              ተሰናይ ተዳረች በራያዊት ትፍስህት።

              የሐሤት ዓይነቱ ልቆጥረው ባሰላ

              በሰብሩ ዜና ውቅያኖስ ተጣራ።

              ለጥ ባለው ተስፋ ተስፋዬን ስፈልግ

              ጅፋር ዋቢ ሆነኝ ሥረዬትም ተመንደግ።

              ብሩካን ቀናታት ታሪክ እዬሰሩ እንዲህ ሲጣደፉ

              ፏ በይ ብለዋታል እናት‘ ሊደግፉ።

              ተዚህም ተዚያ ላይ

              ሲሳይ በሲሳይ …

              ፍቅር ተወለደ ተሠራ ሰናይ፤

              አብሮነት ተከብሮ፤ ተቀብሮ ግላይ።

              የሠራዊት ጌታ በቃችሁ ሲለን

              በመኖርህ ምስባኩ አሜን ተላከልን።

              የተለማ ድልድይ ገዱ ሆኖለት

              ፍቅር ቀን ወጣለት ቃል ሊሠምርለት።

              ሙሴ ቀይ ባህርን ዕምነቱ አሻግሮት

              ፈጣሪ ቅኔውን ድንቅነሽ አብርቶት፤

              ሰንበት ከብራ ዋለች ፍቅር ሸማ ሰርቶት።

              ትድመቅ ይህቺ ዓመት ዓይነት የወጣላት

              ኩነኔ የለባት ሃጢያአት ያልሰራላት!

• ·       ሥጦታ ለዝህች ቅኒት የትፍስት ዕለት  
• ·        09.07.2018 - ሲዊዝ።
• ·       ሰዓት እኩለ ሌሊት 01.33
•